Һургаал 11:11 - Библи

¹¹ Үнэн шударга хүнэй үреэлөөр хото суурхадаг, нүгэлтэнэй хэлэһэниинь хотые доройтуулжа болодог.

Һургаал 11:11 Referencias Cruzadas

Эхин 45:8

Таанад бэшэ, Бурхан намайе наашань асараа болоно. Тэрээнһээ гадна намайе Египедэй эзэн хаанай эгээл дээдэ тушаалтан, ордонһоонь эхилээд, Египет орониие бүхыдэнь захирдаг хүн Тэрэл болгоо бшуу.

2 Хаан түрэнүүд 20:1

Бэньямиин хүн Бихрии гэгшын бирагүй, үймөө үүдхэдэг абари зантай Шэбаа хүбүүн тэндэ байлсаа. Тэрэ зониие суглуулхаяа эбэр бүреэгээр үлеэжэ, иигэжэ хэлэжэ байба: – Давидтай хамта бү байя! Тэрээнэй хойноһоо бү ябая! Израилиин улад зон, гэр гэртээ тарая!

Иоов 22:30

Тэрээнһээ байтагай гэмтэй хүнэй зүгһөө шинии зууршалбал, Тэрэ шамайе һанан шиидхэлһээ тэрэниие сүлөөлхэ.

Һургаал 11:10

Үнэн хүнэй дэбжэлтэдэ хотын зон булта баясана, хорон һанаатын мүхэхэ сагта баяр хүүр баһал болодог.

Һургаал 11:12

Ухаа муутай хүн хүршэдөө үзэн ядаһанаа мэдүүлдэг, мэргэн хүн дуугай байдаг.

Һургаал 14:34

Үнэн шударга ябадал арад түмэниие алдаршуулна, харин нүгэл хилэн нэрыень гутаана.

Һургаал 28:2

Улас орондо һамуурал үймөөнэй болоходо удамаршад олон. Харин ухаалиг, мэдэлгэ ехэтэй хүнэй ударидал доро орон нютаг бүтэн үлэдэг.

Һургаал 29:8

Убайгүй һамуун хүнүүд хотодо үймөө үүсхэдэг. Харин сэсэшүүл уур хилэн номгоруулдаг.

Экклезиаст 9:15

Тэрэ хотодо нэгэ хүн олдожо, сэсэн бодолоор хотые абарба, гэбэшье үгытэй һэн хойнонь хэншье хожомынь тэрэниие дурдадаггүй.

Яковай хандалга 3:6

Хэлэн гал дүлэнтэй адли, бэеын ондоо бүхы эрхэтэнүүдые бузарладаг нүгэлтэ хүсэн юм, тиигээд хүнэй бүхы амидаралые тамын оёорһоо дүүежэ байһан гал дүлөөр шатаадаг.