26 Урдахи замаа сэхээр таби, тиигэбэл, замшни аюулгүй байха.
Мээшэхтэ хариин хүнэй байһандал, Кэдаарай майхангуудай дунда һууһандаал би гай гасалантайб.
Абарални, Эзэмни, яаран намда туһалыт!
Үгытэй хүн тушаа һанаагаа зободог хүн юрөөлтэй, гай тодхорой үдэр Эзэн тэрэниие абархал.
Ухаагаар ээлтэй хүндэ мунхаг үйлэ үйлэдэхэнь баяр болодог. Ухаатай хүн сэхэ замтай.
Нүгэлтэ хүн дошхон нюуртай, үнэн шударга хүнэй замынь сэхэ.
Хүбүүмни соносо, сэсэн байха хэрэгтэй, зүрхэ сэдьхэлээ зүб харгыгаар шэглүүлэ.
Нюдэншни урдаа байһаниие сэхэ хараг, урдашни байһан һайн хэрэгүүдһээ зайлажа бү яба.
Ушарынь гэхэдэ, Эзэнэй нюдэнэй урда хүнэй наһан элихэн харагдажа байдаг юм, хүнэй замые Тэрэ анхаран шэртэжэ байдаг.
Зүб харгыһаа тэрэ хадууранхай, замайнгаа буруутаһые өөрөөшье мэдэхэеэ болинхой.
Муу хэрэг хэһэнээ тэрэ ойлгожо, тэрээнһээ зайсажа, амиды мэндэ үлэхэ, хосорхогүй.
Мүнөө Би, Түмэн Сэрэгтэ Эзэн, иигэжэ айладханаб: Өөрынгөө хэһэн үйлэ хэрэгүүд тухай бодомжолжо үзэгты!
Би, Түмэн Сэрэгтэ Эзэн, иигэжэ айладханаб: Өөрынгөө хэһэн үйлэ хэрэгүүд тухай бодомжолжо үзэгты!
Тиимэһээ өөһэдынгөө алхамуудые бодомжолжо үзөөд хэжэ байгты. Тэнэг хүнүүдтэл адли бэшэ, харин сэсэн хүнүүдтэл адли өөһэдыгөө абажа ябагты.
Бодолгүй һэбхи ябахын орондо Эзэнэй эрхэ хүсэлые ойлгохо гэжэ шармайгты.
Тиигэбэл Эзэн Иисүүсэй Өөрынгөө хүнүүдтэй ерэхэдэнь, Эсэгэ Бурханай урда нүгэлгүй, арюун сэбэр байхынтнай тула Эзэн таанадые бэхижүүлхэ.
Гэхэдэ Эзэн найдабаритай. Тиимэһээ Тэрэ таанадые зоригжуулжа, шолмосһоо аршалжа байха.
Дохолон хүлтнай гэмтэнгүй, бүри эдэгэжэ байхын тулада таанад сэхэ замаар ябажа байгты.
Зүгөөр танай зоболонгууд һаядаа дууһаха. Иисүүс Христоостой нэгэдүүлэн, мүнхэ алдараараа хубаалсахын тула таанадые дуудаһан, элдэб үршөөлнүүдэй эхин болохо Бурхан таанадые заһаха, бэхижүүлхэ, хүсэ шадалтай болгохо, батадхаха.
