Һургаал 10:21 - Библи

²¹ Үнэн шударга хүнэй үгэ олон хүниие хамгаалдаг, мунхагууд ухаанай дутууһаа үхэдэг.

Һургаал 10:21 Referencias Cruzadas

Иоов 23:12

Хэлэһэн үгэдэнь зааханшье зүреэгүйб, үгэһэн заабариһаань нэгэхэншье хадуураагүйб.

Һургаал 1:29

Тэдэнэр мэдэлгэ үзэн ядажа, Эзэнһээ бэшэрхэ гэжэ байгаагүй.

Һургаал 1:31

Тиин тэдэ өөрын үйлэһөө хэһээлтэ амсаха болоно.

Һургаал 1:32

Гэнэн мунхагууд өөрын үсэдһөө хосорхо табилантай. Тэнэгүүдэй алмайрал тэдэниие һүнөөхэ.

Һургаал 10:11

Үнэн шударга хүнэй аман амидаралай унда олохо. Хуулигүй зоной амандань хүсэрхэл нюугдадаг.

Һургаал 12:18

Бодолгүй яридаг хүн эритэ мэсээр дайраһандал, сэсэнэй үгэ эмтэй адли.

Һургаал 15:4

Һайн үгэ амидаралай модондо адли. Хуурмаг үгэ һүнэһэ заяа һандаргадаг.

Һургаал 15:7

Сэсэн хүнэй уралһаа мэдэлгэ дэлгэрдэг. Харин тэнэгүүдэй сэдьхэл тиимэ бэшэ.

Һургаал 17:16

Сэсэн мэргэниие худалдан абаха хүсэлгүй һаа, мунхагай гар дээрэ мүнгэн байгаад яагшаб.

Һургаал 5:12

Тиихэдээ хэлэхэш: «Юундэшье һургаал заабари тоодоггүй, зэмэлхэдэ үсэрдэг байгаа гээшэбиб.

Һургаал 5:2

Бодомжотой даруугаар хамаг юумэ ажаглажа, аманһаашни сэсэн үгэнүүд гарахын тулада юм.

Һургаал 5:23

Һургаал заабари дутаһанһаа боложо тэрэ үхэхэ, өөрын мунхагһаа замаа төөрихэ.

Һургаал 6:32

Харин эхэнэртэй забхайрһан хүн одоол тэнэг гээшэ, тэнэгээрээ тархяа эдинэ ха юм.

Экклезиаст 12:11

Мэргэдэй үгэ зүүндэ ба хадаһан хадааһанда адли хаха шуу ородог, тэдэниие бэшэгшэдынь нэгэл Адуулагшаһаа гаранхай.

Исай 5:13

Тиимэһээ ойлгодоггүй хадаа арадни баряанда туугдан ошохо. Удамаршадынь туража үхэхэ, хара зониинь ангажа хосорхо.

Ерэмияа 15:16

Танай үгөөр үл хоол хэжэ байгааб, үгэ бүхэнтнай намда баяр асардаг, зүрхэ сэдьхэлыем сэнгүүлдэг юм. Би дууһан Танайб, Түмэн Сэрэгтэ Эзэн Бурхан!

Ерэмияа 3:15

Тиигээд Намда үнэн сэхэ удамаршадые таанадта үгэхэб. Тэдэ таанарые ойлгон, ухаатай сэсэнээр хүтэлбэрилхэ.

Һошээ 4:6

Намайе мэдэрхэеэ татагалзаа хадаа арад түмэмни усадхагдаха. Таанад, санаартад, Намайе мэдэрхэеэ арсажа, һургаалым мартан хэрэгсээгээгүй бэлэйт. Тиимэһээ Би таанадые хэрэгсээхэгүйб, хүбүүдыеш санаартадни гэжэ тоохогүйб, мартахаб.

Матвей 12:35

Һайн хүн үнэтэ баялиг сооһоо һайнииень гаргадаг, харин хара һанаатай хүн харата дорой суглуулбариһаа мууень гаргадаг.

Матвей 13:19

Бурханай хаан түрэ тухай мэдээсэл шагнаад, юумэ ойлгоогүй хүнүүд – харгын хажууда сасагдаһан үрэһэндэ адли юм. Тэдээндэ шолмос ерээд, сэдьхэл зүрхэндэнь таригдаһые абаад арилдаг.

Римэйхиндэ 1:28

Тэдэ зоной Бурхан тухай бодожо байхаяа арсаһан хадань тэдэнэй тэнэг хооһон ухаан бодолойнгоо хүсэлэнгөөр ябахадань Бурхан һаалта хээгүй. Тиимэһээл тэдэ зон хэхэ ёһогүй юумэнүүдые хэнэ.

Пётрой 1-дэхи хандалга 5:2

Таанадта даалгагдаһан Бурханай һүрэгые адуулжа байгты. Баалалтаар хэжэ байһан мэтэ бэшэ, харин сэдьхэлээрээ энэ хэрэгые бүтээжэ байгты. Олзо олохо зорилготойгоор бэшэ, харин оролдосотойгоор алба хэжэ байгты.