8 Хүн ухаан бэлигээрээ хүндэлүүлдэг, харин тэнэгые зон тоодоггүй.
Һүүлээрнь тэрэ Иосифто хандаба: – Энэ бүгэдые Бурхан шамда нээжэ үгэһэн хадань шамһаа ухаансар, урдахияа мэдэхэ хүн олдохогүй.
Харюудань таанарай гай тодхорто баярлахам гээшэ; дээрэтнай бууһан аймшаг зоболон харан эльгэ хатахаб.
Хара һанаата һүйдхэлдэ ороходоо, һүнэн ошодог, харин үнэн шударга хүнэй гэр бүтэн үлэдэг.
Эдихэ эдеэгүй аад, үзүүр угтайб гэгшэһээ нэрэгүй аад, зарасань дээрэ.
Үнэн шударга хүнүүд хуулигүй нүгэлтэһөө зэбүүсэдэг. Сэхэ замаар ябагшадһаа нүгэлтэн зэбүүсэдэг.
Сэсэн мэргэн хүнүүд алдар солодо хүртэдэг, тэнэгүүд муу суутай болодог.
Һургаал заабари дутаһанһаа боложо тэрэ үхэхэ, өөрын мунхагһаа замаа төөрихэ.
Юумэнэй удха тайлажа мэдэдэг мэргэн ухаатантай хэниие жэшэхэб? Мэргэн ухааниинь хүнэй нюур гэрэлтүүлжэ, барагар дүрыень зөөлэрүүлнэ.
Буруу зүбшэл үгэхыень Эзэн тэдэниие баадхаба. Тиихэдэнь тэдэ Египедые бүхы юумэ буруу хүүлэнэ. Египет хадаа һогтуу хүнэй бөөлжэһэндөө худхалдан найгалзадагтал гуйбана.
Газарай шорой соо унтажа байгааша зоной олонхинь тиихэдэ нойрһоо һэрихэл: заримань хэтэ мүнхэ ами наһатай болохо, нүгөөшүүл хэтэ мүнхэдөө нэрээ хухарха, хүндэгүй болохо.
Һүүлэй һүүлдэ эзэниинь һэшхэлгүй эрхилэгшэеэ арга мэхэтэй ябадал гаргабаш гэжэ магтаба. Юундэб гэхэдэ, энэ оршолонгой зон гэрэл туяагай зондо орходоо арга хурга ехэтэй байдаг бшуу.
Бурханай алдар соло дуудангүй байһанайнь түлөө Эзэнэй Эльгээмэл Иродые гэнтын үбшэнгөөр дайража, Ирод хаан үтэ хорхойдо барюулан үхэбэ.
Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.
Өөрыгөө магтаһан хүн бэшэ, харин Эзэнэй магтаалда хүртэһэн лэ хүн үнэхөөрөө һайшаагдана.
Самуил Саулда: – Ши бодолгүй юумэ үйлэдэбэш. Эзэн Бурханайнгаа шамда захиһан захяа заабариие дүүргээгүйш. Тиигээгүй һаашни, Эзэн одоо Израильда шинии хааншалал хэтэ мүнхэдөө бэхижүүлхэ бэлэйл.
Нэгэ зарасань: – Харагты, би Бэтлэһээмэй Ишай гэгшын хүбүүе хараа һэм. Тэрэ наадажа шададаг, зоригтой, дайшалхы хүн, үгэдөө ухаалиг, һайхан түһөөтэй. Эзэншье тэрээнтэй хамта байна, – гэбэ.
Пилиштүүдэй ноёдой дайлалдахаар ерэхэдэ, Давид Саулай бүхы сэрэгэй түшэмэлнүүдһээ үлүү амжалтануудые туйлан, тэрэнэй нэрэнь улам ехээр алдаршаба.
Шинии гэр бүлэ болон үри һадаһаншни Минии урда хэтэ мүнхэдөө санаартад ябаха гэжэ Би, Израилиин Эзэн Бурхан, найдуулаа бэлэйб. Теэд мүнөө иимэ юумэн дүүрээ гэжэ айладханаб! Юуб гэхэдэ, Намайе хүндэлдэг зониие Би үргэхэб, Намайе баһадаг зондо хараал хүртөөхэб!
Тиимэһээ одоо та юу хэхэеэ бодожо хаража мэдэгты. Юуб гэхэдэ, манай эзэниие болон бүхы гэр бүлыень гай зоболонгой дайрахань дамжаггүй. Эзэн болбол өөдэгүй зантай һэн тула хэншье тэрээнтэй хөөрэлдэжэ шадахагүй, – гэбэ.
