Иоанн 10:16 - Библи

¹⁶ Энэ хорёо соохи хонидһоо гадна, мүн ондоошье хонид Намда бии. Тэдэниие Би баһа иишэнь асарха ёһотойб. Тэдэ хонид Минии үгэ дуулаха, тиихэдээ нэгэл һүрэг хонид байха, нэгэл хонишон байха!

Шэнэ Хэлсээн

¹⁶ Энэ хорёо соохи хонидһоо гадна, мүн ондоошье хонид намда бии. Тэдэниие би баһа иишэнь асарха ёһотойб. Тэдэ хонид минии үгэ дуулаха, тиихэдээ нэгэл һүрэг хонид байха, нэгэл хонишон байха!

Иоанн 10:16 Referencias Cruzadas

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

Экклезиаст 12:11

Мэргэдэй үгэ зүүндэ ба хадаһан хадааһанда адли хаха шуу ородог, тэдэниие бэшэгшэдынь нэгэл Адуулагшаһаа гаранхай.

Исай 11:10

Тэрэ үдэр Ишайн үри һадаһан арадуудта туг болохо, тэдэ арадууд тэрээн руу эрьехэ, оршодог газарынь алдар суутай болохо.

Исай 43:6

Хойто зүгтэ хандан, Минии арад түмэниие табихыень, урда зүгтэ хандан, зониием барижа байхагүй тухай захирхаб. Минии арад түмэнэй алас холоһоо, үлгэн дэлхэйн элдэб буланһаа ерэхэдэнь бү һаад хэгты гэхэб.

Исай 49:6

Эзэн намда иигэжэ айладхаа: «Минии зараса байха гээшэ багашаг үүргэ шамда. Тиимэһээ ши үшөө Яковай угсаатаниие һэргээн бодхоохош, Израилиин амиды мэндэ үлэһэн арад зониие һөөргэнь бусаахаш. Газар түбиин заха хизаар хүрэтэр абаралгыемни дэлгэрүүлхыншни тула Би шамайе бусад арадуудай гэрэл туяа болгохоб!»

Исай 52:10

Бүхы үндэһэ яһатанай хараһаар байтар Эзэн нангин хүсэ шадалаа үзүүлээ: Өөрынгөө арад түмэндэ абарал буулгахыень үлгэн дэлхэйн бүхы булангай зон хараа.

Исай 56:8

Таран бутарһан Израилиин арад зониие суглуулагша Эзэн Бурхан үшөө олон зониие асархаб гэжэ найдуулна.

Эзэкээл 34:12

Тараад байһанайнь удаа хамтадхан суглуулхадаа хонишоной һүрэгөө шалган байдагтал Би тэдэнээ шалгахаб. Хонидни бүрхэг харанхы үдэр арадуудай дундуур таран төөреэ бэлэй. Би мүнөө тэдэниие абархаб!

Эзэкээл 34:23

Таанадые адуулдаг хонишоноор Өөрынгөө албатан Давидые томилхоб. Тэрэ таанад тушаа һанаагаа табидаг болохо.

Эзэкээл 34:6

Минии хонид бүхы дэлхэйгээр таран төөреэ. Хада уулаар, гүбээнүүдээр тэдэ төөрин ябаа, хэншье тэдэниие бэдэрээгүй.

Эзэкээл 37:22

Тэдэниие нэгэ яһатан болгон хамтадхаад, Израилиин хада ууланууд дээрэ ажаһуулгахаб. Ганса хаантай тэдэ байха, хоёр яһатан, хоёр хан түрэ боложо бэшэ таһархагүй.

Эзэкээл 37:24

Минии албатан Давидай үри һадаһан хододоо тэдэнэй хаан байха, хонид тушаа хонишоной һанаагаа зободогтол Тэрэ зоноо харууһалан байха. Израилиин арад түмэн Минии хуули ёһонуудые сахин дүүргэхэ. Яков албатандаа Минии үгэгшэ орон нютагта элинсэг хулинсагтал адляар тэдэ ажаһууха. Үри һадаһадыньшье хэтэ мүнхэдөө тэндэ амидырха.

Һошээ 1:10

Гэбэшье Израилиин арад зоной тоо далайн элһэн мэтэ хэмжэжэ тоолохын аргагүй болохо. Таанад Минии арад бэшэт гэжэ хэлэгдэһэн эгээл тэрэ һууринда тэдэнэр амиды Бурханай үхибүүд гэжэ нэрлүүлхэ.

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Матвей 17:5

Тиигэжэ хэлэжэ байтарнь ялагар үүлэнэй һүүдэр тэдэниие хушаба, үүлэнһээ: – Энэ Минии инаг хайрата Хүбүүмни юм, сэдьхэлэймни урма охин юм; үгыень дуулажа байгты, – гэһэн абяан дуулдаба.

Лука 15:8

Үгышье һаа, арбан сагаан мүнгэтэй нэгэ эхэнэр ганса сагаан мүнгэеэ үгы болгожорхёо һаа, дэнгээ носоожо, гэрээ хамажа, ехэл нарибшалан бэдэржэ олодог бэшэ аал?

Иоанн 10:11

Би шударгуу һайн адуулагшаб, шударгуу һайн адуулагшань хонидоо абархын тула ами наһаяа үгэдэг.

Иоанн 10:2

Үүдээрнь ородог хүн хонин һүрэгэй адуулагшань мүн.

Иоанн 10:27

Минии хонид үгыемни дууладаг, Бишье тэдэнээ мэдэхэб, тэдэмни Минии хойноһоо дахажа ябана.

Иоанн 10:3

Харуулшан тэрээндэ хониной байрын үүдэ нээжэ үгэдэг. Хонидынь тэрэнэйнгээ дууень дууладаг, адуулагшань хонидоо нэрэ нэрээрнь дуудаад, газаашань гаргадаг.

Иоанн 10:4

Хонидоо бултыень байраһаань гаргаад, хонишон хонидойнгоо урда ябадаг, харин хонидынь хонишоноо дуугаарнь танижа, хойноһоонь дахадаг.

Иоанн 10:5

Ондоо хүнэй хойноһоо хонидынь дахахагүй, тэрэ хүнһөө зугадажа арилшадаг, юундэб гэхэдэ, ондоо хүнэй дууниинь танигданагүй бшуу.

Иоанн 11:52

Гансашье еврей зоной түлөө бэшэ, харин дэлхэй дээгүүр эндэ тэндэ бутаран тарашаһан Бурханай бүхы үхибүүдые суглуулан нэгэдхэхын түлөө үхэхэ.

Иоанн 17:20

Теэд гансал эдэнэй тула Таниие гуйна бэшэб, мүн Минии тухай эдэнэймни хэлэһэн үгын ашаар Намда этигэгшэдэйшье тула гуйнаб.

Иоанн 6:37

Минии Эсэгын Намда үгэһэн хүн бүхэн Намда ерэхэ. Намда ерэһэн хүниие Би намнахагүйб.

Хэрэгүүд 15:14

Бурханай Өөрын нэрэ алдараар анха түрүүшынхиеэ бусад арадуудай дундаһаа хүнүүдые шэлэжэ абаһан тухай Симон бидэндэ хөөрэжэ үгөө.

Хэрэгүүд 18:10

Би шамтай байнаб, хэншье шамда хоро хүргэхэгүй, энэ хотодо Минии хүнүүд олон бшуу.

Хэрэгүүд 22:14

«Манай үбгэ эсэгэнэрэй Бурхан эрхэ хүсэлөө шамда мэдүүлхын тула Үнэн сэдьхэлтэниие шамда харуулхын тула, Тэрэнэй абяа дуулахыншни тула шамайе шэлэжэ абаа, – гэжэ Анания үргэлжэлүүлбэ. –

Римэйхиндэ 11:25

Аха дүүнэр, өөһэдыгөө сэсэн ухаатайбди гэжэ бодожо байхагүйнтнай тула энэ нюуса үнэниие таанадта мэдүүлхэ һанаатайб. Израилиин зарим зон хододоо тиимэ зүрюу байхагүй, тэдэнэр шэлэгдэһэн бусад арадуудай бүрин Бурханда ерэтэр лэ тиимэ байха.

Фессалоникиинхидтэ 2-дохи 2:13

Эзэндэ инаг хайрата байһан аха дүүнэрни, бидэ таанадай түлөө үргэлжэ Бурханда баясхалан хүргэжэ байха ёһотойбди. Таанадай Арюун Һүлдын хүсөөр Бурханай хүнүүд боложо, үнэн зүб юумэндэ этигэһэн һүзэгөөрөө абарагдахынтнай тула Бурхан таанадые эхинһээ нааша шэлэжэ абаа.

Еврейнүүдтэ 13:20

Өөрынгөө шуһанай сэнгээр мүнхын хэлсээе оложо абаһан хонидой агууехэ Адуулагшые, Манай Эзэн Иисүүсые Бурхан амидыруулаа. Тэрэнэй эрхэ хүсэлыень таанадай бэелүүлхын тула Бурхан таанадые хэрэгтэй һайн һайхан юумээр хангаг лэ, тиин Өөртэнь һайшаагдадаг юумые Иисүүс Христоосоор дамжуулан таанад соо бүтээг лэ. Христоосто хэтын хэтэдэ алдар соло! Болтогой!

Пётрой 1-дэхи хандалга 2:10

Урдань таанад Бурханай хүнүүд бэшэ һэнта, зүгөөр мүнөө таанад Тэрэнэй хүнүүдта. Урдань таанад Бурханай үршөөл хайрые мэдэхэгүй һэнта, мүнөө таанад Тэрэнэй үршөөл хайрада хүртэбэт.

Пётрой 1-дэхи хандалга 2:25

Таанад төөриһэн хонид мэтэ адуулагшагүй ябаат, мүнөө Адуулагшадаа, харууһалагшадаа таанад бусажа ерээт.

Пётрой 1-дэхи хандалга 5:4

Тиигэбэл, таанад эгээн ехэ Адуулагшын ерэхэдэ, һүнэшэгүй алдарай шагналда хүртэхэт.

Гэршэлгэ 3:20

Энэ Би үүдэнэй хажууда ерээд, үүдэ тоншожо байнаб. Минии абяа дуулаад, үүдэ нээһэн хүнэйдэ орожо, хамта эдеэлхэб, тэрэ хүн Намтай суг эдеэлхэ.