Иоанн 15:26 - Библи

²⁶ Минии эльгээһэн Туһалагша Эсэгэһээмни ерэхэдээ, Минии тухай гэршэлхэ. Тэрэ болбол Эсэгэһээмни эхи абаһан үнэн зүбые хэлэдэг Һүлдэ болоно.

Шэнэ Хэлсээн

²⁶ Минии эльгээһэн Туһалагша Эсэгэһээмни ерэхэдээ, минии тухай гэршэлхэ. Тэрэ болбол Эсэгэһээмни эхи абаһан үнэн зүбые хэлэдэг Һүлдэ болоно.

Иоанн 15:26 Referencias Cruzadas

Лука 24:49

Эсэгынгээ таанадта үгэхэб гэжэ найдуулһан юумые Би мүнөө дамжуулан таанадта үгэнэб. Харин таанад Иерусалимдаал байгаад, дээрэһээ үршөөгдэхэ ехэ хүсэ шадалда хүртэтэрөө хүлеэгты, – гэжэ Иисүүс тэдээндэ айладхаба.

Иоанн 14:26

Минии аша туһада Эсэгэмни таанарта Туһалагшые, Арюун Һүлдые эльгээхэ. Тэрэ Арюун Һүлдэ таанарые али бүхы юумэндэ һургаха, Минии хэлэһэн юумэ баран һануулха.

Иоанн 16:7

Теэд Би таанарта үнэниие хэлэнэб: Минии Эсэгэдээ ошоо һаамни, таанадта дээрэ байха. Хэрбээ Минии ошоогүй һаа, Туһалагшатнай ерэхэгүй, харин Би ошожо, Туһалагшые эльгээхэб.

Иоанн 8:42

Иисүүс тэдээндэ харюусаба: – Хэрбээ Бурхан таанарай эсэгэ байгаа һаа, таанар Намда дуратай байха һэнта, юундэб гэбэл, Би Бурханһаа иишээ ерээб, Бурхандаа бусахаб. Би Өөрһөөн ерээгүйлби – Намайе Бурхан эльгээгээл!

Хэрэгүүд 1:4

Нэгэтэ элшэнэрээрээ хамта байхадаа, Иисүүс захяа болгон хэлэбэ: – Иерусалимда байгты. Минии түрүүн хэлэһэнээр Эсэгымни таанадта үгэхэб гэжэ найдуулһан юумые хүлеэжэ байгты.

Хэрэгүүд 15:8

Хүнүүдэй һанал бодол мэдэдэг Бурхан бидэндэ үгэһэндөөл адляар тэдэндэ Арюун Һүлдэ үгэхэдөө, Өөрынгөө үршөөл хайра баһа бусад арадуудта хайрлаба гээшэ.

Хэрэгүүд 5:32

Бидэнэр өөһэдөөшье, Арюун Һүлдэшье эдэ бүхэнэй гэршэнэрбди. Бурхан үгыень дууладаг хүн бүхэндэ Арюун Һүлдые үгэдэг юм, – гэжэ Пётр болон бусад элшэнэр харюусаба.

Коринфынхидтэ 1-дэхи 1:6

Тиигэжэ Христоос тухай гэршэлһэнэймнай үнэн зүб байһаниинь таанадта баталагдаба.

Еврейнүүдтэ 2:4

Бурхан тэрэ гэршэлгэдэ элдэб янзын гайхамшагта үзэгдэлнүүдые болон дүлгэ тэмдэгүүдые нэмэн харуулжа, Өөрынгөө һайн дураар Арюун Һүлдэ хайрлаа.

Гэршэлгэ 22:1

Болор мэтэ ялалзаһан амидаралгын уһанай гол мүрэниие удаань намда Эльгээмэл харуулаа. Тэрэ гол мүрэн Бурханай болон Үргэлэй Хурьганай хаан шэрээгэй дороһоо урдан гарадаг.