Һургаал 17:3 - Библи

³ Галай дүлөөр мүнгэ алта хайлуулан сэбэрлэдэг. Эзэн хүнүүдэй сэдьхэл туршадаг.

Һургаал 17:3 Referencias Cruzadas

1 Угай бэшэг 29:17

Минии Бурхан мэдэнэб, Та үнэн зүрхэнһөө дурланат, сэдьхэлһээ туршанат; би сэбэр сэдьхэлһээ эдэ бүхые үргэнэб, минии хараһаар Танай арад Тандаа баясан, үргэл үргөөл.

Иоов 23:10

Үзэгдэхэгүйнь шухала бэшэ юм бэзэ, гэшхэһэн бүхы мүрым Тэрэ һайн мэдэнэ. Намайе шалган туршаад, холисогүй шэжэр алта элирүүлһэндэл хэлэхэ.

Иоов 28:1

Уурхайн гүн сооһоо хүн алта мүнгэ олзолдог, газарһаа түмэр абадаг, шулуунһаа зэд хайлуулдаг.

Псалманууд 26:2

Намһаа үһөөгөө абаха һанаатайшуул, дайсад болон муу муухай зон бэеым залгихаа намда дүтэлбэл, өөһэдөө бүдэрэн унаха!

Һургаал 15:11

Эзэнэй үмэнэ бүгэдэ эли, Үхэлэй орондо байһан бүхы юумэншье.

Һургаал 16:2

Хүнэй хамаг зам өөрынь нюдэндэ зүб үзэгдэдэгшье һаа, Эзэн хүнэй сэдьхэл бодол туршадаг.

Һургаал 17:2

Бэрхэ зараса эзэнэй тулюур хүбүүе захиржа, аха дүүгэй дундахи хүрэнгэдэ хүртэнэ.

Һургаал 21:2

Хүн бүхэнэй зам өөртэнь сэхэ шэнгеэр үзэгдэдэг. Харин Эзэн хүнэй зүрхые сэгнэдэг.

Һургаал 27:21

Мүнгэ хайлуулдаг амһарта ба алта сэбэрлэдэг гал дүлэн мэтэ магтаалай үгэнүүд хүниие туршан шалгана.

Исай 48:10

Харыт, Би таанадые хайлуулааб, харин мүнгэ хайлуулдагтал адляар бэшэ, Би таанадые зоболонгой зууха соо шалгааб.

Ерэмияа 17:10

Бил, Эзэн, зоной һанаа бодол нэбтэ хаража, зүрхэ сэдьхэлыень туршадагби! Ажаһуудаг заяг заршамайнь ёһоор, үйлэ хэрэгүүдэйнь лэ ёһоор тэдээндэ хандадагби!

Эзэкээл 22:18

– Хүнэй үри Эзэкээл! Израилиин арад түмэн Намда хаягдаса, холисо мэтэ болоо. Зууха соо хайлуулжа, мүнгэ сэбэрлэн илгахада зэд, хүнгэн сагаан, түмэр, туулган амяарлаад үлэдэг гээшэ ааб даа. Тэдээн шэнги хэндэшье хэрэггүй зүйл болоол Израилиин зон!

Даниил 11:35

Сэсэн мэргэшүүлэй заримань зоболон амасаха, иимэ аргаар тэдэ арюудхагдаха, сагааруулагдаха, Бурханай тогтооһон саг болотор энэ үргэлжэлхэ.

Захарияа 13:9

Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Хуули дабталга 8:16

Таанадые даран номгоруулхын, туршахын тула, һүүлдэнь һайе хэхэеэ Тэрэ таанадта бэрхэшээлнүүдые ушаруулһан байна. Таанадай мүн үбгэ эсэгэнэрэйтнайшье хараа-үзөөгүй сагаан будагаар элһэн сүл губида таанадые Тэрэ холлуулаа.

Хуули дабталга 8:2

Дүшэн жэлэй туршада элһэн сүл губяар таанадые Эзэнэй хүтэлөөд ябаһан бүхы аян зам бү мартагты. Досоогоо юу сэдьхэжэ байһыетнай, захяа заабарииень сахиха гүт, али үгы гүт гэжэ мэдэхын тула, таанадые номгоруулхын тула Тэрэ туршажа байгаа.

Пётрой 1-дэхи хандалга 1:7

Юундэб гэхэдэ, тэдэ зоболонгууд танай һүзэг бодото гү гэжэ туршана, батална гээшэ. Галда шатажа үгы болодог алтаншье галаар туршагдадаг, зүгөөр танай һүзэг алтанһаа үлүү үнэтэй, тиимэһээл тэрэнэйтнай үнэн байһыень заабол туршаха, баталха хэрэгтэй. Тиигээд лэ таанад Иисүүс Христоосой заларан ерэхэ Үдэр магтаалда, алдар солодо, нэрэ түрэдэ хүртэхэт.

Гэршэлгэ 2:23

Тэрэ гэргэнэй үхибүүдые үхүүлхэб. Тиихэдэмни хүнэй зүрхэ сэдьхэлые, һанал бодолые сүм мэдэдэг байна, тиин хүн бүхэндэ хэһэн үйлэ хэрэгэйнь зэргээр хүртөөхэ байна гэжэ Намайе һүзэглэгшэдэй бүхы бүлгэмүүд ойлгохо.