Иоанн 12:27 - Библи

²⁷ Мүнөө сэдьхэлни ехээр зобоно! Юушье гэжэ хэлэхэбиб даа? «Эсэгэ аа! Намайе энэ зоболонто сагһаа абарыт даа!» – гэхэ гүб? Теэд Би энэл зоболонто сагай түлөө ерээ ха юмбиб!

Шэнэ Хэлсээн

²⁷ Мүнөө сэдьхэл һанаамни ехээр зобожо байна! Юушье гэжэ хэлэхэбиб даа? «Эсэгэ аа! Намайе энэ зоболонто сагһаа абарыш даа!» – гэхэ гүб? Теэд би энэл зоболонто сагай түлөө ерээ ха юмбиб!

Иоанн 12:27 Referencias Cruzadas

Псалманууд 6:3

Хүсэмни һалаал, Эзэн, намайе хайрлыт! Бэемни һалганажа байна, эдэгээгыт!

Псалманууд 88:3

Юуб гэбэл, «энэрэл хайратнай мүнхэдөө байгуулагданхай, Танай үнэн байдалыетнай огторгой мэтэ хододоо оршохо» гэнэб.

Исай 38:15

Юун гэжэ хэлэхэбиб? Эзэн айладхалаа бэелүүлээ. Сэдьхэлэйнгээ гашуудалда дарагдаад, аалин даруу наһаа эдлэхэб.

Исай 53:3

Тэрэниие шоо үзэжэ, Тэрээнһээ зайлажа байгаабди. Уй гашуудал болон үбшэ хабшанай зоболон Тэрэ мэдээ. Бидэ Тэрээнһээ буруу хаража, шоо үзэжэ, хэншье бэшэ гэжэ тоодоггүй һэмди.

Матвей 11:25

Баһа тэрэ сагта Иисүүс иигэжэ хэлэбэ: – Газар тэнгэриин Эзэн, Эсэгэмни! Сэсэн мэргэн, эрдэм номтой зонһоо далдалан нюуһан юумэеэ эгээлэй юрын зондо нээжэ элирүүлһэнэйтнай түлөө Танда баяр баясхалан хүргэнэб.

Матвей 11:26

Зүб даа, Эсэгэмни! Та иимэл юумэнэй болохые хүсэжэ байгаа ха юмта.

Матвей 26:42

Иисүүс дахин хажуу тээшээ ошожо: – Эсэгэмни! Хэрбээ энэ аягаһаа амсуулангүй, энэ зоболон Намһаа зайлуулха аргагүй һаа, Танай дура хүсэлөөр болог лэ, – гэжэ зальбарба.

Матвей 26:45

Тиигээд Тэрэ шабинартаа ерээд: – Таанад үшөөл унтажа, амаржа байна гүт? Зай, иигээд Хүн түрэлхитэнэй Хүбүүнэй нүгэл үйлэдэгшэдэй гарта тушаагдаха саг ерэбэ даа.

Лука 22:44

Иисүүс дабашагүй гашуудалда абтажа, улам ехээр зальбарба; хүлһэниинь шуһанай дуһал мэтээр газарта дуһаба.

Лука 22:53

Теэд үдэр бүхэн таанадтай хамта Һүмэ соо байхадамни Намайе бариха гэжэ забдаагүй һэнта. Харин мүнөө харанхы хара хүсэнэй эзэрхэхэдэ, танай саг ерээ.

Иоанн 11:41

Шулууень зайлуулба. Иисүүс Тэнгэри өөдэ хараад: – Эсэгэ аа, Намайе дуулаһандатнай баясхалан хүргэнэб.

Иоанн 12:23

Иисүүс харюусаба: – Хүн түрэлхитэнэй Хүбүүнэй алдар соло элирхэ саг ерэбэ!

Иоанн 13:21

Тиигээд, Иисүүс ехэ һанаагаа зобожо хэлэбэ: – Таанарай нэгэнтнай Намайе барижа үгэхэнь, Би үнэхөөрөө баталгаатай хэлэнэб.

Иоанн 18:37

– Тиихэдээ Та яабашье һаа, хаан боложо таарана гүт? – гэжэ Пилат асууба. – Та өөрөө Намайе Хаан гэнэт. Би үнэн зүйлые гэршэлхын тула түрэһэн, дэлхэйдэ ерэһэн байнаб. Үнэн зүйлые баримталагшад бултадаа Минии хэлэһые дуулана, – гэбэ Иисүүс.

Тимофейдэ 1-дэхи 1:15

Иисүүс Христоос нүгэлтэдые абархаяа газар дэлхэйдэ ерээ гэдэгынь үнэн зүб юм, тиигэжэ хэлэһэндэ этигэжэ боломоор юм. Би болбол тэдэ нүгэлтэдэй эгээн мууниинь байгааб.

Еврейнүүдтэ 2:14

Үхибүүдэй махабад бэе ба шуһанһаа бүридэһэн хадань Иисүүс Өөрөө тэдэнтэйл адли хүн болоо. Үхэлые эрхэ мэдэлдээ абаад байһан шолмосые Өөрынгөө үхэлөөр хүсэгүй болгохын тула,

Еврейнүүдтэ 5:7

Дэлхэй дээрэ амидархадаа, Тэрэниие абарха аргатай Бурханда Иисүүс шангаар хүхирэн, нулимсаа гоожуулан зальбараа, Тэрэниие гуйгаа. Иисүүсэй номгон, үнэр шударга байһан хада Бурхан Тэрэниие дуулаа.