Иоанн 1:3 - Библи

^3-4 Бүхы юумэн Үгөөр лэ бүтээгдээ, нэгэшье бүтээгдэһэн юумэн Тэрээнгүйгөөр бүтээгүй. Тэрэ Өөрөө бүхы амидаралай эхин мүн. Амидарал гээшэ бүхы хүнүүдые гэрэлтүүлдэг Гэрэл туяа мүн.

Шэнэ Хэлсээн

^3-4 Бүхы юумэн Үгөөр лэ бүтээгдэһэн байна, нэгэшье бүтээгдэһэн юумэн тэрээнгүйгөөр бүтээгүй байгаа. Тэрэ өөрөө бүхы амидаралай эхин мүн. Амидарал гээшэ бүхы хүнүүдые гэрэлтүүлдэг Гэрэл туяа мүн.

Иоанн 1:3 Referencias Cruzadas

Эхин 1:1

Эхинэй эхиндэ Бурханай огторгой болон газар дэлхэйе бүтээжэ захалхада,

Эхин 1:26

Удаань Бурхан: – Хүн гэдэгые Өөртөө адли түхэлтэйгөөр бии болгоё. Далайн загаһадые, огторгойн шубуудые, зэрлиг болон тэжээмэл амитадые, газараар мүлхидэг хамаг амитадые болон бүхы түби дэлхэйе тэрэ захиран, зонхилон байг! – гэжэ айладхаба.

Псалманууд 33:6

Тэрээн руу хандан эрьегшэ зоной нюур шарай толорно, эшэхэ байдал шарайдань үзэгдэхэгүйл. ז Заайин

Һургаал 8:30

Тиихэдэ би Тэрэнэй хажууда уран дархан мэтэ байгаа һэм. Би Тэрэнэй үдэр тутамай баяр бахархал боложо, Тэрэнэй урда үргэлжэ баярлан урмашажа байгааб.

Исай 45:12

Дэлхэйе бүтээжэ, дээрэнь зониие бии болгоһониинь Би мүн! Өөрын хүсэ шадалаар огторгойе дэлгээб, нара, һара, мүшэдые зонхилон удариданаб.

Исай 45:18

Огторгойе бүтээһэн, газарые байгуулһан, бии болгоһон, һуурииень табиһан, хооһон байхын тула бэшэ, амидархын тула бүтээһэн, байгуулһан Эзэн иигэжэ айладажа байна: Би болбол Эзэн гээшэб. Намһаа ондоо Бурхан байхагүй!

Иоанн 1:10

Тэрэ хадаа юртэмсэ дэлхэй соо байгаа, юртэмсэ дэлхэй Тэрээгээр зохёон бүтээгдэһэншье һаа, Тэрээниие дэлхэйнхид танибагүй.

Иоанн 1:2

Үгэ болбол эхинэй эхиндэ Бурхантай хамта байгаа.

Коринфынхидтэ 1-дэхи 8:6

бидэндэ ори гансал Эсэгэ Бурхан, ори ганса Эзэн Иисүүс Христоос бии. Эсэгэ Бурхан бүхы юумые бүтээгээ, бидэ Тэрэнэй ашаар ажамидарнабди; бүхы юумэн Эзэн Иисүүс Христоосой ашаар бүтээгдээ, бидэ Тэрэнэй ашаар ажамидарнабди.

Еврейнүүдтэ 11:3

Һүзэг этигэлээрээ бидэ Бурханай үгөөр замбуулин зохёон бүтээгдээ гэжэ мэдэрнэбди, тиимэһээл нюдэндэмнай харагдадаг юумэнүүд харагдадаггүй юумэнүүдһээ бии болоо юм.

Иоаннай 1-дэхи хандалга 5:1

Иисүүс Бурханай табисуурта мүн гэжэ этигэдэг хүн бүхэниие Бурхан бүрилдүүлээ. Эсэгэ Бурханда дуратай хүн Бурханай үхибүүдтэшье дуратай.

Гэршэлгэ 3:14

Лаодикиин һүзэглэгшэдэй бүлгэмэй түлөөлэгшэдэ иигэжэ бэшээрэй: – Болтогой гэжэ нэрэтэй үнэн бодото найдабаритай Гэршэ, Бурханай бүтээлэй Эхиниинь иигэжэ хэлэнэ:

Гэршэлгэ 4:11

– Манай Эзэн Бурхан, Та али бүхы алдар солодо, нэрэ хүндэдэ, засаг түрэдэ хүртэмөөр байнат! Бүхы юумэн Танаар бүтээгдээ, Танай хүсэл зоригоор байгуулагдаа.