Иоанн 12:16 - Библи

¹⁶ Түрүүшээр шабинарынь юушье ойлгобогүй, харин Иисүүсэй алдар солын элирхэдэ, лүндэншэдэй уридшалан хэлээшээр болобо гэжэ ойлгобод.

Шэнэ Хэлсээн

¹⁶ Түрүүшээр энээн тухай шабинарынь юушье ойлгобогүй. Харин Иисусай алдар соло элирхэдэнь лэ, Иисус тухай лүндэншэдэй уридшалан хэлээшээр болобо ха юм гэжэ тэдэнь ойлгоо һэн.

Иоанн 12:16 Referencias Cruzadas

Марк 16:19

Эдэ бүгэдые шабинартаа хэлээд, Эзэн Иисүүс тэнгэридэ дэгдэжэ, Бурханай баруун таладань һууба.

Марк 9:32

Гэбэшье шабинарынь хэлэһэн үгэнүүдэйнь удха ойлгобогүй, тиин һурахаяашье зүрхэлбэгүй.

Лука 18:34

Шабинарынь хэлээшыень оройдоо ойлгобогүй. Үгынь удха орёо далда байжа, юуншье тухай багшынгаа хэлэһыень ойлгожо шадабагүй.

Лука 24:25

– Лүндэншэдэй уридшалан айладхаһан бүхы юумэндэ этигэхэ талаар мохоо модохир, тэнэг амитад аа!

Лука 24:45

Тиигээд Иисүүс Нангин Бэшэгэй удха ойлгожо абаха ухаа тэдэндээ үршөөгөө бэлэй.

Лука 9:45

Теэд шабинарынь хэлэһэн үгэнүүдэйнь удха ойлгобогүй, юундэб гэхэдэ, үнэн удха тэдэнһээ далдалаатай байгаа бшуу. Тиигээдшье тайлбарилан багшаһаа һурахаяа зүрхэлбэгүй.

Иоанн 12:23

Иисүүс харюусаба: – Хүн түрэлхитэнэй Хүбүүнэй алдар соло элирхэ саг ерэбэ!

Иоанн 14:26

Минии аша туһада Эсэгэмни таанарта Туһалагшые, Арюун Һүлдые эльгээхэ. Тэрэ Арюун Һүлдэ таанарые али бүхы юумэндэ һургаха, Минии хэлэһэн юумэ баран һануулха.

Иоанн 16:4

Тэдэнэй эзэрхэхэ сагай ерэхэдэ, энээн тухай Минии хэлээшые һанахынтнай тула эдэ бүгэдые хэлэбэб. Би түрүүн энээн тухай таанарта хэлээгүй һэм, юундэб гэбэл, таанадаар хамта байгааб.

Иоанн 17:5

Эсэгэмни аа, юртэмсэ дэлхэйн үшөө бии болоодүйдэ, Тантайгаа суг байхадаа суурхаһан Минии алдар солоор Намайгаа мүнөө Өөртэйгөө хамта суурхуулыт.

Иоанн 2:22

Иисүүсэй амидырһан хойно Тэрэнэй һурагшад эдэ үгэнүүдыень һанаад, эдэ үгэнүүдтэнь болон Нангин Бэшэг соо баһа энэ ушар тухай бэшээтэй байһанда этигэбэ.

Иоанн 7:39

Иисүүс тиигэжэ хэлэхэдээ, Арюун Һүлдэ тухай хэлэбэ гээшэ: Иисүүстэ этигэһэн хүнүүд хожомынь Арюун Һүлдэтэй болохо ёһотой байгаа. Тэрэ үедэ Арюун Һүлдэ үшөө үгтөөдүй һэн, юундэб гэхэдэ, Иисүүс алдар солодо хүртөөгүй байгаа.

Хэрэгүүд 2:33

Иисүүс Эсэгынгээ баруун талада дэгдүүлэн, найдуулһан Арюун Һүлдэдэнь хүртэбэ, тиигээд Тэрэ Һүлдөөрөө бидэниие нэбтэрүүлээ. Мүнөө таанад энээниие харанат, дууланат.

Хэрэгүүд 2:36

Тиимэ ушарһаа таанадай саазалһан Иисүүсые Бурхан Өөрөө Эзэн болон Бурханай табисуурта болгожо табяа. Израилиин бүхы зон, энээниие хадуужа абагты.

Хэрэгүүд 3:13

Абраһаамай, Исаагай, Яковай Бурхан, манай үбгэ эсэгэнэрэй Бурхан Өөрын зараса Иисүүсые алдаршуулаа. Таанад Иисүүстэ урбаат, Тэрэниие Пиладай сүлөөлэн табиха гэхэдэнь, таанад арсаат.

Еврейнүүдтэ 12:2

Һүзэг этигэлэймнай эхи татаһан, тэрэнииемнай түгэс түгэлдэр болгоһон Иисүүсые шэртэжэ байял. Ерээдүйдэ үзэгдэхэ баярай түлөө Тэрэ Өөрыгөө гутаалгахаяа айнгүй, хэрээһэндэ хадуулжа үхөөд, Бурханай баруун талада һуугаа.

Еврейнүүдтэ 8:1

Хэлэжэ байһан юумэнэймнай гол удха: бидэ тэнгэридэ Үндэр дээдэ түрэлтын баруун талада һууһан Ахамад Санаартатайбди.