Һургаал 29:2 - Библи

² Зүб шударга хүнүүдэй дэбжэхэдэ, арад түмэн баяртай байдаг. Харин нүгэлтэнэй засагта байхада, арад зон халагладаг.

Һургаал 29:2 Referencias Cruzadas

Эстээр 3:15

Хаанай зарлигай ёһоор элшэнэр шамдан ябажа, зарлиг тарааба. Зарлиг мүн лэ ниислэл хото Сүүзэдэ тунхаглагдаба. Эзэн хаан Һамаан хоёрой амар тайбан үзэмэй дараһан архи уужа һуухада, ниислэл хотын арад түмэн хүл хөөрсэгэнөөн боложо, ехэ һүрдэбэ.

Эстээр 8:15

Энээнэй удаа хүхэ, сагаан үнгэтэй хаанай һайхан хубсаһа үмдэнхэй, алтан томо титим толгойдоо табинхай, шад улаан үнгэтэй миндаһан нэмэргэ нэмэрэнхэй Мордохайн хаанай ордонһоо гаража ерэхэдэ, ниислэл хотынхид баярлан, хашхаралдажа байжа угтаба.

Иоов 34:30

замһаа хадуурһан нүгэлтэнэй зониие худхуулан хаан шэрээдэ һуухагүйнь түлөө энээниие үйлэдэнэ.

Һургаал 11:10

Үнэн хүнэй дэбжэлтэдэ хотын зон булта баясана, хорон һанаатын мүхэхэ сагта баяр хүүр баһал болодог.

Һургаал 28:12

Үнэн шударга хүнүүдэй баярлахада олон зон омогорхон хүхидэг. Харин хара һанаатанай үргэмжэлэгдэхэдэ, зон нюураа хоргодуулдаг.

Һургаал 28:15

Хуулигүй нүгэлтэй засаг баригша ядуушуулда хандахадаа, хэрхирһэн арсалан, үлэн баабгай мэтэ.

Һургаал 28:28

Хуулигүй нүгэлтэнэй үргэмжэлэгдэхэдэ, хүнүүд бэеэ нюудаг. Харин тэдэнэй унахада, үнэн шударга зон олошорно.

Экклезиаст 10:5

Зонхилдог удамаршын гэнэ боложо хэһэн эндүүтэй шиидхэбэри харааб.

Экклезиаст 10:6

Мунхагууд үргэмжэлэгдэн, харин баяшуул доогуур һуудаг.

Экклезиаст 4:1

Нарата юртэмсэдэ бүхы дарлалтын үйлэ дахин дахин харабаб. Дарлуулагшадай нулимса хаража байхада, тэдэнэй һанаа заһаха хэншье олдохогүй. Дарлагшын талада хүсэн, харин дарлуулагшадые хайрлаха хэншье байхагүй.

Матвей 2:16

Сэсэшүүлдэ мэхэлүүлһэнээ мэдэрхэдээ, Ирод аргагүй ехээр сухалдаба. Тиигээд Бэтлэһээм хото болон тэрэниие оршон тойроһон нютагуудай хоёр наһанһаа доошо хүбүүдые алагты гэһэн захиралтатайгаар сэрэгшэдээ эльгээбэ. Үхибүүнэй наһа Ирод сэсэшүүлһээ мэдэжэ абаһан сагаар багсааһан байна.

Матвей 2:3

Энээниие дуулаад, Ирод хаан, тэрээнтэй хамта бүхы Иерусалимай зон һанаата болобо.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.