12 Үзэн ядалга арсалдаа түрүүлдэг, дуран нүгэл хилэнсые дабадаг.
Түргэн сухалтай хүн хэрүүл үүсхэдэг, тэсэбэритэй хүн хёморол намдуу болгодог.
Яндан золиг муу юумэ сэдьхэдэг, тэрэнэй үгэ шатаадаг гал мэтэ.
Гомдохооһон хүниие хүлисэхэдөө нүхэртэй болохош. Харин гомдол тухай дахин һануулбал, анда нүхэрөө алдажа болохош.
Бардам хүн хэрэлдээ үүсхэдэг, харин Эзэндэ этигэдэг хүн хүгжэн дэбжэдэг.
Ууртай хүн хэрэлдээ үүдхэнэ, түргэн сухалтай хүн гэм нүгэлдэ абтана.
Һүнһөө сүсэгы, удаань тоһон гарадаг, хамар сохиходо, шуһан гоожодог. Тэрээн шэнги уурта абтаха ябадал хёморол үүдхэдэг.
Юундэ таанад бэе бэедээ үһөөрхэлдэнэ, хоорондоо арсалданабта? Тэдэтнай танай бэеые мэдэлдээ абахын тула оролдодог хүсэлэнгүүдһээ болоно бэшэ гү?
нүгэлтэниие буруу харгыһаань холодуулһан хүн тэрэниие үхэлһөө аршалжа, тэрэнэй олон нүгэлынь хүлисүүлбэ гэжэ мэдэг.
Нэн түрүүн үнэн зүрхэнһөө бэе бэедээ дуратай байгты, юундэб гэхэдэ, дуран олон нүгэлнүүдые хүлисэн арилгадаг.
