Иоанн 14:19 - Библи

¹⁹ Үшөө нэгэ хэды болоод, дэлхэйнхид Намайе харахагүй, харин таанар Намайе хаража, үзэжэ байхат; Би амиды байнаб, тиимэһээ таанаршье баһа амиды байхат.

Шэнэ Хэлсээн

¹⁹ Үшөө нэгэ хэды болоод, дэлхэй намайе харахагүй, харин таанар намайе хаража үзэжэ байхат: би амиды байнаб, тиимэһээ таанаршье баһа амиды байхат.

Иоанн 14:19 Referencias Cruzadas

Иоанн 11:25

– Би хадаа Амидыралга гээшэб, Ами наһан гээшэб. Намда этигэдэг хүн үхөөшье һаа, амиды болохо.

Иоанн 12:35

Иисүүс тэдээндэ иигэбэ: – Гэрэл туяагай таанартай хамта байха саг бага үлөө. Шэг балай харанхы таанадые хушаагүйдэ, гэрэл туяагай байһан дээрэнь ябажа ябыт даа. Харанхы соогуур ябадаг хүн хайшаашье ошохоёо мэдэдэггүй бшуу.

Иоанн 13:33

Үхибүүдни, таанартай суг хамта байха сагни бага үлөө. Таанар Намайе бэдэрхэт, теэд еврейнүүдэй ахамадуудта хэлэһэндэл адляар, Би таанарташье мүнөө хэлэхэмни: «Минии ошохо газарта таанар ерэжэ шадахагүйт».

Иоанн 14:6

– Би болбол Харгы зам гээшэб, Үнэн зүйл, Ажамидарал гээшэб. Намаар дамжан ошоогүй хүн Эсэгэдэ хүрэжэ шадахагүй.

Иоанн 16:16

– Һаяар иигээд таанар Намайе ондоо харахагүйт, тиибэшье нэгэ хэды болоод, Намайе дахин харахат.

Иоанн 16:22

Тэрээндэл адляар мүнөө таанадшье уйданат, харин дахин таанараа харахадамни зүрхэ сэдьхэлтнай баяраар дүүрэхэ, тэрэ баясхалангыетнай хэншье бууруулжа шадахагүй.

Иоанн 6:40

Юундэб гэбэл, Минии Эсэгын дура хүсэлынь иимэ: Бурханай Хүбүүе харадаг, Тэрээндэ этигэдэг хүн бүхэн мүнхэ наһатай байха. Тиин һүүлшын Үдэр Би тэдэниие амидыруулхаб.

Иоанн 7:33

Иисүүс тэрэ үедэ: – Үшөө нэгэ заа таанартай суг байлсахамни, тиигээд Намайе эльгээһэн Эсэгэдээ ошохоб.

Иоанн 8:21

Иисүүс баһа иигэжэ хэлээ: – Би һаяар ябахамни. Таанар Намайе бэдэрхэт, теэд нүгэлтэйгөө үхэхэт. Минии ошохо газарта таанар ошожо шадахагүйт.

Хэрэгүүд 10:41

Харин бүхы хүнүүдтэ бэшэ, ганса Бурханай шэлэжэ абаһан гэршэнэртэ, бидэндэ Өөрыгөө Тэрэ үзүүлээ. Тэрэнэй амидырһан хойно бидэ Тэрээнтэй хамта эдижэ уужа ябаабди.

Римэйхиндэ 5:10

Хэрбээ Бурханай дайсадынь байхадамнайшье Тэрэ Өөрынгөө Хүбүүнэй үхэлөөр маанадтай эбээ нэгэдхээ юм һаа, мүнөө эбтэй эетэй байхадамнай, Тэрэ Хүбүүнэйнгээ аминай ашаар маанадые хэһээлтэһээ заабол абарха бэшэ аал.

Римэйхиндэ 8:34

Тиихэдээ хэн тэдэниие зэмэлхэб? Үхөөд, тиигээд амидыраад, Бурханай баруун талада һууһан, маанадай түлөө гуйлта үргэжэ байһан Христоос Иисүүс тэдэниие гэмнэхэгүйл!

Коринфынхидтэ 1-дэхи 15:20

Зүгөөр Христоосой үхөөд амидыруулагдаһаниинь үнэн зүб юм. Үхөөд амидыруулагдаха зондо энэнь баталамжа юм.

Коринфынхидтэ 1-дэхи 15:45

«Түрүүшын хүн, Адаам, амитай болоо, харин һүүлшын Адаам ами хайрладаг Һүлдэ юм», – гээд Нангин Бэшэг соо хэлэгдэнэ.

Еврейнүүдтэ 7:25

Тиимэһээ зониие үргэлжэ абаржа байха аргатай Тэрэ санаарта хэтын хэтэдэ амиды байжа, Тэрээгүүр дамжан Бурханда ерэһэн хүнүүдэй түлөө Бурханай урда гуйдаг.

Гэршэлгэ 20:4

Зарга шүүбэри хэхэ эрхэтэй хүнүүдэй һууһан хаан шэрээнүүдые харабаб, мүн Иисүүс тухай, Бурханай Үгэ тухай гэршэлһэнэйнгээ түлөө толгойгоо таһа сабшуулаашадай һүнэһэнүүдые, арьяатанда, тэрэнэй хүрэг дүрсэдэ һүгэдэн мүргөөгүйшүүлэй, духадаа гү, али гартаа тэрэ арьяатанай тамга табюулаагүйшүүлэй һүнэһэнүүдые би харабаб. Тэдэнэр дахин амидыруулагдажа, мянган жэл соо Христоостой хамта зонхилжо байгаа.