Иоанн 10:38 - Библи

³⁸ Эсэгынгээ хэрэгүүдые бэелүүлжэ байха үедөө хэлэһэн үгэнүүдтэмни этигээгүй һаа, Минии бүтээдэг хэрэгүүдтэ этигэгты! Тиихэдээ Эсэгэмни Минии досоо байна, Би Эсэгынгээ досоо байнаб гэжэ таанар мэдэхэт, мэдэжэшье байхат.

Шэнэ Хэлсээн

³⁸ Эсэгынгээ хэрэгүүдые бэелүүлжэ байха үедөө хэлэһэн үгэнүүдтэмни таанад этигээгүй һаа, минии бүтээдэг хэрэгүүдтэ этигэгты! Тиихэдээ Эсэгэмни минии зосоо байна, би Эсэгынгээ зосоо байнаб гэжэ таанар мэдэхэт, мэдэжэшье байхат.

Иоанн 10:38 Referencias Cruzadas

Иоанн 10:25

– Би таанарта хэлээ һэм, теэд таанар Намда этигэнэгүйт. Эсэгынгээ нэрэһээ Минии бэелүүлдэг хэрэгүүд Минии гэршэ болоно.

Иоанн 10:30

Эсэгэ бидэ хоёр нэгэн хамтабди.

Иоанн 11:4

Тиигэжэ дуулаад: – Энэ үбшэн Лазариие үхүүлхын тула бэшэ, харин Бурханиие алдаршуулхын тула, тиин Бурханай Хүбүүнэй алдар солоёо элирхэйлхын тула болоо, – гэжэ Иисүүс хэлэбэ.

Иоанн 14:20

Би Өөрын Эсэгэ соо байнаб, таанар Минии досоо байнат, Би таанарай досоо байнаб – энээн тухай таанар тэрэ үдэр мэдэхэт.

Иоанн 17:11

Энэ дэлхэйдэ саашадаа байхаяа болёоб, Тандаа бусажа ошохомни, харин эдэмни дэлхэйдэ үлэхэнь. Гэгээн нангин Эсэгэмни аа! Өөрынтнай нэрэ солын тулада, Намда Танай үгэһэн эдэ хүнүүдые, Та Бидэ хоёртол нэгэн адли байхынь тула абаран үлөөгыт даа.

Иоанн 3:2

Тэрэ нэгэ һүни Иисүүстэ ерээд: – Рабби, Та Бурханай эльгээһэн багшат гэжэ бидэ мэдэнэбди. Хэрбээ Бурханай үршөөгөөгүй һаа, Та иимэ гайхамшагта үзэгдэлнүүдые харуулжа шадахагүй һэнта, – гэжэ хэлээ һэн.

Иоанн 5:36

Харин Иоаннайхиһаашье ехэ Нам тухай гэршэ бии юм. Эсэгэһээмни үгтэһэн гайхамшаг хэрэгүүдые бүтээһэмни Намайе Эсэгэмни эльгээгээ гэжэ гэршэлнэ!

Хэрэгүүд 2:22

Израилиин зон, намайе шагнагты! Бурхан Назаредэй Иисүүсээр агууехэ хэрэгүүдые, гайхамшагта үзэгдэлнүүдые ба тэмдэгүүдые бүтээлгэн, Тэрэниие эльгээһэн тухайгаа таанадта гэршэлээ. Эдэ бүхэн танай дунда ушараа. Тиимэһээ таанад өөһэдөө энээн тухай мэдэнэт.

Иоаннай 1-дэхи хандалга 3:24

Бурханай захяа заабариие сахигшад Тэрээнтэй нэгэн хамта байна, Бурхан тэдэнтэй нэгэн хамта байна. Иигэжэл Бурханай бидэнтэй нэгэн хамта байдагые бидэ мэдэхэ аргатайбди, бидэндэ Бурханай заяаһан Арюун Һүлдын ашаар мэдэхэ аргатайбди.