Һургаал 14:9 - Библи

⁹ Тэнэг мунхагууд гэмээ наманшалһан үргэл хэхэдэ, наада баридаг, үнэн сэдьхэлтэй хүнүүдтэ Эзэн талархалаа мэдүүлдэг.

Һургаал 14:9 Referencias Cruzadas

Иоов 15:16

Харин хүн гэжэ бузар амитанда найдалтай гү? Булагай уһанай гараһантай адли хүнэй гэм буруу таһархагүй.

Һургаал 1:22

«Гэнэн мунхаг таанар, хэды болотор гэнэнээ энхэрэн хайрлахабта? Хэды болотор убайгүй зон убайгүйгөө урдаа барихаб? Хэды болотор тэнэгүүд мэдэлгэ үзэн ядахаб?

Һургаал 10:23

Муу хэрэгүүдынь мунхагта зугаа болодог, ухаатай хүн сэсэ мэргэндэ баясадаг.

Һургаал 11:20

Забхайрһан сэдьхэлтэй хүн Эзэнэй зэбүүсэл түрүүлдэг. Гэмгүй хүн Тэрэнэй талархалда хүртэдэг.

Һургаал 12:2

Һайн хүн Эзэнэй талархалда хүртэнэ. Муу һанаатай хүниие Тэрэ буруушаана.

Һургаал 13:15

Ухаатай хүниие зон хүндэлдэг. Харин этигэл найдабари эбдэгшын зам хүндэ.

Һургаал 3:34

Шог шашаг зониие Эзэн наада баридаг, номгон хүндэ Тэрэ нигүүлсэлээ үгэдэг.

Һургаал 3:4

Тиин Бурханай болон хүнүүдэй нюдэндэ талархал ба хүндэтхэл олохош.

Һургаал 30:20

Эрэеэ мэхэлдэг һадар эмын замынь эли: тэрэ эдижэ, амаа аршаад, «Би буруу юумэ хээгүйб» гэжэ хэлэхэ.

Һургаал 8:35

Намайе ологшо хүн амидарал оложо, Эзэнэй талархалда хүртэхэ.

Левит 5:7

Хэрбээ хони асарха шадалгүй байгаа һаа, нүгэлэйнгөө түлөө хоёр эмэ гү, али хоёр эрэ тагтаа шубуу асараг: нэгыень – нүгэл сагааруулгын үргэл гээд, нүгөөдынь – түгэс шатаалта үргэлдэ.

Иудын хандалга 1:18

Һүүлэй үедэ харатай хүсэлэнгүүдээ хангадаг, таанадые наада баридаг хүнүүд бии болохо гэжэ тэдэнэр таанадта хэлэдэг һэн.