Һургаал 1:5 - Библи

⁵ Сэсэн мэргэн хүн шагнажа, мэдэлгэеэ арьбажуулха, ухаатайшье зон зүбшэл заабари тэрээнһээ олохо.

Һургаал 1:5 Referencias Cruzadas

2 Угай бэшэг 25:16

– Минии зүбшэгшөөр шамайе табяагүйб. Хүрөө, боли! Үгы һаа, усадхагдахаш, – гэжэ хаан харюу үгэбэ. Лүндэншэ аниргүй болобо, гэбэшье иигэжэ хэлээ бэлэй: – Нүгэл хээт, мүн минии зүбшэл дууланагүйт. Бурхан таниие хюдахал гэжэ шиидэнхэй.

Иоов 34:10

Сэсэн мэргэн таанар, шагнагты! Бурхан буруу, Түгэс Хүсэтэ шударга бэшэ хэрэг үйлэдэхэ гэжэ байгаагүй.

Иоов 34:16

Иоов, та өөрыгөө сэсэн мэргэн гэжэ тоолодог хадаа намайе шагнагты.

Иоов 34:2

– Сэсэн мэргэн таанар, намайе шагнагты.

Иоов 34:34

Минии үгэ шагнаһан ухаатай зон «Иоов гээшэ юумэ мэдэхэгүй хүн байна» гэжэ хэлэхэдээ болохо байна.

Һургаал 12:1

Һургаалаар байха дуратай хүн мэдэлгэ абаха гэжэ оролдодог. Харин зэмэлэл үзэн ядадаг хүн хадаа мунхаг болоно.

Һургаал 14:6

Сабаагүй ябадалтай хүн сэсэ мэргэниие бэдэрбэшье олохогүй. Ухаатай хүндэ мэдэлгэ бэлээр олдодог.

Һургаал 18:15

Бэрхэ хүн мэдэлгэ эзэмшэдэг. Сэсэн ухаатын шэхэн мэдэлгэ бэдэржэ шагнадаг.

Һургаал 19:25

Убайгүй баһамжалагшые хэһээбэл, гэнэн нэгэн ухаа орохо. Ухаатайе зэмэлбэл, тэрэ һургаал абадаг.

Һургаал 21:11

Убайгүй баһамжалагшын хэһээгдэхэдэ, гэнэн нэгэн ухаа ородог. Сэсэн бодолтойе һургахада, тэрэ мэдэлгэ абадаг.

Һургаал 8:33

Һургаалыем шагнажа, мэргэн ухаатай бологты, тэрэниие тоонгүй бү байгты.

Һургаал 9:8

Һэнгэргүй хүниие бү зэмэлэ, тэрэш шамайе үзэн ядаха. Харин сэсэн хүн зэмэлэлгые үнэтэйдэ тоолохо.

Һургаал 9:9

Мэргэн хүндэ заабари үгэхэдэш, бүришье мэргэн болохо. Шударга үнэн хүниие һургахадаш, тэрэ мэдэлгэеэ арьбажуулна.

Экклезиаст 9:11

Нарата дэлхэйдэ хараһан зүйл соо хурданиинь урилдаанда шалгардаг бэшэ, эрэлхэгтэ илалта ерэдэггүй, мэргэн сэсэндэ олоһон хилээмэниинь хүртэхэгүй, ухаатайда зөөри баялиг байхагүй, уран дүйтэйдэ шадабари үгтэдэггүй, бүхы хүнүүд эрэ бэрхэдээ бэшэ, аза талаангайл тудахада юумэн хуу ушарха сагтаа болодог.

Коринфынхидтэ 1-дэхи 10:15

Би таанадые бодомжолхо аргатай хүнүүд гэжэ тоолон хэлэнэб, тиимэһээ хэлэһэн юумэнүүд тухаймни өөһэдөө бодооройгты.

Хуули дабталга 4:6

Тэдэниие жэншэдгүй сахин бэелүүлэн байгты, өөрынгөө сэсэн ухаатайе ондоо арадуудта иигэжэ гэршэлхэт. Юуб гэхэдэ, эдэ бүхы хуули ёһо тухай дуулаһан арадууд «Энэ агууехэ арад ямар сэсэн мэргэн ухаатай гээшэб!» гээд хэлэхэл.