3 Тэрэниие хургандаа орёожо аба, зүрхэнэйнгөө хабтаһан дээрэ бэшэ.
Этигэл ба үнэн сэхэ шамайе бү орхиг. Эдэниие зүрхэнэйнгөө хабтаһан дээрэ бэшэ, хүзүүндээ орёо.
Минии үгэ харааһаа алдажа болохогүй. Зүрхэндөө хадагалжа яба.
Тэдэнэй үгэнүүдые сэдьхэлдээ хадуужа аба, зүүдхэл мэтэ хүзүүндээ үлгэ.
Оюун ухааниие амараг гансадаа адли болгогты. Бэлиг мэдэсэдэ «ши минии эгэшэш» гэжэ хэлэгты.
Мүнөө яба, шулуун хабтаһан дээрэ тэдээндэ энээниие зура, хуйламал ном руу эдэ үгэнүүдые бэшэ! Тэдэ ерээдүй сагта үлэг лэ, хододоо, хэтын хэтэдэ.
Би тэдэнтэй энэ хэлсээ баталхаб. Шам дээрэ оршогшо Минии Һүлдэ, амандашни Минии хэгшэ үгэмни хододоо шинии, үри һадаһадайш, тэдэнэйшье уг удамай аманда мүнөөнһөө эхилэн хэтэ мүнхэдөө оршог!»
Эзэн айладхана: – Иудын хан түрын зоной нүгэл түмэр эритээр, баллахын аргагүйгөөр бэшэгдэнхэй, ошорой үзүүрээр зүрхэнэйнь хабтаһан дээрэ һиилэгдэнхэй, үргэлэй шэрээгэй углуунууд дээрэ барлагданхай.
Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулиие тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо.
Христоосой Өөрөө энэ бэшэг бэшээд маанадаар дамжуулһаниинь эли байна. Энэ бэшэг бэхээр бэшэ, харин амиды Бурханай Һүлдөөр бэшээтэй, шулуун хабтагайнууд дээрэ бэшэ, харин хүнүүдэй сэдьхэлдэнь бэшээтэй.
