27 Зүүн, баруун тээшээ годиронгүй яба, хорон мууһаа зайлажа яба.
хүбүүмни, тэдэнтэй суг бү ябаарай, нүгэлтэй зоной харгыһаа дары зайлаарай.
Үнэн сэдьхэлтэй хүнүүдэй зам хадаа өөрыгөө хорото мууһаа холодуулха ябадал. Өөрынгөө зам анхаралтай ажагладаг хүн амияа хамгаална.
Бэеэ угаагты. Өөһэдыгөө сэбэрлэгты. Минии хаража байһан муу муухай үйлэ хэрэгүүдээ орхигты. Мууе үйлэдэхөө болигты.
Хүнүүдтэ үнэн зүрхэнһөө дуратай байгты; нүгэлтэ юумэнүүдһээ зайсагты; үлзы дэмбэрэлтэй юумэндэ эрмэлзэжэ байгты.
Минии таанадта захиһан юумэ бултыень дүүргэхэеэ оролдогты, хэлэһэндэм юушье бү нэмэгты, бү хороогты!
Минии мүнөөдэр таанадта хэлэжэ байгааша һургаалые жэншэдгүй дүүргэгты, ондоо бурхадта һүгэдэн мүргэжэ бү байгты.
Эзэн Бурханайнгаа захирһанай ёһоор, жэншэдгүй үйлэ хэрэг ябуулагты, нэгэшье хуулииень бү хазагайруулагты, хажуу тээшэ халба бү һүрэгты.
Гансал хатуу ба тон зоригтой байгаарай, Моисейн шамда захиһан бүхы хуулиие сахижа, дүүргэжэ ябаарай, Богоолни. Тэрээнһээ хайшаашье бү хазагайраарай, тиибэл лэ бүхы хэрэгээ бодолтойгоор хэхэш.
