Иоанн 15:4 - Библи

⁴ Би таанарай досоо байнаб, тэрээндэл адляар таанар Минии досоо байгты. Мүшэр өөрөө үрэ жэмэс асаржа шададаггүй, үрэжэл үгэхын тула мүшэр эшэ һалаагай хубинь байха ёһотой. Тон тиимээр таанар Минии досоо байгаагүй һаа, үрэ жэмэс асаржа шадахагүйт.

Шэнэ Хэлсээн

⁴ Би таанарай досоо байнаб, тэрээндэл адляар таанар минии досоо байгты. Мүшэр өөрөө үрэ жэмэс асаржа шададаггүй, үрэжэл үгэхын тула мүшэр эшэ һалаагай хубинь байха ёһотой. Тэрээндэл адляар таанар минии досоо байгаагүй һаа, үрэ жэмэс асаржа шадахагүйт.

Иоанн 15:4 Referencias Cruzadas

Дуунай дуун 8:5

Алас сүл губиһаа хүрэжэ ерээд, амараг хүнөө тэбэрин байгаа энэ басаган хэн бэ? Амарагни! Алим модон мэтэ анхилма дураар анхан би шамайе носоогооб. Иимэ дуранай хүсөөр лэ эхэшни шамайе хэбэлдээ оложо, хүн болгожо түрүүлһэн бэлэй.

Һошээ 14:8

Минии хамгаалалта доро тэдэ дахин ажаһуудаг болохо, үрэжэл ехэтэй таряандал, жэмэс олон уһан үзэмэй модондол, Ливаанай үзэмэй дараһан архидал адли алдар суутай болон байха.

Матвей 12:33

Һайн модон һайн үрэ жэмэс үгэдэг, муу модон муу үрэ жэмэс асардаг. Модоной шанарынь тэрэнэй үрэ жэмэсээрнь танигдадаг юм.

Лука 8:15

Үрэжэлтэй газарта унаһан үрэһэн гээшэнь – номнол үгэнүүдые шагнажа, сэдьхэлдээ бүхөөр хадагалжа, тэсэбэритэй ябажа, аша үрэ асарагшад тухай хэлэгдэнэ.

Иоанн 14:20

Би Өөрын Эсэгэ соо байнаб, таанар Минии досоо байнат, Би таанарай досоо байнаб – энээн тухай таанар тэрэ үдэр мэдэхэт.

Иоанн 17:23

Тэдэнэй бүрин нэгэн хамта байхын тула Би тэдэнэй досоо байнаб, Та Минии досоо байнат. Та Намайе эльгээгээт, Танай Намда дуратай байдагтал адляар, эдэндэ дуратайт гэжэ дэлхэйн зон мэдэг лэ.

Иоанн 6:56

Минии бэе эдидэг хүн, Минии шуһа уудаг хүн Минии досоомни байна, Би баһал тэрэнэй досоонь байнаб.

Иоанн 8:31

Удаань Иисүүс Тэрээндэ этигэһэн еврейнүүдтэ иигэжэ хэлэбэ: – Хэрбээ таанар Минии һургаалай ёһоор ябаа һаа, үнэхөөрөөл Минии шабинар болохот.

Хэрэгүүд 11:23

Барнааба Антиох хүрэжэ ерэхэдээ, Бурханай үршөөһэн буян хэшэгые өөрөө хаража, ехээр баярлаба. Тиигээд бүхы зүрхэ сэдьхэлээрээ Эзэндэ үнэн сэхэ байхыень хүн зониие уряалаа.

Хэрэгүүд 14:22

ябаһан газартаа шабинараа урмашуулан, зоригжуулан, этигэлээ алдангүй, харин бэхижүүлжэ байхыень уряалба. Бурханай хаан орондо орохынгоо урда тээ таанад аргагүй ехэ зоболон дабахат гэжэ тэдэ хэлэбэ.

Коринфынхидтэ 2-дохи 13:5

Һүзэгтэй һууна гүт гэжэ өөһэдыгөө шалгагты, туршагты. Иисүүс Христоос досоотнай байна гэжэ ойлгоногүй аалта? Ойлгоогүй һаа, таанад шалгалта үгөөгүй гээшэт.

Эфесэйхиндэ 3:17

Танай һүзэгэй ашаар зүрхэ сэдьхэлдэтнай Христоос һууришаһай, инаг дуран танай үндэһэ, һуури болоһой гэжэ би баһал зальбарнаб.

Филиппынхидтэ 1:11

Хэһэн бүхы үйлэ хэрэгүүдтнай Иисүүс Христоосой нүлөөгөөр үнэндөө һайн һайхан байхал. Тиигэжэл Бурхан алдаршаха, Тэрээндэ магтаал соло дуудаха.

Колоссынхидтэ 1:23

Тиимэһээ таанад хатуу ба сухаришагүй һүзэглэжэ байха ёһотойт, Һайн Мэдээсэлые шагнажа этигэһэн найдабарияа алдаха ёһогүйт. Ушарынь юуб гэхэдэ, би Павел газар дэлхэй дээрэ бүхы амитадта номногдоһон тэрэ Һайн Мэдээсэлэй зарасань болооб.

Колоссынхидтэ 1:27

Энэ нюусаяа Бурхан Өөрынгөө хүнүүдтэ мэдүүлхэ гэжэ түсэблэнэ, гэхэтэй сасуу энэ үнэтэй ба алдарта нюусань бүхы хүнүүдтэ юм. Тэрэ нюусань – Христоос таанадай досоо гэһэн удхатай, таанад Бурханай алдарые хубаалсахат гэһэн удхатай.

Колоссынхидтэ 2:6

Христоос Иисүүсые Эзэн гэжэ тооложо байһандаал адли Тэрээнтэй хамта ажамидаржа байгты.

Фессалоникиинхидтэ 1-дэхи 3:5

Саашадаа тэсэхэ аргагүй байһандаа, һүзэг тухайтнай мэдэжэ ерэхээрнь Тимофейе эльгээгээбди. Шолмос таанадые хорхойтуулаашье һаань, бүхы манай ажал дэмы үнгэрөөгүйл байха гэһэн этигэлтэйбди.

Еврейнүүдтэ 10:39

Бидэ татагалзан хосорогшод бэшэбди. Харин һүзэг этигэлтэй зомди, абарагдахабди.

Иоаннай 1-дэхи хандалга 2:6

Бурхантай нэгэн хамта байнаб гэгшэ Иисүүстэл адляар ажаһууха ёһотой.

Иоаннай 2-дохи хандалга 1:9

Христоосой һургаалһаа холодон, тэрэ һургаалые дахадаггүй хүн Бурхангүйгөөр ажаһууна. Харин Христоосой һургаалые баримталан сахигша Эсэгэ Бурхантай, Тэрэнэй Хүбүүнтэй нэгэн хамта байна.