Иоанн 16:10 - Библи

¹⁰ Харуулха үнэн зүбынь Минии талада юм, ушарынь хэлэбэл, Би һөөргөө Эсэгэдээ бусахамни, тиин таанар Намайе ондоо харахагүйт.

Шэнэ Хэлсээн

¹⁰ Харуулха үнэн зүбынь минии талада юм, ушарынь хэлэбэл, би һөөргөө Эсэгэдээ бусахамни, тиин таанар намайе ондоо харахагүйт.

Иоанн 16:10 Referencias Cruzadas

Исай 42:21

Үнэн шударгаяа хараада абан, Эзэн Хуулиие агууехэ, алдар солотой болгохо һанаатай.

Даниил 9:24

Эсэргүүсэһэн ябадал мартагдахын, нүгэл арюудхагдахын, гэм зэм амасагдахын тула, үнэн зүб ябадалай хэтэ мүнхэдөө мандахын, үзэгдэл болон лүндэн дээрэ тамга табигдахын тула, Нангинай нангин газарай арюудхагдан тоһологдохын тула дала дахин долоон хоног үнгэрхэ ёһотой. Иимэ сагай хугасаа соо арад зонтнай, нангин хототнай нүгэлөө амасаха гээд Бурхан тодорхойлоо.

Иоанн 16:28

Би эндэ Эсэгэһээ ерээб, мүнөө энэ дэлхэйе орхёод, Эсэгэдээ бусахамни.

Иоанн 16:5

– Мүнөө Намайе эльгээгшэдэ ошохомни. Теэд «Та хайшаа ошохотнайб?» гэжэ таанарай хэнтнайшье Намһаа һуранагүй.

Иоанн 3:14

Моисей сүл губяар ябахадаа, зэдээр бүтээһэн могой өөдэнь үргөө юм, тэрээндэл адляар Хүн түрэлхитэнэй Хүбүүн өөдөө үргэгдэхэ ёһотой.

Иоанн 5:32

Зүгөөр Намайе гэршэлдэг нэгэ гэршэ бии. Нам тухай тэрэнэй гэршэлэн хэлэдэг бүхы үгэнүүд үнэн зүб гэжэ би мэдэнэб.

Иоанн 7:33

Иисүүс тэрэ үедэ: – Үшөө нэгэ заа таанартай суг байлсахамни, тиигээд Намайе эльгээһэн Эсэгэдээ ошохоб.

Хэрэгүүд 17:31

юундэб гэхэдэ, Бурхан юртэмсэ дэлхэйе үнэн зүб зарга шиидхэбэреэр шүүхэ үдэрөө тогтоогоо, тиин Зарга шүүгшэеэ Тэрэ томилон табяа. Тэрэниие Бурхан амидыруулжа, бүхы хүнүүдтэ гэршэ баримта болгон үгөө.

Хэрэгүүд 2:32

Бурхан Иисүүсые амидыруулаа, тиин бидэ булта энэ ушарай гэршэнэр болонобди.

Хэрэгүүд 3:14

Бурханай хүнһөө, үнэн сэдьхэлтэнһээ арсажа, харин алууршые табиит гэжэ таанад гуйгаат.

Хэрэгүүд 7:52

Танай үбгэ эсэгэнэртнай лүндэншэдэй хэниие хашан мүрдөөгүйб? Үнэн сэдьхэлтэнэй ерэхэ тухай урда айладхаһан хүнүүдые тэдэ алаа, харин таанад мүнөө тэрэ Үнэн сэдьхэлтэндэ урбажа, тэрэниие алабат.

Римэйхиндэ 1:17

Гансал һүзэгэй ашаар хүнүүдые Бурханай үнэн сэдьхэлтэн болгодогынь Һайн Мэдээсэл соо элеэр харуулагдана. «Үнэн сэдьхэлтэн һүзэгэйнгөөл ашаар амидарха», – гэжэ Нангин Бэшэг соо бэшээтэй.

Коринфынхидтэ 1-дэхи 1:30

Юуб гэбэл, Бурхан лэ таанадые Христоос Иисүүстэй нэгэдүүлээ, Христоосые манай сэсэн ухаан болгоо. Христоосой ашаар бидэ үнэн сэдьхэлтэнгүүд, Бурханай нангин хүнүүд, сүлөөтэй хүнүүд болообди.

Коринфынхидтэ 2-дохи 5:21

Бурхан маанадай түлөө ямаршье нүгэлгүй байһан Христоосто манай нүгэлнүүдые ашаа. Тиигэжэ бидэ Христоостой нэгэдэн, Бурханда зохистой болообди.

Галадуудта 5:5

Харин бидэ Бурханай үршөөл хайрада хүртэжэ, өөһэдынгөө этигэлээр абарагдахабди гэжэ найданабди.

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Арюун Һүлдэ харуулаа, Тэрэ Өөрыгөө Эльгээмэлнүүдтэ харуулаа. Арадуудай дунда Тэрээн тухай номноо, бүхы газар дэлхэйн зон Тэрээндэ этигээ, тиигээд Тэрэ тэнгэридэ дэгдээ.

Пётрой 1-дэхи хандалга 3:18

Бидэниие Бурханда хандуулхын тула Христоос манай нүгэл шэбэлэй түлөө нэгэтэ зоболон эдлээ. Тэрэ үнэн сэдьхэлтэн хара һанаатай зоной түлөө бэеэ һүнөөлгэжэ, һүлдөөрөө амидыраа.