Иоанн 17:3 - Библи

³ Хэтэ мүнхын амидарал гээшэ ори ганса үнэн бодото Бурхан бологшо Таниие, мүн Танай эльгээһэн Иисүүс Христоосые мэдэхэ гэһэн удхатай.

Шэнэ Хэлсээн

³ Хэтэ мүнхын амидарал гээшэ ори ганса үнэн бодото Бурхан бологшо шамайгаа, мүн шинии эльгээһэн Иисус Христосые мэдэхэ гэһэн удхатай.

Иоанн 17:3 Referencias Cruzadas

1 Угай бэшэг 28:9

Ши, минии хүбүүн, Соломоон, өөрынгөө эсэгын Бурханиие мэдэрэ, үнэн зүрхэнһөө, хамаг сэдьхэлһээ Тэрээндээ алба хэжэ яба, Эзэн сэдьхэлыш, һанаан бодолыень мэдэжэ байха. Хэрбэеэ Тэрэниие бэдэрээ һааш, Тэрэниие олохош; харин Тэрэнээ мартабалшни, Тэрэ шамайе хэтын хэтэдэ орхихо.

2 Угай бэшэг 15:3

Олон үдэрэй туршада Израиль бодото үнэн бурхангүй, һургадаг санаартагүй, хуули ёһогүй байха.

Псалманууд 9:10

Дарлагдаад байгаа хүндэ Эзэн хорохо газар, бэрхэшээлтэй сагта хоргодохо газар болохо.

Һургаал 8:35

Намайе ологшо хүн амидарал оложо, Эзэнэй талархалда хүртэхэ.

Исай 48:16

Нам руу дүтэлэгты, юу хэлэхыем шагнагты! Би эхинһээ эхилэн нюуса дуугаржа байгаа бэшэб. Энээнэй эхинһээ хойшо Би тэндэ байлсааб». Мүнөө Эзэн Бурхан Һүлдөө намда шэнгээн, Намайе эльгээгээл!

Исай 53:11

Зобоһонойнгоо удаа Тэрэ баясаха, дэмы зобоогүйб гэжэ Тэрэ мэдэхэ. Минии Зүб Шударга Зараса Тэрэ олоной хэһээлтэ Өөр дээрээ даажа абаха.

Исай 61:1

Эзэн Бурханай Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхын, зүрхэнэй шархатай зониие эдэгээхын, баряанда байгшадта эрхэ сүлөө, түрмэдэ хаагдаатай зондо түрмын үүдэнэй нээгдэхэ тушаа соносхохыемни томилһон юм.

Ерэмияа 10:10

Харин Та, Эзэн, ори ганса, үнэн бодото Бурхан болонот. Та – амиды Бурхан, хэтэ мүнхэдөө зонхилдог Хаан гээшэт. Танай уур сухалһаа газар дэлхэй доһолжо, үндэһэ яһатан Танай уур хилэн тэсэжэ шададаггүй.

Һошээ 6:3

Зай, иигээд Эзэниие мэдэхэеэ эрмэлзэдэг болоё. Тэрэнэй залархань үүрэй толон мэтэ яг сагтаа, газар дайдые уһалдаг бороо мэтэ Тэрэ заларжа, маанадые һэргээхэл».

Марк 9:37

– Минии нэрээр иимэ нэгэ үхибүүе тогтоожо абаһан хүн Намайе тогтоожо абаһан болоно. Тиихэдэ Намайе тогтоожо абаһан хүн Намайе иишэ эльгээһэн Бурханиие тогтоожо абана гээшэ.

Лука 9:48

иигэжэ хэлэбэ: – Минии нэрээр энэ үхибүүе хүлеэжэ абаһан хүн Намайе хүлеэжэ абаһан болоно, Намайе хүлеэжэ абаһан хүн Намайе иишэ эльгээһэн Бурханиие хүлеэжэ абаһан болоно. Юундэб гэхэдэ, таанадай эгээн даруу номгонтнай эгээл агууехэтнай гээшэ.

Иоанн 10:36

Харин Намайе Эсэгэмни Өөртөө зорюулан, энэ дэлхэйдэ эльгээгээ юм. Тиимэһээ «Би Бурханай Хүбүүнби» гэхэдэмни, «Та Бурханиие доромжолнот» гэжэ таанар Намда юундэ хэлэнэт?!

Иоанн 11:42

Та Намайе хододоо дуулажа байдагта гэжэ Би мэдэнэб. Намайе Та эльгээгээт гэжэ эндэ зогсогшо хүнүүдэй этигэхынь тула Би тиигэжэ хэлээб! – гэжэ

Иоанн 14:26

Минии аша туһада Эсэгэмни таанарта Туһалагшые, Арюун Һүлдые эльгээхэ. Тэрэ Арюун Һүлдэ таанарые али бүхы юумэндэ һургаха, Минии хэлэһэн юумэ баран һануулха.

Иоанн 17:18

Дэлхэйн зондо Намайе Танай эльгээһэндэл адли, Би тэдэниие баһал энэ дэлхэйн зондо эльгээгээб.

Иоанн 17:21

Эдэнэр бултадаа нэгэн хамта байг лэ, Та Минии досоо байнат, Би Танай досоо байнаб, тэрээндэл адли, тэдэнэр бидэнэй досоо байг лэ. Тиихэдээ Намайе Та эльгээгээт гэжэ дэлхэйн зон этигэхэ.

Иоанн 17:23

Тэдэнэй бүрин нэгэн хамта байхын тула Би тэдэнэй досоо байнаб, Та Минии досоо байнат. Та Намайе эльгээгээт, Танай Намда дуратай байдагтал адляар, эдэндэ дуратайт гэжэ дэлхэйн зон мэдэг лэ.

Иоанн 17:25

Үнэн сэхэ Эсэгэмни аа! Дэлхэйн зон Таниие мэдэнэгүй. Теэд Би Таниие мэдэнэб, Намайе Та эльгээгээт гэжэ тэдэ мэдэнэ.

Иоанн 17:8

Намда Танай дамжуулан үгэһэн үгэнүүдые Би тэдэндэ дамжуулбаб, эдэ үгэнүүдыетнай тогтоон абаа, тиин Намайе Танһаа ерээ гэжэ үнэхөөрөө ойлгоо, Намайе Та эльгээгээт гэжэ этигээ.

Иоанн 3:17

Бурхан дэлхэйнхидые зэмэлхын тула бэшэ, харин тэдэниие абархын тула Хүбүүгээ газарта эльгээгээ.

Иоанн 3:34

Бурханай эльгээгшэ Бурханай үгэ номноно, юундэб гэбэл, Бурхан Тэрээндэ Арюун Һүлдэ хизааргүй ехээр үршөөнэ.

Иоанн 5:44

Таанар бэе бэедээ магтуулхаяа ехээр хүсэнэт, харин Бурханай магтаалда хүртэхэ гэжэ оролдоногүйт! Таанартал адли хүнүүд Намда этигэхэ аал?

Иоанн 6:57

Намайе эльгээһэн Эсэгэмни мүнхэдөө амидаралгын шанартай юм. Тэрэ Минии амидаралай эхин болоно. Энээндэл адли, Би Намайе эдидэг хүнэй амидаралай эхин байхаб.

Иоанн 7:29

Харин Би Тэрээниие мэдэхэб, ушарынь нэрлэбэл, Би Тэрээнһээ ерээб, Намайе Тэрэ эльгээгээ, – гэжэ шангаар дуугарба.

Иоанн 8:19

– Теэд Танай эсэгэ хаанаб? – гэжэ тэдэ һураба. – Таанар Намайешье, Минии Эсэгыешье мэдэнэгүйт. Хэрбээ таанар Намайе мэдээ һаа, Минии Эсэгыешье мэдэхэ һэнта, – гэжэ Иисүүс харюусаба.

Коринфынхидтэ 1-дэхи 15:34

Ой ухаандаа орогты, нүгэл хэхэеэ болигты. Заримантнай Бурханиие мэдэхэгүй, тиин эшэжэ зобожо байхаартнай энээниие хэлэнэб.

Коринфынхидтэ 1-дэхи 8:4

Онгонуудта үргэгдэһэн хоол бариха тухай хэлэбэл, онгонууд юуншье бэшэ, зүбхэн ори ганса Бурхан бии юм гэжэ бидэ мэдэнэбди.

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Филиппынхидтэ 3:10

Христоосые, Тэрэниие амидыруулһан хүсые мэдэрхэ гэжэ хүсэнэб. Тэрээндэл адляар зобохо, Тэрээндэл адляар үхэхэ дуратай байнаб,

Филиппынхидтэ 3:8

Бүри үнэтэй сэнтэй юумэнһээ, минии Эзэн Иисүүс Христоосые мэдэрхэһээ гадна бусад бүхы юумэнүүдые би хэрэггүй ба дэмы хооһон гэжэ тоолоноб. Христоосһоо боложо би бүхы юумэнһээ арсааб. Христоосые оложо, Тэрээнтэй сүм нэгэдэхын тула би бусад бүхы юумые юун дээрэшье тоолоногүйб.

Фессалоникиинхидтэ 1-дэхи 1:9

Маанадай таанадта ошоходо, таанадай яажа бидэниие угтажа абаһан тухай, онгонуудаа орхижо, Бурханда хандаһан тухайтнай булта хөөрэлдэнэ. Үнэн зүб ба амиды Бурханда алба хэхэ һанаатайгаар, маанад дээрэ ерээдүйдэ бууха ёһотой Бурханай уур сухалһаа аршалжа байһан, үхөөд амидырһан Христоосой тэнгэриһээ буужа ерэхые хүлеэхэ һанаатайгаар таанад Бурханда хандаат.

Еврейнүүдтэ 3:1

Бурханай баһал Өөртөө дуудаһан арюун гэгээн аха дүүнэрни! Баримталжа байһан һүзэгэймнай Ахамад Санаарта болгогдон эльгээгдэһэн Иисүүс тухай һанажа байгты.

Пётрой 2-дохи хандалга 1:2

Манай Бурхан ба Эзэн Иисүүсые мэдэһэнэйтнай ашаар Бурханай үршөөл хайра, амгалан тайбан та бүхэнтэй элбэг дэлбэг байхань болтогой!

Пётрой 2-дохи хандалга 1:3

Бурханай эрхэ мэдэлээр ажамидаржа байхымнай тула Тэрэниие мэдэһэнэймнай ашаар Иисүүсһээ эхитэй Бурханай хүсэн бүхы хэрэгтэй юумые маанадта үгөө. Бурхан алдараараа болон буян хэшэгээрээ хубаалсахын тула бидэниие дуудаа,

Пётрой 2-дохи хандалга 1:8

Иимэ аша үлзытэй шанарнуудаа бэхижүүлжэ байбалтнай, манай Эзэн Иисүүс Христоосые мэдэрхэдэ тэдэтнай таанадые үрэ дүнгүй, аша туһагүй байлгахагүйл.

Иоаннай 1-дэхи хандалга 1:2

Тэрэ Амидарал бидэндэ харуулагдаа, тэрэ Амидаралые хараабди. Тэрэ Амидаралга тухай гэршэлнэбди. Хэтэ мүнхын тэрэ амидарал Эсэгэтэй хамта байжа, бидэндэ үзүүлэгдээ гээд бидэ таанарта мэдээсэнэбди.

Иоаннай 1-дэхи хандалга 1:3

Бидэнтэй таанарай харилсахын тула хараһан, дуулаһан юумэеэ бидэ таанарта мэдээсэнэбди. Харин бидэнэр Эсэгэ Бурхантай, Тэрэнэй хүбүүн Иисүүс Христоостой харилсанабди.

Иоаннай 1-дэхи хандалга 2:23

Хүбүүндэнь этигэдэггүй һаа, Эсэгэгүй байна гэһэн удхатай. Хүбүүндэнь этигэдэг хүн Эсэгэтэйнь хамта байна.

Иоаннай 1-дэхи хандалга 4:6

Харин бидэнэр Бурханай хүнүүдбди. Тиимэһээ Бурханиие мэдэгшэнь бидэниие шагнана, Бурханай бэшэ хүн шагнанагүй. Иигэжэл бидэ үнэн зүбэй һүлдые худал хуурмагай һүлдэһөө илгаруулан мэдэнэбди.

Иоаннай 1-дэхи хандалга 5:20

Ёһотой Бурханиие бидэнэй танидаг болохын тула маанадта Бурханай Хүбүүн ерэжэ ойлгуулаа гээд бидэ мэдэнэбди. Бидэ Бурхантай нэгэн хамта, Тэрэнэй Иисүүс Христоостой нэгэн хамта байнабди. Иисүүс Христоос хадаа ёһотой Бурхан гээшэ, хэтэ мүнхын амидарал гээшэ.