12 Хүндэ зүб шэнги һанагдадаг замынь үхэл руу хүтэлдэг байха.
Нэгэтэ тэрэ «энэ арад зон Иерусалим руу Эзэнэй Һүмэдэ тахил үргэхэеэ ябажа байхадаа Иудын хаан Рэхобаамда татагасан эрьехэеэ магад. Тиигэбэл, тэдэ намайе алаад, Рэхобаамай хааншалга мэдэрхэл» гэжэ һанажа эхилбэ.
Зүбшэһэнэй удаа хаан хоёр алтан тугал бүтээбэ. Тиигээд тэрэ улад зондо иигэжэ хэлэбэ: – Иерусалим руу бэшэ ябаһанай хэрэггүй. Израилиин улад зон, таанадые Египедһээ гаргаһан бурхадтнай гэбэл, эдэ мүн!
Тэнэгэй зам өөрынь нюдэндэ зүб харагдадаг. Сэсэн хүн заабари шагнадаг.
Хүндэ зүб мэтэ һанагдаха түгэсхэлынь үхэл руу хүтэлдэг зам байдаг.
Өөрын нюдэндэ сэбэр хэмээхэ, үнэндөө хирэ богто баригдашаһан хүнүүд баһа байха.
– Бурханай хаан түрэдэ орохо хаалга уйтахан. Тэрээгээр орохоор зүдхэгты. Олохон хүн орохо гэжэ оролдоошье һаа, орожо шадахагүй.
Урдань үйлэдэдэг хэрэгүүдһээ таанад юу оложо абабат? Мүнөө тэдэ хэрэгүүдһээ эшэжэ улайхаһаа бэшэ ондоо юумэн үгы, тэдэтнай таанадые үхэлдэ хүтэлжэ байгаа.
Хэрбээ хэн нэгэн оройдоо хэншье бэшэ аад, бэеэ дээгүүр абабал, тэрэ хүн өөрыгөө дэмы мэхэлнэ.
Хооһон үгэтэй хүнэй мэхэ гоходо бү орогты, ушарынь гэхэдэ, Бурхан тиимэ юумэнүүдэй түлөө үгыень дууладаггүй хүнүүд дээрэ уур сухалаа буулгаха.
Тэрэ мэдээсэлые гансал шагнан, өөһэдыгөө мэхэлнэгүй, ажамидаралдаа хэрэгжүүлжэ байгаарайгты.
