Иоанн 16:24 - Библи

²⁴ Минии нэрэ дурдажа, таанар юушье үшөө эреэгүйт. Эрибэл абахат, тиигээд баяр баясхалангаар дүүрэхэт!

Шэнэ Хэлсээн

²⁴ Минии нэрэ дурдажа, таанар юушье үшөө эреэгүйт. Эригты – абахат, тиин таанар баяр баясхалангаар дүүрэхэт!

Иоанн 16:24 Referencias Cruzadas

Эхин 32:9

Тиигээд Яков Эзэн Бурханда мүргэн зальбарба: – Үбгэ эсэгэ Абраһаамай, минии эсэгэ Исаагай Эзэн Бурхан! «Түрэһэн нютагаа, түрэл сададаа ши буса. Тэндэ шамда һайн һайханиие Би үгэхэб» гэжэ Та намда айладаа бэлэйлта.

3 Хаан түрэнүүд 18:36

Үдэшын тахил үргэхэ сагай болоходо, Элияа лүндэншэ урагшаа гаража, иигэжэ зальбарба: – Абраһаамай, Исаагай болон Израилиин Эзэн Бурхан! Өөрыгөө Израилиин Бурхан мүн гэжэ, Танай захирһанай ёһоор минии, богоолойтнай, эдэ бүгэдые ябуулһаниие мүнөө батадхыта!

4 Хаан түрэнүүд 19:15

Тиигээд тэрэ Эзэндэ зальбарба: – Херүүбүүд дээрэ заларагша, Түмэн Сэрэгтэ Израилиин Эзэн Бурхан! Та ори гансаараа газар дээрэхи бүхы хан түрэнүүдэй Бурхан болонот! Та огторгой, газарые бүтээгээт!

Матвей 6:9

Иигээд зальбаржа байгаарай: Тэнгэридэ оршодог Эсэгэмнай! Нангин нэрэтнай алдаршахань болтогой.

Иоанн 14:1

– Таанар һанаагаа бү зобогты! Бурханда шүтэжэ байгаад, мүн Намда шүтэгты!

Иоанн 14:14

Хэрбээ Минии нэрэ дурдажа, Намайе гуйгаа һаатнай, Би бултыень бүтээхэб.

Иоанн 15:11

Минии баяр жаргалые хубаалсахынтнай тула, энэ баяр жаргалай бүрин түгэс байхын тула Би эдэ бүгэдые хэлэнэб.

Иоанн 16:23

Тэрэ үдэр таанар Намһаа юушье асуухагүйт. Үнэн зүбые хэлэнэб: Минии нэрэ дурдан эриһэн бүхы юумыетнай Эсэгэмни таанадта үгэхэ.

Иоанн 3:29

Гэрлэхэ басагые гэртээ асарһан хүн тэрэ басаганай нүхэрынь гээшэ. Гэрлэхэ хүнэй хажууда зогсожо байһан дүтынь нүхэр хүбүүниинь тэрэнэй хэлээшые шагнан баясадаг. Тиин намдашье тиимэ ехэ баяр баясхалан тудаа.

Фессалоникиинхидтэ 2-дохи 1:2

Эсэгэ Бурхан болон Эзэн Иисүүс Христоос таанадта үршөөл хайра ба амгалан тайбаниие үршөөг лэ!

Иоаннай 2-дохи хандалга 1:12

Таанарта бэшэхэ гэһэн юумэн намда олон бии. Теэд саарһа, бэхэ хэрэглэжэ бэшэхые хүсэнэгүйб. Би өөрөө ерээд, таанартай хөөрэлдэхэб гэжэ найданаб. Тиихэдэл бидэнэй баяр баясхалан хүсэд дүүрэн болохо.