Иоанн 18:1 - Библи

¹ Иигэжэ хэлэһэнэйнгээ һүүлээр Иисүүс шабинартаяа хамта Кидроон голой саада бэедэ байһан сэсэрлиг тээшэ шэглэн зорибо. Тэдэ бүгэдөөрөө сэсэрлиг руу ошобо.

Шэнэ Хэлсээн

¹ Иигэжэ хэлэһэнэйнгээ һүүлээр Иисус шабинартаяа хамта Кедрон голой саада бэедэ байһан сэсэрлиг тээшэ шэглэн зорибо. Тэдэ бүгэдөөрөө сэсэрлиг руу ошобо.

Иоанн 18:1 Referencias Cruzadas

Эхин 2:15

Эдээмэй сэсэрлиг һэргээн харууһалжа байхыень Эзэн Бурхан хүниие тэндэ байрлуулаад,

Эхин 3:23

Тиигэжэ Эзэн Бурхан болгоомжолоод, тэдэ хоёрые Эдээмэй сэсэрлиг сооһоо намнажа гаргаба: газарһаал абтаһан хадаа тэрэ газараа элдүүрилжэ байг.

2 Хаан түрэнүүд 15:23

Нютагаа орхин ошожо ябахадаа бүхы зон шангаар бархиралдан ябаа. Хаан Кидроон горхо гаталха гарасын хажууда байгаа. Бүхы арад зон сүл губи тээшэ замаар шэглэн ябаа.

3 Хаан түрэнүүд 15:13

Ашэраа бурханай хүрэг бүтээлгэһэнэйнь тула Маһахаа гэдэг хүгшэн эжыгээ хатанай нэрэ хүндэһөө буулгаа бэлэй. Асаа тэрэ хүрэгыень бута сабшуулжа, Кидроон горхоной хажууда шатаалгаба.

3 Хаан түрэнүүд 2:37

Гаража, Кидроон горхо гаталаа һаа, заабол хосорхош – энээниие мэдэжэ бай. Өөрөөл зэмэтэй болохош, – гэбэ.

4 Хаан түрэнүүд 23:12

Тиигээд тэрэ Иудын хаашуулай, Ахаазай амардаг гэрэй дээдэ дабхарай оройдо бодхооһон үргэлэй шэрээнүүдые һандаргаба. Мэнашшээ тахилай тэдэ шэрээнүүдые Эзэнэй һүмын хоёр хашаа хорёо соо бүтээлгэһэн байгаа. Тэрэ тэдэниие һандарган буталжа, бутархайнуудыень тооһо шоройтойгоор хамаад, тэдэнииень Кидрооной хүндыдэ хаюулба.

4 Хаан түрэнүүд 23:4

Хаан тэнгэриин наран, һара болон одо мүшэдтэ, Ашэраада ба Баалда шүтэн мүргэлгэндэ алба хэдэг бүхы хэрэгсэлнүүдые Эзэнэй һүмэһөө гаргажа хаяха захиралта ахамад санаарта Хилкияада, санаарта туһалагшадта үгэбэ. Хаан тэдэ бүхы хэрэгсэлнүүдые Иерусалимһаа гаргажа, Кидрооной хүндын ташаланда абаашажа шатаагаад, үнэһыень Бэт-Ээлдэ абаашуулба.

4 Хаан түрэнүүд 23:6

Тиигээд тэрэ Эзэнэй һүмэһөө Ашэраагай дурые гаргажа, Иерусалимай хэрэм ханын саанахи Кидрооной хүндыдэ абаашахыень захирба. Тиигээд тэрэ дүрсые Кидрооной хүнды соо шатаажа, үнэһыень хамажа суглуулаад, эгээлэй юрын хүнүүдэй булаша дээгүүр сасан тарааба.

2 Угай бэшэг 15:16

Ашэраа бурханай хүрэг бүтээлгэһэнэйнь тула Маһахаа гэдэг нагаса эжыгээ хатанай нэрэ хүндэһөө буулгаа бэлэй. Асаа тэрэ хүрэгыень унагаалгажа, хэдэн хэһэг болгон бута сабшуулаад, Кидроон горхоной хажууда шатаалгаба.

2 Угай бэшэг 29:16

Санаартад Эзэнэй Һүмэ руу сэбэрлэхэеэ оробо. Эзэнэй Һүмэ соо ологшо бузартай бүхы юумэ тэдэ Эзэнэй Һүмын хашаа руу гаргаба. Левидүүд энээнииень Кидрооной хүнды руу абаашахаяа абаа һэн.

2 Угай бэшэг 30:14

Иерусалим соо байгааша үргэлэй болон уталгын шэрээнүүдые тэдэ һандаргаажа, Кидрооной хүнды руу хаяба.

Нэхэмьяа 2:15

Би һүни дахин хана шэнжэлэн, жалга үгсэн дээшэлбэб, һүүлээрнь Нугын үүдээр гэдэргээ хото бусабаб.

Ерэмияа 31:40

Үхэһэн зоной хүүрэй ба бог шоройн хаягдаһан хүнды болон Кидрооной хүнды хүрэтэрхи бүхы талмай, зүүн зүг руу Морин Хаалгын булан хүрэтэр Минии нангин арюун газар болохо. Дахин хэзээдэшье энэ хото һандаргагдахагүй, һалахагүй» гэжэ Эзэн тунхаглана.

Левит 2:6

Лепёошхо хэсэг хэсэгээр хухалаад, дээрэһээнь оливын тоһо адха: энэ хадаа талхан үргэл гээшэ.

Матвей 26:30

Тиигээд тэдэнэр магтаал дуу дуулаһаар Элеон хада дээрэ гараба.

Матвей 26:36

Удаань Иисүүс шабинартайгаа хамта Гефсимани гэдэг газарта ерээд, тэдэндээ: – Минии тэндэ ошожо зальбараад ерэтэр эндээ һуужа байгты, – гэжэ хэлэбэ.

Марк 14:26

Тиигээд тэдэнэр магтаал дуу дуулаһаар Элеон хада дээрэ гараба.

Марк 14:32

Иисүүс шабинартайгаа Гефсимани гэдэг газарта ерээд: – Минии зальбараад ерэтэр таанад эндээ һуужа байгты, – гэжэ шабинартаа хэлэбэ.

Марк 14:42

Бодогты, ябаябди! Намда урбагша дүтэлжэ байна.

Иоанн 14:31

Теэд Эсэгэдээ Минии дуратай байһые дэлхэйн зон мэдэхэ ёһотой. Тиимэ ушарһаал Би Эсэгынгээ захиһан бүхы юумые дүүргэнэб. Зай, бодогты, мүнөө эндэһээ ябая!

Иоанн 18:26

– Сэсэрлиг соо шамайел Иисүүстэй хамта би хараа бэшэ һэн аалби? – гэжэ ахамад санаартын зарасанарай нэгэн асууба. Тэрэ зарасын түрэл болохо хүнэй шэхэ Пётр һэлмээрээ таһа сабшаһан байгаа.

Хэрэгүүд 21:11

Агааб манай байһан газарта ерэжэ, Павелай бүһэ абажа, хүл гараа хүлеэд: – «Энэ бүһын эзэниие еврейнүүд Иерусалимда иигэжэ хүлеэд, бусад арадуудта тушааха» гэжэ Арюун Һүлдэ соносхоно, – гэбэ.