22 Эзэнэй үреэл баян болгодог, тэрээнтэй гашуудал мэдэхэгүйш.
Би шамһаа үнэр үдхэн агууехэ арадые бии болгохоб, үреэхэб, шамайе нэрэ хүндэтэй хүн болгохоб, шамаар дамжан хожомой сагта олон зондо баяр баясхалан дахин ушарха.
Мүнөө Абрам айхабтар баян болоод ябаа: адуу малааршье, алтааршье, сагаа мүнгөөршье.
Минии эзэниие Эзэнэй үреэһэн ушарһаа тэрэ угаа баян хүн боложо, һүрэг олон малтай, алта мүнгөөр элбэг, эрэ, эхэнэр зарасанараар олон, тэмээнүүдтэй, элжэгэнүүдтэй болоо.
Энэ газар орондо нютаглаад, Исаак таряа таридаг һэн. Эзэн үреэжэ, урда жэлнүүдтэ орходоо зуу дахин баян ургаса нэгэ жэл тэрэ хуряаба.
Иигэжэ Исаак бүри улам баяжажа, энэ нютагта эгээл баян хүн болобо.
Тэрээндэ иигэжэ хэлээрэй: «Ши алаад, угайнь зөөриие эзэмдэхэ гэжэ байна гүш? Набоодой шуһые нохойнуудай долёожо байһан тэрэ газарта нохойнууд шинии шуһа долёохо», – гэжэ Эзэн айладана.
Ябээц Израилиин Бурханиие дуудан, иигэжэ хэлэбэ: – Та намайе Өөрынгөө юрөөлөөр юрөөжэ, газар дайдыем үргэдхыт! Та намайе дүнгэжэ, гай гасалан мэдэнгүй байхымни тула гай тодхорһоо аршалан байгыт! Бурхан тэрэнэй гуйгшые үршөөгөө бэлэй.
– Израилиин сэрэгтэ үгэһэн зуун талаант мүнгэеэ яаха болонобиб? – гэжэ Амацияа лүндэншэһөө асууба. – Энээнһээ ехэ мүнгэ Эзэн танда үршөөхэл, – гэбэ тэрэнь.
Хэзэкияа угаа баян, нэрэ хүндэтэй болоо. Алта мүнгэ, үнэтэ шулуу, анхилма һайхан гүгэл, бамбай, бүхы үнэтэ амһарта нөөсэлхэ амбаар тэрэ барюулба.
Хотонуудыешье тэрэ барюулаа. Бурхан тэрээндэ угаа ехэ зөөри үршөөжэ, жэжэ болон эбэртэ бодо мал тэрээндэ угаа олон байгаа бэлэй.
Өөрын ургуулагша үрэ жэмэс эдихэдээ жаргалтай байхаш, һайн һайхан амидархаш.
Эзэн Бурхамни, намайе бү орхиит, намһаа бү холодыт!
Сэсэн хүнүүдэй титимынь тэдэнэй баялиг болоно. Мунхагай тэнэглэл тэнэгээрээл дүүрэдэг.
Эхиндээ бэлэн олдоһон угай зөөри буян хэшэгтэй байхагүй.
Хомхой хобдог хүн зөөри баялиг намна намнаһаар, тэрэнэй хойноһоо ядаралай ерэхые анхаржа ойлгодоггүй.
Энэ хадаа намайе хайрлагшадта баялиг үгэхын, эрдэниин сангыень дүүргэхын тулада юм.
Арбан үдэрэй үнгэрһэнэй удаа Даниил, мүн гурбан нүхэдынь хаанай эдеэ хоол баригша хүбүүдтэ орходоо һураггүй шиираг, сэбэр гээд тодорбо.
Түмэн Сэрэгтэ Эзэн иигэжэ айладаа: Би тэрэниие хулгайшанай гэртэ ба Минии нэрээр хуурмаг тангариглагшын гэртэ ябуулааб. Тэндэ нэбтэрэн орожо өөрыень һүнөөхэ, модо шулууеньшье усадхаха.
Мүнөө Эзэндэ үршөөһэн газарайнь ургасын дээжэ асарааб». Эдэ бүгэдые Эзэн Бурханайнгаа урда табижа, Тэрээндэ һүгэдэн мүргэ.
Шамда «үгэхэб» гэжэ найдуулһан, үбгэ эсэгэнэртэтнай тангариглаһан газар дайдада Эзэн үхи хүүгэдые таанадта олоор үршөөхэ, хони малыетнай олоор түлжүүлхэ, һайн ургаса бэлэглэхэ.
Бүхы мүнгэ ба алтан, зэд ба түмэр амһартанууд Эзэнэй нангин зөөри боложо, Эзэнэй нөөсэ жасада орохо.
