Иоанн 19:11 - Библи

¹¹ – Хэрбээ дээрэһээ тиимэ эрхэ танда үгтөөгүй һаа, та Намайе заяандаашье мэдэлдээ абажа шадахагүй һэнта. Тиимэһээ Намайе танда тушааһан хүнэй нүгэлынь бүришье ехэ юм.

Шэнэ Хэлсээн

¹¹ – Хэрбээ дээрэһээ тиимэ эрхэ шамда үгтөөгүй һаа, ши намайе мэдэлдээ абажа заяандаашье шадахагүй һэнши. Тиимэһээ намайе шамда тушааһан хүнэй нүгэлынь бүришье ехэ юм.

Иоанн 19:11 Referencias Cruzadas

1 Угай бэшэг 29:11

Танай Эсэгэ, мүн тэнгэри, газар дээрэхи алдар суу, алдар хүсэн, алдар соло, эдэ бүхыдөө Танайл: Минии Бурхан Хамагые эзэмдэгшэ мэтэ бултанһаа эрхимынь Та гээшэт, хан түрэ, Бурхан, Танайл.

Псалманууд 39:9

Бурхамни, Танай хүсэл бэелүүлхэ һанаатайб, һургаалтнай сэдьхэлдэм байна» гэжэ хэлээб.

Псалманууд 62:11

Һэлмээр тэдэниие сабшан усадхаха, сүүбэн шононуудай хүнэһэн болохо.

Гашуудал 3:37

«Эзэнэй захираашьегүй юумэн боложо магад» гэжэ хэн хэлэхэб?

Даниил 4:17

Танай хараһан модон мантан, гаһар, огторгой тулама үндэр, дэлхэйдэ хаагууршье харагдамаар бэлэй.

Даниил 4:25

Навуходоносор хаантай эдэ бүгэдэ үнэхөөрөө тохёолдоо бэлэй.

Даниил 4:32

Газар дэлхэй дээрэ амидарагшад юуншье бэшэ. Өөрын һанаһаар лэ Тэрэ огторгойн сэрэгтэй, газарай зонтой юумэ хэхэ. Хэншье гартань һөөргэдэжэ шадахагүй, «Яанабта?!» гэжэ хэлэхэгүй.

Даниил 5:21

Тэрэ зоной дунда амидархаяа болижо, ухааниинь балартан, ан арьяатан мэтэ болоод, зэрлиг элжэгэнүүдтэй байдаг, малдал адли үбһэ ногоогоор хооллодог, бэеынь шүүдэр угаадаг – юрэдөө, хүн түрэлтэнэй хан түрэнүүдые Дээдэ Бурхан зонхилдог, Өөрын дураар хэн нэгэниие хан шэрээдэ Тэрэл һуулгадаг гэжэ ойлготороо тэрэ иимэ байдалда байгаа.

Матвей 26:65

Тиихэдэнь ахамад санаарта хубсаһаяа шуу татаад: – Энэтнай Бурханиие доромжолжо байна! Бидэндэ үшөө ямар гэршэ хэрэгтэйб? Мүнөө һая энээнэй Бурханиие доромжолхыень дуулабат!

Матвей 27:2

Иисүүсые тэдэ гэнжээр хүлеэд, Пиладта абаашажа тушааба.

Матвей 6:13

Горидолго хорхойтуулгада маниие бү оруулыт даа, муу мэхэтэй шолмосһоо аршалжа байгыт даа! Хаан түрэ, хүсэ шадал, алдар соло мүнхэдөө Танай ха юм. Болтогой!

Марк 14:44

Урбагша хамта ябаһан зондоо ямар дохёо тэмдэг үгэхэ тухайгаа хэлсэжэ: – Минии таалан мэндэшэлхэ хүн танда хэрэгтэй хүн гээшэ, Тэрэниие барижа, харуул доро абаарайгты, – гэбэ.

Лука 22:53

Теэд үдэр бүхэн таанадтай хамта Һүмэ соо байхадамни Намайе бариха гэжэ забдаагүй һэнта. Харин мүнөө харанхы хара хүсэнэй эзэрхэхэдэ, танай саг ерээ.

Иоанн 18:13

Тэрээниие түрүүн тэрэ жэлдэ ахамад санаарта байһан Кайафа гэгшын хадам эсэгэнь болохо Аннада абаашаба.

Иоанн 18:3

Иуда Римэй бүлэг сэрэгшэдые, мүн түрүү санаартанай, фарисейнүүдэй эльгээһэн Һүмын харуулшадые абаад, баһа сэсэрлиг руу ерэбэ; тэдэнэр бултадаа буу зэбсэг, гэрэл шиидам, гал түүдэгүүдые гартаа барижа ябаа.

Иоанн 19:10

Тиихэдэнь Пилат: – Намтай хөөрэлдэхэ дурагүй байна гүт? Би Таниие табюулхашье эрхэтэйб, саазалуулхашье эрхэтэйб, энээн тухай мэдэнэгүй гүт? – гэбэ.

Иоанн 3:27

– Тэнгэриин үршөөгөөгүй юумэ хэншье абажа шадахагүй, – гэжэ Иоанн харюусаба. –

Иоанн 7:30

Тиигэжэ хэлэхэдэнь Иисүүсые засагаархин барижа хаахаяа һанаба, теэд хэншье Тэрээнэй ойро хүрэбэгүй, юундэб гэхэдэ, Тэрэнэй сагынь үшөө ерээдүй байгаа.

Иоанн 9:41

– Үнэхөөрөө һохор байгаа һаа, таанар зэмэгүй байха һэнта. Теэд таанар юумэ харанабди гэнэт. Иимэ ушарһаа таанар зэмэтэй зандаа үлэнэт, – гэжэ Иисүүс харюусаба.

Хэрэгүүд 2:23

Бурханай үни баталһан түсэбэй ёһоор танай гарта үгтэһэн Иисүүсые хуули эбдэгшэдэй гараар хэрээһэндэ хадажа алаат.

Хэрэгүүд 3:13

Абраһаамай, Исаагай, Яковай Бурхан, манай үбгэ эсэгэнэрэй Бурхан Өөрын зараса Иисүүсые алдаршуулаа. Таанад Иисүүстэ урбаат, Тэрэниие Пиладай сүлөөлэн табиха гэхэдэнь, таанад арсаат.

Хэрэгүүд 4:28

Танай эрхэ засагаар, Танай хүсэлөөр урдань шиидэгдэһэн юумые тэдэнэр бэелүүлхэеэ хамтарба.

Римэйхиндэ 11:36

Бүхы юумые Тэрэ бүтээгээ, бүхы юумэн Тэрэнэй ашаар ба Тэрэнэй тулада оршоно ха юм. Бурхан хэтын хэтэдэ алдар солотой байһай! Болтогой.

Римэйхиндэ 13:1

Хүн бүхэн засаг баригшадай үгэ дуулаха ёһотой, ушарынь юуб гэбэл, ганса Бурханай зүбшөөлөөр лэ хүндэ засаг бариха эрхэ үгтэдэг юм, тиин мүнөөнэй засаг баригшадые Бурхан лэ табиһан болоно.

Яковай хандалга 1:17

Бүхы үлзытэй, эгээн эрхим бэлэгүүд дээрэһээ, тэнгэриин одо мүшэдые, нара һарые бүтээһэн, хэзээдэшье хубилдаггүй, тэдэ ододто адли һүүдэр хэзээшье татадаггүй Бурханһаа үгтэдэг.

Яковай хандалга 4:17

Бидэ үлзытэй юумэ бүтээхэ ёһотой байһанаа мэдэжэ байгаад, хэдэггүй байбал, нүгэл үйлэдэнэбди.