Иоанн 1:14 - Библи

¹⁴ Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Шэнэ Хэлсээн

¹⁴ Үгэ хадаа хүн боложо түрөөд, бидэнэй дунда амидаржа байгаа. Эсэгэ Бурханай ори ганса Хүбүүниинь үршөөл хайрын ба үнэн зүйлэй бэелэл байжа, бидэндэ һүр шадалаа харуулаа.

Иоанн 1:14 Referencias Cruzadas

Псалманууд 2:7

Би, хаан, Эзэнэй зарлигые тунхаглахам. Эзэн намда иигэжэ айладаа: «Ши Минии хүбүүнши, Мүнөөдэр Би Эсэгэшни болооб.

Псалманууд 45:2

Бурхан хадаа манай хорохо газар, хүсэн, ямаршье гай тодхорто туһалагшамнай мүн.

Псалманууд 85:9

Танай бүтээһэн арадууд бултадаа ерэжэ, Танай урда һүгэдэхэ, Эзэн! Танай нэрэ алдаршуулха.

Исай 40:5

Тиихэдэ Эзэнэй алдар солонь эли болон тодорхо, бүхы зон тэрэниие хараха. Юуб гэхэдэ, Өөрөө Эзэн иимэ юумэн болохо гээд найдуулаа бшуу».

Исай 53:2

Эзэнэй урда Тэрэ хуурай газарһаа урган гараһан ургамалдал байгаа. Тэрээндэ һайхан шэг шарайшье, һүр жабхаланшье байгаагүй. Хараһаншье һаа, анхаралаа ехэ Тэрээндэ бидэ хандуулаагүйбди.

Исай 7:14

Зай, тиигээ хадатнай Эзэн Өөрөө таанадта дүлгэ тэмдэг үгэхэ. Анхарагты! Басаган хээлитэй болоод, хүбүү түрэхэ, тэрээниие Эммануил гэжэ нэрлэхэ.

Эзэкээл 37:27

Иигэжэ Би арад түмэнэйнгөө дунда оршохоб, Бурханиинь болохоб, харин тэдэ Минии арад болохо мүн.

Матвей 1:16

Яковһаа Мариятай һууһан Иосиф түрөө. Марияһаа Бурханай табисуурта гэжэ алдаршаһан Иисүүс хүбүүн түрөө.

Лука 2:11

мүнөөдэр Давид хаанай хотодо танай Абарагша түрэбэ, Бурханай табисуурта Эзэн мүндэлбэ.

Лука 2:7

тэрэ ууган хүбүүгээ түрөө һэн. Тэрэнээ мансылаад, малай эдюур соо абаашажа табиба, юундэб гэхэдэ, зоной буудаг газарта тэдээндэ һуури хүртөөгүй һэн.

Лука 9:32

Пётр болон нүгөө хоёрынь бүхөөр унтажа байһанаа гэнтэ һэрин гэхэдээ, Иисүүсэй һүр жабхаланта байдалые, мүн хажуудань хоёр хүнэй зогсохые хараба.

Иоанн 1:1

Эхинэй эхиндэ Үгэ байһан юм. Тэрэ болбол Бурхантай хамта байгаа. Тэрэ хадаа Бурхан мүн байгаа.

Иоанн 11:40

– Хэрбээ шүтэжэ ябаа һаа, Бурханай алдар солые үзэхэш гээд шамда Би хэлээ бэшэ һэн гү? – гэжэ Иисүүс Марфада харюусаба.

Иоанн 14:6

– Би болбол Харгы зам гээшэб, Үнэн зүйл, Ажамидарал гээшэб. Намаар дамжан ошоогүй хүн Эсэгэдэ хүрэжэ шадахагүй.

Иоанн 14:9

– Филипп, ши Намайе мэдэнэгүй гүш? Би таанартай хамта иимэ удаан саг соо байналби! Намайе хараһан хүн Эсэгыемнишье хараба гээшэ. Харин ши юундэ «Эсэгэеэ бидэндэ харуулыт» гэнэбши?

Иоанн 17:22

Та бидэ хоёртол адляар, тэдэнэй нэгэн хамта байхын тула, Танай Намда үгэһэн алдар солые Би тэдэндэ үгөөб.

Иоанн 17:24

Эсэгэмни аа! Танай үгэһэн хүнүүдэй Намтай хамта Минии ошохо газарта байхыень хүсэнэб. Юртэмсэ дэлхэйн бии болохоһоо урда Та Намда дуратай байжа, Намда олгоһон алдар солыетнай тэдэнэр хараг лэ.

Иоанн 18:37

– Тиихэдээ Та яабашье һаа, хаан боложо таарана гүт? – гэжэ Пилат асууба. – Та өөрөө Намайе Хаан гэнэт. Би үнэн зүйлые гэршэлхын тула түрэһэн, дэлхэйдэ ерэһэн байнаб. Үнэн зүйлые баримталагшад бултадаа Минии хэлэһые дуулана, – гэбэ Иисүүс.

Иоанн 2:11

Иигэжэ Иисүүс Галилей можын Каана хотодо гайхамшаг үзэгдэлнүүдэйнгээ эхи табиба. Иигэжэ Иисүүс Өөрынгөө алдарые харуулһан, тиин шабинарынь Тэрээндэ этигэһэн юм.

Иоанн 3:16

Бурхан дэлхэйн хүнүүдтэ тон ехээр дурлаһандаа Өөрынгөө ори ганса Хүбүүе үргэл болгожо үгөө. Энэ Хүбүүндэ этигэдэг хүн бүхэн хосоронгүй, мүнхэ ами наһатай байха.

Иоанн 3:18

Тэрэ Хүбүүндэнь этигэдэг хүн гэмнүүлхэгүй, харин этигэдэггүй хүн мүнөөшье гэмнүүлээд байна, тиимэ хүн Бурханай ганса Хүбүүндэ этигээгүй бшуу.

Иоанн 6:51

Би Тэнгэриһээ буужа ерэһэн амиды хилээмэн гээшэб. Энэ хилээмые эдиһэн хүн мүнхэ наһатай болохо. Тэрэ хүндэ Минии үгэхэ хилээмэн хадаа Минии бэемни гээшэ, тиин энэ бэеэ бүхы дэлхэйн ажамидаралай түлөө Би үгэнэб.

Иоанн 8:32

Тиихэдээ таанар үнэн зүйлые ойлгохот, үнэн зүйл таанарые сүлөөлхэ.

Хэрэгүүд 13:33

Бурхан Иисүүсые амидыруулхадаа, бидэндэ, тэдэнэй үри хүүгэдтэ найдуулһанаа бүтээгөө. Энээн тухай «Бурханай дуунай номой» хоёрдохи дуун соо иигэжэ бэшэгдэнхэй: «Ши Минии хүбүүнши, мүнөөдэр Би эсэгэшни болооб».

Римэйхиндэ 8:3

Манай нүгэлтэ мүн шанарһаа боложо Хуулиин бүтээжэ шадаагүй юумые Бурхан бүтээбэ. Тэрэ Хүбүүгээ нүгэлтэ маанадтайл адли бэетэйгээр нүгэлнүүдэймнай түлөө тахил болгон эльгээжэ, бэеэрнь манай нүгэлнүүдые гэмнэн шүүбэрилээ.

Римэйхиндэ 9:5

Тэдэнэр агууехэ үбгэ эсэгэнэртэй, тиихэдэ Бурханай табисуурта бэеэрээ баһал тэдэнтэй нэгэ яһанай хүн юм. Бүхы юумые захиржа байһан Бурхан хэтын хэтэдэ магтаал солотой байһай гэжэ би зальбарнаб! Болтогой!

Коринфынхидтэ 1-дэхи 15:47

Түрүүшын Адаам газар хүрьһэнһөө бүтээгдэһэн газар дэлхэйн хүн юм, харин һүүлшын Адаам тэнгэриһээ юм.

Коринфынхидтэ 2-дохи 12:9

«Минии үршөөл хайрал шамда яһала хангалтатай хүрэхэ, һүр хүсэн ахир һула байхада аргагүй һайнаар элирэн харагдадаг юм», – гэжэ Тэрэ намда харюусаа. Тиимэһээ би Христоосой хүсэ шадалаар дүүрэхын тулада ахир һула байһанаараа бахархаха ехэл дуратай байнаб.

Галадуудта 4:4

Харин саг болзорой ерэхэдэ, эхэнэрһээ түрэһэн Хүбүүгээ Бурхан эльгээбэ. Хуулиин эрхэ мэдэлдэ байһан хүнүүдые абархын тула, Бурханай найдуулһан юумэнэй уг залгамжалагшад болгохын тула түлөөһэ үгэжэ, эльгээһэн Тэрэ Хүбүүниинь Хуулиин ёһоор ажамидаржа байгаа.

Эфесэйхиндэ 3:8

Ой ухаандаа оруулхын аргагүй ехэ Христоосой баялиг тухай Һайн Мэдээсэлые бусад арадуудта номнохые, Бурханай нюусын яажа бэелхэ тухай бүхы хүнүүдтэ харуулхые Бурханай хүнүүдэй эгээл багань байһан намда Бурхан хайрлаа. Үнгэрһэн сагуудта хамаг юумые Бүтээгшэ Бурхан нюусаяа хадагалжа байгаа. Тиин мүнөөнэй үе сагта Тэрэ Өөрынгөө оюун ухааниие һүзэглэгшэдэй бүлгэмөөр дамжуулан тэнгэриин захирагшадта, огторгойн хүсэнүүдтэ элдэб янза хэбээрнь харуулаа.

Колоссынхидтэ 1:19

Бурхан бүхы шанарнуудаа Хүбүүндээ шэнгээхэ дуратайл байгаа.

Колоссынхидтэ 2:3

Христоос болбол Бурханай мэргэн ухаанай болон мэдэрэлгын баялигые нээхэ түлхюур юм.

Колоссынхидтэ 2:9

Христоосой бэе соо Бурханай бүхы шанарнууд бүрин оршоно.

Тимофейдэ 1-дэхи 3:16

Һүзэг этигэлэймнай элирүүлһэн үнэн зүбынь үнэхөөрөө агууехэ юм: Хүнэй дүрсэ дүрсэлэн Бурхан ерээ, Тэрэнэй үнэн зүб байһыень Арюун Һүлдэ харуулаа, Тэрэ Өөрыгөө Эльгээмэлнүүдтэ харуулаа. Арадуудай дунда Тэрээн тухай номноо, бүхы газар дэлхэйн зон Тэрээндэ этигээ, тиигээд Тэрэ тэнгэридэ дэгдээ.

Еврейнүүдтэ 1:3

Бурханай алдарай туяа сасаруулан, Бурханай шанар шэнжэтэй байжа, Тэрэ бүхы замбуулин дэлхэйе Өөрын үгын хүсөөр баридаг. Бидэниие нүгэлнүүдһээмнай арилгаад, огторгой дээрэ һүр жабхаланта Бурханай баруун талада һуугаа.

Еврейнүүдтэ 1:5

«Ши Минии Хүбүүмниш. Мүнөөдэр Би Шинии Эсэгэшни болооб», – гэжэ Бурхан Өөрынгөө Эльгээмэлнүүдэй нэгэндэньшье хэлээ аал? «Би Тэрэнэй Эсэгэнь болохоб, Тэрэ Минии Хүбүүн болохо», – гэжэ Бурхан нэгэшье Эльгээмэл тухай хэлээ аал?

Еврейнүүдтэ 10:5

Тиимэһээ Христоос энэ газар дэлхэйдэ ерэхэдээ, Бурханда иигэжэ хэлээ: – Үргэл болон бэлэгүүдые хүсэнэгүйт. Тиихэдэ Намда махабад бэе олгоот.

Еврейнүүдтэ 2:11

Арюудхагша ба арюудхагдаһан бүхы хүнүүд нэгэ Эсэгэтэй. Тиимэһээ Иисүүс тэдэниие аха дүүнэрни гэжэ нэрлэхэеэ эшэдэггүй.

Еврейнүүдтэ 5:5

Тон тиигэжэл ахамад санаартын нэрэ хүндые Христоос Өөрөө Өөртөө зүүгээгүй, харин «Ши Минии Хүбүүмниш. Мүнөөдэр Би Шинии Эсэгэшни болооб» гэһэн Бурхан Тэрээндэ ахамад санаартын нэрэ түрые үгөө.

Иоаннай 1-дэхи хандалга 4:14

Эсэгэ Бурхан газар дэлхэйе Абарагша болгон, Хүбүүгээ эльгээгээ гэжэ бидэ хараабди, гэршэлэн баталнабди.

Иоаннай 1-дэхи хандалга 4:9

Бидэндэ дуратай байдагаа Бурхан иигэжэ харуулаа: Хүбүүгээрнь дамжан бидэнэй мүнхэдөө амиды ябахын тула Бурхан ори ганса Хүбүүгээ газар дэлхэйдэ эльгээгээ.

Иоаннай 2-дохи хандалга 1:7

Юундэб гэбэл, олон тоото мэхэшэд дэлхэйдэ ерэбэ. Иисүүс Христоосые хүн боложо газарта ерэһые тэдэ мэдэрнэгүй. Тиимэ хүнүүд мэхэшэд, Христоосой дайсад гээшэ.

Гэршэлгэ 19:13

Шуһан соо шиихажа норгоһон суба нэмэрэнхэй; Тэрэнэй нэрэнь – Бурханай Үгэ юм.

Гэршэлгэ 21:3

Хаан шэрээгэй тэндэһээ шангаар иигэжэ хэлэхые дуулабаб: «Харалши, энэ Бурханай майхан гээшэ. Хүнүүдшье тэрэ майханда байна, Бурхан хододоо тэдэнтэй байха! Тэдэ хүнүүд Тэрэнэй арад зониинь болохо, Бурхан Өөрөөшье тэдэ хүнүүдтэй хамта ажаһууха, тэдэнэй Бурханиинь болохо.