Иоанн 14:26 - Библи

²⁶ Минии аша туһада Эсэгэмни таанарта Туһалагшые, Арюун Һүлдые эльгээхэ. Тэрэ Арюун Һүлдэ таанарые али бүхы юумэндэ һургаха, Минии хэлэһэн юумэ баран һануулха.

Шэнэ Хэлсээн

²⁶ Минии аша туһада Эсэгэмни таанарта Туһалагшые, Нангин Һүлдые эльгээхэ. Тэрэ Нангин Һүлдэ таанарые али бүхы юумэндэ һургаха, минии хэлэһэн юумэнүүдые бүгэдыень һануулха.

Иоанн 14:26 Referencias Cruzadas

Псалманууд 51:11

Хэһэн хэрэгүүдэй түлөө Таниие хэтэдээ магтанаб, Танда үнэн сэхэ зондо нэрэтнай һайн, нэрэдэтнай найданаб.

Исай 54:13

Улад зониишни һургажа, урагшатай бэрхэнүүд болгохоб.

Исай 63:10

Харин арад түмэниинь урдаһаань эсэргүүсэжэ, Тэрэнэй Арюун Һүлдые гомдохообо. Тиимэ ушарһаа Эзэн эрьен, тэдэнэй дайсан боложо, урдаһаань дайлаһан юм.

Матвей 1:18

Бурханай табисуурта Иисүүс Христоосой түрэһэн түүхэ иимэ: Мария эжынь хадагаа табиһан Иосиф нүхэртэйгөө гэрлэхынгээ урда Арюун Һүлдэһөө хээлитэй болоһоноо мэдэрбэ.

Матвей 1:20

Тиигэжэ бодоод, Иосифой дууран хэбтэхэдэнь, Бурханай Эльгээмэл зүүдэндэнь үзэгдөөд, иигэжэ хэлэбэ: – Давидай үри һадаһан Иосиф, Мариягай түрэхэ хүбүүн Арюун Һүлдэһөө бүрилдэһэн юм. Тиимэһээ ши тэрэниие һамган болгожо абахаяа бү ай.

Матвей 28:19

Зай, ошожо, бүхы арадуудта Минии һургаал айладхагты, Эсэгын, Хүбүүнэй, Арюун Һүлдын нэрээр тэдэниие уһаар арюудхагты.

Матвей 3:11

Нүгэлөө гэмшэһыетнай баталан би таанадые уһаар арюудханаб, теэд минии хойноһоо Заларан Ерэгшэ таанадые Арюун Һүлдэ гал хоёроор арюудхаха. Тэрэ намда орходоо агууехэ. Би Тэрэнэй гуталыеньшье абажа ябаха эрхэгүйб.

Марк 12:36

«Бузар дайсадыеш хүл дорош дэбһүүлэн табитарни баруун гар таладам һуугаарай гэжэ Эзэн минии Эзэндэ айладхаба», – гээд Арюун Һүлдөөр урмашуулагдаһан Давид айладхаба.

Марк 13:11

Таанадые барижа тушаахадань, юу хэлэхэ тухай эртэнһээ һанаагаа бү зобооройгты. Сагай ерэхэдэ хэрэгтэй зүб үгэнүүд һанаандатнай орохо. Зүгөөр таанад өөрһөө хэлэхэгүйт, харин Арюун Һүлдын хайрлаһан үгэнүүдые дабтахат.

Лука 1:15

юундэб гэхэдэ, хүбүүншни Бурханай нюдэндэ агууехэ хүн байха: үзэмэй дараһан архи амсахагүй, бүри эхынгээ умайда байхадаа Арюун Һүлдэ тогтоожо абаха,

Лука 1:35

Эльгээмэл харюусаба: – Арюун Һүлдэ шам дээрэ бууха, Дээдэ Бурханай хүсэн шамайе хушаха. Тиимэһээл түрэхэ нангин үришни Бурханай Хүбүүн гэжэ нэрлэгдэхэ.

Лука 1:41

Мариягай мэндэеэ хэлэхэтэйнь адли Елизаветын хэбэлдэ байһан үхибүүн тэршэлээд абаа һэн ха. Тэрэ дороо Елизавета Арюун Һүлдөөр дүүрэбэ,

Лука 1:67

Нарай хүбүүнэй эсэгэ Захарияа Арюун Һүлдөөр дүүрэжэ, иимэ лүндэн табиба:

Лука 11:13

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэ гуйһан хүн бүхэндэ Арюун Һүлдэеэ бүришье дуратайгаар үршөөхэл!

Лука 2:25

Боди һайхан сэдьхэлтэй, Бурханда бэшэрэн һүгэдэдэг, Арюун Һүлдэдэ хүртэһэн Симеон гэжэ хүн Иерусалим хотодо ажаһуугаа. Тэрэ хүн Израилиин абарагдахые хүлеэжэ байгаа.

Лука 24:49

Эсэгынгээ таанадта үгэхэб гэжэ найдуулһан юумые Би мүнөө дамжуулан таанадта үгэнэб. Харин таанад Иерусалимдаал байгаад, дээрэһээ үршөөгдэхэ ехэ хүсэ шадалда хүртэтэрөө хүлеэгты, – гэжэ Иисүүс тэдээндэ айладхаба.

Лука 3:22

гулабхаагай дүрсэтэйгөөр Арюун Һүлдэ Тэрээндэ бууба. – Ши Минии хайрата Хүбүүмниш, сэдьхэлыемни баярлуулнаш, – гэһэн абяан огторгойһоо дуулдаба.

Иоанн 1:33

Би Тэрэниие мэдэхэгүй байгааб, теэд Бурхан уһаар лэ арюудхахыемни намайе эльгээхэдээ иигэжэ хэлэһэн юм: «Арюун Һүлдэ хэнэй дээрэ буужа тогтохые харанаш, Тэрэл хүнүүдые Арюун Һүлдөөр арюудхаха».

Иоанн 12:16

Түрүүшээр шабинарынь юушье ойлгобогүй, харин Иисүүсэй алдар солын элирхэдэ, лүндэншэдэй уридшалан хэлээшээр болобо гэжэ ойлгобод.

Иоанн 14:16

Тиихэдэ Би Эсэгэеэ гуйхаб, тэрэм таанарта ондоо Туһалагшые үгэхэ, Тэрэ хододоо таанартай хамта байха.

Иоанн 14:25

Таанартай суг хамта байһан дээрэһээл энэ бүгэдые хэлэбэб.

Иоанн 15:26

Минии эльгээһэн Туһалагша Эсэгэһээмни ерэхэдээ, Минии тухай гэршэлхэ. Тэрэ болбол Эсэгэһээмни эхи абаһан үнэн зүбые хэлэдэг Һүлдэ болоно.

Иоанн 16:7

Теэд Би таанарта үнэниие хэлэнэб: Минии Эсэгэдээ ошоо һаамни, таанадта дээрэ байха. Хэрбээ Минии ошоогүй һаа, Туһалагшатнай ерэхэгүй, харин Би ошожо, Туһалагшые эльгээхэб.

Иоанн 2:22

Иисүүсэй амидырһан хойно Тэрэнэй һурагшад эдэ үгэнүүдыень һанаад, эдэ үгэнүүдтэнь болон Нангин Бэшэг соо баһа энэ ушар тухай бэшээтэй байһанда этигэбэ.

Иоанн 20:22

Тиигэжэ хэлэмсээрээ, Иисүүс тэдэн тээшээ үлеэгээд: Арюун Һүлдые тогтоон абагты!

Иоанн 6:45

«Бүхы хүнүүдые Бурхан һургаха», – гэжэ лүндэншэд бэшэһэн байна. Эсэгын үгэ дуулажа, Тэрэнэй һургаал ойлгожо абаһан хүн Намда ерэхэ.

Иоанн 7:39

Иисүүс тиигэжэ хэлэхэдээ, Арюун Һүлдэ тухай хэлэбэ гээшэ: Иисүүстэ этигэһэн хүнүүд хожомынь Арюун Һүлдэтэй болохо ёһотой байгаа. Тэрэ үедэ Арюун Һүлдэ үшөө үгтөөдүй һэн, юундэб гэхэдэ, Иисүүс алдар солодо хүртөөгүй байгаа.

Хэрэгүүд 1:4

Нэгэтэ элшэнэрээрээ хамта байхадаа, Иисүүс захяа болгон хэлэбэ: – Иерусалимда байгты. Минии түрүүн хэлэһэнээр Эсэгымни таанадта үгэхэб гэжэ найдуулһан юумые хүлеэжэ байгты.

Хэрэгүүд 1:8

Гэбэшье Арюун Һүлдын танай дээрэ буухада, таанад хүсэтэй боложо, Иерусалимай, бүхы Иудейн болон Самариин нютагуудһаа эхилээд, газарай заха хизаар хүрэтэр Минии гэршэнэр болохот, – гэжэ харюусаба.

Хэрэгүүд 11:16

Тиихэдэ би «Иоанн уһаар арюудхаа, харин таанад Арюун Һүлдөөр арюудхагдахат», – гэжэ Эзэнэй хэлэһые һанаандаа оруулааб.

Хэрэгүүд 13:2

Нэгэтэ тэдэнэй Эзэндэ алба хэжэ, масаглажа байхада Арюун Һүлдэ тэдээндэ: – Ямар үүргэ даалган Барнааба Саул хоёрые дуудаа һэнби, тэрэ хэрэгыемни бүтээхыень тэдэ хоёрые Намда табигты, – гэжэ хэлэбэ.

Хэрэгүүд 13:4

Арюун Һүлдын нүлөөгөөр харгы замда гараһан Барнааба Саул хоёр Селевки хүрэжэ ерээд, тэндэһээ Кипр аралда тамаран ошобо.

Хэрэгүүд 15:28

Онгонуудта үргэжэ бузарлагдаһан хоол, боожо алаһан амитадай шуһа, мяха амсангүй, забхайрангүй байгаарайгты. Энээнһээ гадна ондоо захиралта таанадта үгэхэгүй гэжэ Арюун Һүлдэ болон бидэнэр шиидэбэбди. Дээрэ дурдагдаһан юумэнүүдые сахижа байбал, бүхы юумэн һайн байха. Баяртай!»

Хэрэгүүд 15:8

Хүнүүдэй һанал бодол мэдэдэг Бурхан бидэндэ үгэһэндөөл адляар тэдэндэ Арюун Һүлдэ үгэхэдөө, Өөрынгөө үршөөл хайра баһа бусад арадуудта хайрлаба гээшэ.

Хэрэгүүд 16:6

Арюун Һүлдэ Асида Бурханай үгэ бү номногты гэһэн тула тэдэ бүхы Фригиин болон Галаадай можонуудаар ябаба ха.

Хэрэгүүд 2:33

Иисүүс Эсэгынгээ баруун талада дэгдүүлэн, найдуулһан Арюун Һүлдэдэнь хүртэбэ, тиигээд Тэрэ Һүлдөөрөө бидэниие нэбтэрүүлээ. Мүнөө таанад энээниие харанат, дууланат.

Хэрэгүүд 2:4

Тиихэдэнь булта Арюун Һүлдөөр дүүрэн, Һүлдын хүсөөр элдэб хэлэнүүд дээрэ дуугаралдаба.

Хэрэгүүд 20:28

Арюун Һүлдын харууһалжа байхаар таанадта даалгаһан һүрэгөө, өөһэдыгөө анхаржа байгты. Һүзэглэгшэ хүнүүдһээ бүридэһэн һүрэгөө харууһалжа байгты, юуб гэхэдэ, Бурхан энэ һүрэг хүбүүнэйнгээ шуһанай сэнгээр олоо юм.

Хэрэгүүд 20:35

Тиигэжэ би таанадта яажа хүдэлхэб, ядуу һула зондо туһалхаб гэһэн жэшээ харуулааб. «Үгэхэнь абахаһаа бүри жаргалтай», – гэжэ Иисүүсэй хэлэһые һанажа ябагты.

Хэрэгүүд 28:25

Нэгэ һаналда ерэнгүй таража эхилхэдэнь, Павел тэдэниие иимэ үгэнүүдээр үдэшэбэ: – Арюун Һүлдэ лүндэншэ Исайгаар дамжуулан манай үбгэ эсэгэнэртэ сохом үгэнүүдые хэлээ:

Хэрэгүүд 5:3

Пётр: – Анания, таряалан газараа худалдаад, олоһон олзынгоо хубиие юундэ нюужа, Арюун Һүлдэдэ худалаар хэлээбши? Иихэдээ яатараа сатана шинии зүрхые эзэлээ юм?

Хэрэгүүд 7:51

Бурханай һургаал дуулаха дурагүй, мэдэлдэнь байдаггүй зүрюу зон! Таанад өөһэдынгөө үбгэ эсэгэнэртэл адли Арюун Һүлдэдэ ходо эсэргүүсэнэт.

Хэрэгүүд 7:55

Харин Арюун Һүлдөөр дүүрэһэн Стефан огторгой өөдэ шэртэхэдээ, Бурханай алдарые, Бурханай баруун талада Иисүүсэй байхыень хараба.

Римэйхиндэ 14:17

Ушарынь юуб гэбэл, Бурханай хаан орон эдихэ, ууха тухай бэшэ, харин Арюун Һүлдэһөө эхи абадаг үнэн сэдьхэл, энхэ тайбан, баяр жаргал тухай юм.

Римэйхиндэ 15:13

Найдал үршөөдэг Бурхан һүзэгэйтнай ашаар таанадые бүтэн баяр жаргалаар ба амгалан байдалаар дүүргэг лэ, тиигэжэ Арюун Һүлдын хүсөөр этигэл найдалтнай нэмэгдэжэ байг лэ.

Римэйхиндэ 15:16

бусад арадуудай аша туһада Христоос Иисүүсэй зараса болооб. Бусад арадые Арюун Һүлдын ашаар Бурханда зохистой арюун нангин үргэл болгохын тула би Бурханай Һайн Мэдээсэлые номнон, санаартанай ажал ябуулнаб.

Римэйхиндэ 5:5

тиимэһээ тэрэ найдабари маанадай урма хухалхагүй. Эдэ бүхы юумэнүүд Бурханай маанадта хайрлаһан Арюун Һүлдэһөө, Тэрэнэй зүрхэ сэдьхэлдэмнай бүрилдүүлдэг хайра дуранһаа эхитэй юм.

Коринфынхидтэ 1-дэхи 12:3

Бурханай Һүлдөөр хүтэлүүлһэн ямаршье хүн: «Иисүүс хараалда хүртэг лэ», – гэхэгүйл, тон тиигэжэл Арюун Һүлдөөр хүтэлүүлһэн хүнһөө ондоо ямаршье хүн: «Иисүүс болбол Эзэн», – гэхэгүйл гэжэ таанадта дуулганаб.

Коринфынхидтэ 1-дэхи 6:19

Бэетнай Бурханһаа таанадта үгтэһэн зосоотнай оршодог Арюун Һүлдын һүмэ юм гэжэ мэдэхэгүй аалта? Таанад өөһэдынгөө дураар бэшэт, Бурханай мэдэлдэ байнат.

Коринфынхидтэ 2-дохи 6:6

Бидэ арюун сэбэр, мэдэлгэтэй, тэсэбэритэй, үршөөл буянтай байдагбди. Арюун Һүлдэ маанадтай оршодог, тиин хайра дуран үнэн зүрхэнһөөмнай гарадаг.

Эфесэйхиндэ 1:13

Таанадшье баһа өөрынгөө абаралга тухай үнэн зүб Бурханай үгэ дуулаад, Христоосто этигээт, тиин Бурхан Арюун Һүлдэеэ таанадта үгэн, Өөрынгөө тамга таанад дээрэ дараба.

Эфесэйхиндэ 1:17

Манай Эзэн Иисүүс Христоосой Бурхан, алдарай Эсэгэ Өөрыень таанадай мэдэрхынтнай тулада сэсэн ухаан үршөөдэг Һүлдые таанадта хайрлаг лэ.

Эфесэйхиндэ 4:30

Ойртожо байгаа тэрэ Үдэр таанадай сүлөөтэй болохые баталан, Бурхан таанад дээрэ Арюун Һүлдын тамга табяа. Тиимэһээ Арюун Һүлдые бү гуниглуулагты.

Фессалоникиинхидтэ 1-дэхи 4:8

Тиимэһээ энэ һургаал буруушааһан хүн болбол хүниие буруушаана бэшэ, харин таанадта Арюун Һүлдэеэ үршөөжэ байгаа Бурханиие буруушаана.

Тимофейдэ 2-дохи 1:14

Шамда даалгагдаһан үлзытэй һайхан зүйлнүүдые сэдьхэлдэмнай оршоһон Арюун Һүлдын хүсэ шадалаар хадагалжа байгаарай.

Тидтэ 3:5

бидэниие абараа. Хэһэн дэмбэрэлтэй хэрэгүүдэймнай ашаар бэшэ, харин Өөрынгөө үршөөл хайраар Арюун Һүлдын ашаар Бурхан бидэниие арюудхан угаажа, шэнээр түрүүлжэ, шэнэ амидарал хайрлажа, бидэниие абараа.

Еврейнүүдтэ 10:15

Арюун Һүлдэшье энээн тухай бидэндэ гэршэлэн хэлэнэ:

Еврейнүүдтэ 2:4

Бурхан тэрэ гэршэлгэдэ элдэб янзын гайхамшагта үзэгдэлнүүдые болон дүлгэ тэмдэгүүдые нэмэн харуулжа, Өөрынгөө һайн дураар Арюун Һүлдэ хайрлаа.

Еврейнүүдтэ 3:7

«Үбгэ эсэгэнэртнай сүл губида ябахадаа дүшэн жэл соо Минии хэрэгүүдые хаража байһаншье һаа, Намайе тэндэ шалгаба, туршаба. Тиимэһээ Би тэрэ үеынхидтэ сухалдажа: „Тэдэнэр ходо эндүүржэ ябадаг, харгы замаарни ябадаггүй“, – гэжэ айладааб. Тиимэһээ Би уур сухалдаа „тэдэниие амаруулха гэһэн газартаа хэзээшье оруулхагүйб“ гэжэ тангариглааб. Тиимэһээ таанад мүнөөдэр Бурханай дуу дуулахадаа, Бурханай урдаһаа үймөө татаһан үбгэ эсэгэнэртээл адли үсэд зан бү гаргагты», – гэжэ Арюун Һүлдэ хэлэнэ.

Еврейнүүдтэ 9:8

Майханай гадаада таһалгын байха үедэ Хамагай Нангин газарта орохо харгы хаалгаатай байнал гэжэ Арюун Һүлдэ элеэр харуулна.

Пётрой 1-дэхи хандалга 1:12

Өөһэдынгөө аша туһада бэшэ, харин һүзэглэгшэ таанадай аша туһада тэдэнэр алба хэнэ гэжэ Бурхан тэдэ лүндэншэдтэ элирхэйлээ, тиимэһээ тэнгэриһээ эльгээгдэһэн Арюун Һүлдын дамжуулһан Һайн Мэдээсэлые айладхаһан хүнүүдые таанад мүнөө сонособот. Тэрэ нюусые Эльгээмэлнүүдшье мэдэхэ хүсэлтэй байна.

Пётрой 2-дохи хандалга 1:21

Юундэб гэхэдэ, нэгэшье лүндэншэ өөрынгөө дура хүсэлөөр уридшалан хэлээгүй, харин Арюун Һүлдөөр хүтэлүүлэгдэн, Бурханай үгэ айладхадаг байгаа.

Иоаннай 1-дэхи хандалга 2:20

Таанарта Арюун Һүлдэ Бурханһаа үгтөө, тиимэһээ таанар бүхы юумэ мэдэнэт.

Иоаннай 1-дэхи хандалга 2:27

Бурханай таанадта үгэһэн Арюун Һүлдэ сэдьхэлдэтнай байна, тиимэһээ таанарые хэн нэгэнэй һургаһанай хэрэгынь үгы. Арюун Һүлдэ үнэн зүб юумэ хэлэнэ, худал юумэ хэлэнэгүй, тиигэжэ таанарые бүхы юумэндэ һургана. Арюун Һүлдын һургаһан ёһоор таанар Христоостой нэгэн хамта байгты.

Иоаннай 1-дэхи хандалга 5:7

Тэнгэридэ гурбан гэршэ бии бшуу:

Иудын хандалга 1:20

Харин таанад, хүндэтэ аха дүүнэрни, Эзэн Иисүүс Христоосой хизааргүй үршөөлөөрөө таанадта мүнхын амидарал үгэхыень хүлеэжэ байхадаа, өөһэдыгөө нангин һүзэг дээрэ һуурижуулан ургуулжа байгты. Арюун Һүлдын урмашуулгаар зальбаржа, Бурханда дуратай байгты.

Гэршэлгэ 2:11

Һүзэглэгшэдэй бүлгэмүүдтэ Арюун Һүлдын хэлэһэниие шэхэтэй юм һаа, шагнаг лэ! Илаашые хоёрдохиёо һүнөөхэгүй».