Иоанн 15:12 - Библи

¹² Минии таанарта үгэхэ захяа заабари иимэ: Минии таанарта дуратай байһандал адляар таанар бэе бэедээ дуратай байгты.

Шэнэ Хэлсээн

¹² Таанарта минии дуратай байһандал адляар, таанар бэе бэедээ дуратай байгты гэһэн захяа заабари энэ байна.

Иоанн 15:12 Referencias Cruzadas

Малаахи 1:2

«Хайра дурамни таанад тээшэ эрьенхэй» гэжэ Эзэн айладхана. Гэбэшье таанар «Танай дура үршөөл ямар юумэнһээ эли болохо жэшээтэйб?» гэжэ асуудаг байнат. Эзэн энээндэ харюусана: – Эсаав Яков хоёр аха дүү болоно. Гэбэшье Минии сэдьхэл Яков тээшэ эрьенхэй.

Иоанн 13:34

Би таанарта шэнэ захяа заабари үгэнэб: бэе бэедээ дуратай байгты. Би таанарта дуратай байгааб, тэрээндэл адляар таанаршье бэе бэедээ дуратай байгты.

Иоанн 15:17

Бэе бэедээ дуратай байгты гэжэ Би таанарта захинаб.

Римэйхиндэ 12:10

Бэе бэедээ аха дүүнэртэйл адляар дуратай байгты, бусад зониие өөрһөөн дээгүүр хүндэлэгты.

Эфесэйхиндэ 5:2

Христоосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.

Фессалоникиинхидтэ 1-дэхи 3:12

Таанадта аргагүй ехэ дуратай байдагтамнайл адляар бэе бэедээ болон бусад зондо дуратай байхыетнай Эзэн таанадта үршөөг лэ.

Фессалоникиинхидтэ 1-дэхи 4:9

Бэе бэедээ дуратай байгты гэжэ бэшэхэ хэрэггүй байха. Бэе бэедээ дуратай байхые Бурхан таанадта заажа үгөө.

Фессалоникиинхидтэ 2-дохи 1:3

Аха дүүнэрни, таанадай түлөө бидэ үргэлжэ Бурханда баясхалан хүргэжэ байха ёһотойбди. Юундэб гэхэдэ, таанад бүри эршэтэйгээр Бурханда һүзэглэжэ байнат, бүри ехээр бэе бэеэ хайрланат.

Пётрой 1-дэхи хандалга 1:22

Үнэн зүбые дахажа, Бурханда һүзэглэдэг аха дүүнэртээ үнэн зүрхэнһөө дуратай байхын тула таанад сэдьхэлээ арюудхабат. Тиимэһээ бүхы һанал бодолоороо бэе бэедээ дуратай байгты.

Пётрой 1-дэхи хандалга 3:8

Түгэсхэлдэнь хэлэхэдэ, таанад булта нэгэ һанал бодолтой, адляар юумэндэ хандажа байгты, бэе бэедээ аха дүүнэдтэл адли дуратай, бэе бэеэ хайрлажа, даруухан ажамидарагты.

Пётрой 1-дэхи хандалга 4:8

Нэн түрүүн үнэн зүрхэнһөө бэе бэедээ дуратай байгты, юундэб гэхэдэ, дуран олон нүгэлнүүдые хүлисэн арилгадаг.

Иоаннай 1-дэхи хандалга 3:23

Бурханай захяа заабаринь иимэ: Бурханай Хүбүүн Иисүүс Христоосто этигэхэ, Иисүүс Христоосой захиһан ёһоор бэе бэедээ дуратай байха.

Иоаннай 1-дэхи хандалга 4:21

Бидэндэ Бурхан иимэ захяа заабари үгөө: Бурханда дуратай хүн аха дүүдээшье дуратай байха ёһотой.

Иоаннай 2-дохи хандалга 1:5

Бэе бэедээ дуратай байял даа гэжэ одоо би шамайе, хүндэтэ Хатан, гуйнаб. Мүнөө минии бэшэжэ байһан юумэн шэнэ захяа заабари бэшэ. Энэ заабариие бидэ анханһаа хойшо абаабди!