Иоанн 14:24 - Библи

²⁴ Намда дурагүй хүн Минии үгөөр ябахагүй. Харин таанарай соносодог үгэнүүд Минии хэлэһэн үгэнүүд бэшэ, харин Намайе эльгээһэн Эсэгын үгэнүүд гээшэ.

Шэнэ Хэлсээн

²⁴ Намда дурагүй хүн минии үгөөр ябахагүй. Харин таанарай дууладаг үгэнүүд минии хэлэһэн үгэнүүд бэшэ, харин намайе эльгээһэн Эсэгын үгэнүүд гээшэ.

Иоанн 14:24 Referencias Cruzadas

Матвей 19:21

Иисүүс тэрээндэ: – Хэрбээ эрхим түгэс байха гэбэл, ошожо зөөри зөөшэеэ бултыень худалдаад, мүнгыень үгытэйшүүлдэ хубаажа үгэ, тиигээ һаа, тэнгэри дээрэ баялиг зөөритэй болохош. Тиигээд Намда ерэжэ, хойноһоомни ябаарай, – гэбэ.

Иоанн 14:10

Би Эсэгэ соогоо байнаб, Эсэгэмни Минии досоо байдаг гэжэ ши этигэнэгүй гүш? Теэд таанарта хэлэдэг үгэнүүдээ Би Өөрһөө хэлэнэгүйб, тэрэ Минии досоо оршодог Эсэгэмни ажаллана.

Иоанн 14:15

– Хэрбээ таанар Намда дуратай һаа, Минии захяа заабариие дүүргэхэт.

Иоанн 14:25

Таанартай суг хамта байһан дээрэһээл энэ бүгэдые хэлэбэб.

Иоанн 3:11

Бидэ өөһэдынгөө мэдэхэ, хараһан үзэһэн юумэн тухайгаал гэршэлнэбди гэжэ үнэн зүбые хэлэнэб, харин таанар бидэнэй гэршэ баримта буруушаанат.

Иоанн 3:34

Бурханай эльгээгшэ Бурханай үгэ номноно, юундэб гэбэл, Бурхан Тэрээндэ Арюун Һүлдэ хизааргүй ехээр үршөөнэ.

Иоанн 5:19

Теэд Иисүүс тэдэндэ харюусаба: – Би таанарта үнэниие хэлэнэб: Хүбүүниинь Өөрынгөө дураар юушье хэжэ шадахагүй. Эсэгэнь хайшан гээд хэнэб, тэрээнииень хараад лэ Хүбүүниинь хэдэг. Эсэгэнь юу хэнэб, тиимэл юумэ Хүбүүниинь хэдэг.

Иоанн 5:38

Тэрэнэй хэлэһэн үгые таанар зүрхэ сэдьхэлдээ хадуужа ябанагүйт, юундэб гэбэл, Тэрэнэй эльгээһэн Нэгэндэ таанар этигэнэгүйт.

Иоанн 7:16

Иисүүс харюусаба: – Энэ Минии бэшэ, харин Намайе эльгээһэн Бурханай һургаал юм.

Иоанн 7:28

Тиихэдэнь Иисүүс һургаалаа Һүмэ дотор номножо байгаад: – Таанар Намайе мэдэнэ гүт? Минии хаанаһаа ерэһэн тухай баһа мэдэнэ гүт? Би Өөрэһөөн ерээ бэшэб. Намайе эльгээгшэдэ этигэжэ болохо, зүгөөр таанар Тэрээниие мэдэхэгүйт.

Иоанн 8:26

Таанар тухай хэлэхэ, таанарые гэршэлэн зэмэлхэ олон юумэн Намда бии, теэд Намайе эльгээһэн Эсэгэһээ дуулаһанаал энэ дэлхэйнхидтэ хэлэнэб, харин Намайе эльгээгшэ үнэн зүб юм.

Иоанн 8:28

Иисүүс үргэлжэлүүлэн: – Хүн түрэлхитэнэй Хүбүүниие таанарай дээшэнь дэгдүүлхэдэ, Минии «Би» байһые, Өөрынгөө дураар юушье хэдэггүй байһые, Эсэгынгээл һургаһан ёһоор хэлэдэг байһыем таанар ойлгохот.

Иоанн 8:38

Би Өөрынгөө Эсэгындэ юу хараһан, үзэһэн тухайгаа таанарта хэлэнэб, харин таанар өөрынгөө эсэгэһээ дуулаһан юумэеэ хэнэт.

Иоанн 8:42

Иисүүс тэдээндэ харюусаба: – Хэрбээ Бурхан таанарай эсэгэ байгаа һаа, таанар Намда дуратай байха һэнта, юундэб гэбэл, Би Бурханһаа иишээ ерээб, Бурхандаа бусахаб. Би Өөрһөөн ерээгүйлби – Намайе Бурхан эльгээгээл!