Иоанн 14:23 - Библи

²³ Иисүүс харюусаба: – Намда дуратай хүн Минии һургадаг ёһоор ябаха, тиихэдэнь Минии Эсэгэ тэрээндэ дуратай байха. Бидэ Эсэгэтэеэ хамта тэрэ хүндэ ерэжэ, тэрээнтэй байхабди.

Шэнэ Хэлсээн

²³ Иисус харюусаба: – Намда дуратай хүн минии һургадаг ёһоор ябаха, тиихэдэнь минии Эсэгэ тэрээндэ дуратай байха. Бидэ Эсэгэтэеэ хамта тэрэ хүндэ ерэжэ, тэрээнтэй байхабди.

Иоанн 14:23 Referencias Cruzadas

Эхин 1:26

Удаань Бурхан: – Хүн гэдэгые Өөртөө адли түхэлтэйгөөр бии болгоё. Далайн загаһадые, огторгойн шубуудые, зэрлиг болон тэжээмэл амитадые, газараар мүлхидэг хамаг амитадые болон бүхы түби дэлхэйе тэрэ захиран, зонхилон байг! – гэжэ айладхаба.

Эхин 11:7

Тиимэһээ бэе бэеэ ойлгохоо болиторнь хэлыень худхан холиё!

Псалманууд 90:1

Ши, Дээдэ Бурханай халхабша доро ажаһуугша, Түгэс Хүсэтэ Бурханай һүүдэр доро амидарагша,

Псалманууд 91:1

[Псалма. Амаралтын үдэрэй дуун.]

Исай 57:15

Би болбол хэтэ мүнхэдөө оршогшо үндэр болон арюун Бурхан гээшэб. Үндэр, нангин газарта оршодогшье һаа, Би даруу зантай, гэм зэмээ мэдэрдэг зонтой хамта байнаб. Иигэжэ Би тэдэнэй зориг, этигэл һэргээнэб.

Иоанн 10:30

Эсэгэ бидэ хоёр нэгэн хамтабди.

Иоанн 14:15

– Хэрбээ таанар Намда дуратай һаа, Минии захяа заабариие дүүргэхэт.

Иоанн 14:17

Туһалагша болбол Үнэн зүйлэй Һүлдэ мүн, тэрэ Һүлдые дэлхэйн зон абажа шадахагүй, юундэб гэбэл, Тэрэниие харанагүй, мэдэнэгүй бшуу. Харин таанар Тэрэниие мэдэнэт, Тэрэ таанартай мүнөө байна, ерээдүйдэшье досоотнай байха.

Иоанн 14:21

Минии захиһан захяа заабариие хэн дүүргэнэб, тэрэ Намда дуратай гээшэ. Хэн Намда дуратайб, тэрээндэ Минии Эсэгэшье дуратай байха. Баһа Бишье тэрэ хүндэ дуратай байхаб, Би Өөрыгөө тэрээндэ үзүүлхэб.

Иоанн 14:24

Намда дурагүй хүн Минии үгөөр ябахагүй. Харин таанарай соносодог үгэнүүд Минии хэлэһэн үгэнүүд бэшэ, харин Намайе эльгээһэн Эсэгын үгэнүүд гээшэ.

Иоанн 15:10

Минии захяа заабариие сахин дүүргэжэ байбал, хайра дуран соомни оршожо байхат. Тон тиигэжэл Бишье Эсэгынгээ захяа заабариие сахин дүүргэжэ, хайра дуран соонь оршожо байдагби.

Иоанн 16:27

Эсэгэмни Өөрөө таанарта дуратай, юундэб гэбэл, таанар Намда дуратайт, Намайе Бурханһаа ерээ гэжэ этигэнэт.

Иоанн 6:56

Минии бэе эдидэг хүн, Минии шуһа уудаг хүн Минии досоомни байна, Би баһал тэрэнэй досоонь байнаб.

Иоанн 8:51

Таанарта үнэн сэхэ хэлэнэб: Минии һургаалаар ябадаг хүнүүд хэзээдэшье үхэхэгүй!

Иоанн 8:52

– Та ада шүдхэртэ барюулһан хүн байнат гэжэ одоол бидэ лаб мэдэбэбди, – гэлдэбэд, – Абраһаам наһа баранхай, мүн баһа лүндэншэдшье нүгшэнхэй. Харин Та «минии һургаалаар ябадаг хүнүүд хэзээдэшье үхэхэгүй» гэнэт.

Коринфынхидтэ 2-дохи 6:16

Яажа Бурханай Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан Өөрөө иигэжэ хэлээ: «Өөрынгөө хүнүүдэй дунда Би гэр бодхоохоб, тиигээд тэдэнэйнгээ дунда оршожо байхаб, тэдэнэйнгээ Бурханиинь байхаб, харин тэдэнэр Минии арад болохо».

Эфесэйхиндэ 3:17

Танай һүзэгэй ашаар зүрхэ сэдьхэлдэтнай Христоос һууришаһай, инаг дуран танай үндэһэ, һуури болоһой гэжэ би баһал зальбарнаб.

Иоаннай 1-дэхи хандалга 2:24

Анха түрүүн юун гэжэ дуулаа һэмта, тэрээндээл этигэжэ байгты! Хэрбээ энээндэ саашадаа этигэжэ байгаа һаа, таанар Хүбүүнтэйнь, Эсэгэтэйнь хамта байхат.

Иоаннай 1-дэхи хандалга 2:5

Бурханай үгэ дуулагша хүн Бурханда үнэн сэдьхэлһээ дуратай байна. Бурхантай нэгэн хамта байһанаа бидэ иигэжэл мэдэхэ болонобди.

Иоаннай 1-дэхи хандалга 4:4

Үхибүүд, таанар Бурханһаат, тиимэһээ худал хуурмаг лүндэншэдые диилээт, яахадааб гэбэл, таанарай досоо байдаг Бурхан газар дэлхэйдэ байдаг шолмосһоо ехэ юм.

Иоаннай 1-дэхи хандалга 5:3

Бурханай захяа заабариие сахихадаа, Бурханда бидэ дуратай байнабди. Бурханай захяа заабаринь хүшэр хүндэ бэшэ.

Иоаннай 2-дохи хандалга 1:6

Эсэгэ Бурханай захяа заабаряар бидэнэй һуугаа һаа, тэрэмнайл дуран гээшэ. Энэмнайл анханһаа хойшо таанарай дуулагша захяа заабари мүн, тиин энэ захяа заабариие сахиха ёһотойбди.

Гэршэлгэ 21:22

Хото соо Һүмэ би хараагүйб. Тэрэнэй Һүмэнь – Хамагые зонхилогшо Эзэн Бурхан Өөрөө, мүн Үргэлэй Хурьган мүн.

Гэршэлгэ 21:3

Хаан шэрээгэй тэндэһээ шангаар иигэжэ хэлэхые дуулабаб: «Харалши, энэ Бурханай майхан гээшэ. Хүнүүдшье тэрэ майханда байна, Бурхан хододоо тэдэнтэй байха! Тэдэ хүнүүд Тэрэнэй арад зониинь болохо, Бурхан Өөрөөшье тэдэ хүнүүдтэй хамта ажаһууха, тэдэнэй Бурханиинь болохо.

Гэршэлгэ 22:3

Бурханай хараалда хүрэмөөр муу юумэн тэндэ хэзээдэшье болохогүй. Бурханай ба Үргэлэй Хурьганай хаан шэрээ тэрэ хотодо байха. Бурханай зарасанар тэрээндэ алба хэхэ байна.