Һошээ 9:8 - Библи

⁸ Бурханай лүндэншэн Эпрааимые харууһалхаяа оролдоо, теэд Эпрааимай бүхы замда урьха табигданхай, тиин Эпрааимай Бурханай нангин үргөө соо зэбүүрхэл эсэргүүсэл оршоно.

Һошээ 9:8 Referencias Cruzadas

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

3 Хаан түрэнүүд 18:1

Олон сагай үнгэрһэнэй удаа, ган гасуурай гурбадахи жэлдэ Эзэн Элияада иигэжэ айладаба: – Ошожо, Ахаабтай уулза. Би энэ нютаг руу бороо оруулхаб.

3 Хаан түрэнүүд 18:19

Мүнөө хадаа Израилиин бүхы улад зониие Кармээл хада дээрэ суглуула. Баалай дүрбэн зуун табин лүндэншые ба Изээбэлэй шэрээгэй саана эдеэ хоол баридаг, Ашэраа бурханай дүрбэн зуун лүндэншые тиишэнь асара.

3 Хаан түрэнүүд 22:11

Хэнаанаагай хүбүүн Цэдэкиия өөртөө түмэр эбэрнүүдые хэжэ, иигэжэ соносхобо: – Эзэн мүн айладхана: Араамай улад зониие иимэ эбэрнүүдээр мүргэжэ, дууһан хюдахаш.

3 Хаан түрэнүүд 22:22

Тэрэ «би ошожо, тэрэнэй бүхы лүндэншэдые худал абарал буулгадаг болгохоб» гэбэ. Эзэн «шадахаш. Ошожо, энээнээ бүтээ» гээ һэн.

3 Хаан түрэнүүд 22:28

Михай хэлэбэ: – Амиды мэндэ бусаа һааш, Эзэн намда айладаагүй гээд элирхэ. Тиигээд тэрэ иигэжэ зондо соносхобо: – Бултадаа энээниие шагнаад, хадуужа абагты!

3 Хаан түрэнүүд 22:6

Израилиин хаан дүрбэн зуугаад лүндэншые суглуулжа: – Галаадай Рамоодто добтолхомнай гү, али үгы гү? – гэжэ асууба. Тэдэ: – Добтологты, Эзэн тэрэниие танай гарта үгэжэ байна, – гээд харюусаба.

4 Хаан түрэнүүд 13:21

Нэгэтэ ямар нэгэ хүниие хүдөөлүүлжэ байһан хүнүүд моһаабуудай бүлэг сэрэгшэдые хараад, тэдээнһээ айһан һүрдэһэнһөө боложо, тэрэ хүнэйнгөө үхэһэн бэеые Элишаагай агы нүхэн хуурсагта хаяад, тэрьедэн гүйлдэшэбэ. Тиихэдэнь үхэһэн тэрэ хүнэй бэе Элишаагай араг яһануудые дайража амидыраад, хүл дээрээ бодошобо.

4 Хаан түрэнүүд 2:14

Элишаа тэрэнэй субаар уһа сохёод: – Элияагай Бурхан, Эзэн хаана гээшэб? – гэжэ асуугаад, тэрээгээрээ үшөө дахин уһа сохин шабхадаба. Уһан хоёр тээшээ хубааран эбхэржэ, тэрээндэ харгы гаргаба. Элишаа хуурай газараар мүрэн гаталба.

4 Хаан түрэнүүд 2:21

Элишаа булагай эхиндэ ошожо, урасхал руунь дабһаяа сасаад: – Эзэн иигэжэ хэлэнэ: «Би энэ уһа арюудхабаб. Энэ уһанһаа дахин хэзээдэш үхэл тахал ба үрэжэлгүйдэлгэн болохогүй!» – гэжэ хэлэбэ.

4 Хаан түрэнүүд 4:41

Элишаа иигэжэ хэлэбэ: – Намда гурил асарагты! Тэрээндэ гурил асарба. Элишаа гурил тогоотой шэнгэн эдеэн соо үбэнүүлээд: – Аягалагты, эдеэлэгты, – гэжэ хэлэбэ. Тогоон соохи шэнгэн эдеэн арюудхагдаһан байба.

4 Хаан түрэнүүд 4:43

Гэһаази зараса Элишаада хандажа: – Зуун хүндэ үгэхэдэмни, энэтнай хүрэхэгүйл! – гэжэ хэлэбэ. – Энэ эдеэ хүнүүдтэ тараа, эдиг. Эзэн иигэжэ хэлэнэ: «Тэдэнэй эдеэлжэ садахада, үшөө үлэхэ», – гэжэ Элишаа хэлэбэ.

4 Хаан түрэнүүд 5:14

Наамаан Бурханай хүнэй хэлэгшээр Иордан мүрэндэ ошожо, долоо дахин шунгаба. Тиихэдэнь тэрэнэй бэе нялха үхибүүнэй бэе мэтэ сэбэр болошобо.

4 Хаан түрэнүүд 5:27

Наамаанай элдин үбшэн шамда, шинии үри һадаһадта бүхы наһандатнай халдаг! – гэжэ хэлэбэ. Гэһаази элдин үбшэнһөө хужаруутажа, саһан мэтэ сагаан шэг шарайтай болошоод, Элишаагай гэрһээ гараба.

4 Хаан түрэнүүд 7:19

Тиихэдэнь хаанай бэе хамгаалагшадай дарга Бурханай хүндэ иигэжэ хэлээ бэлэй: «Тэнгэриин хаабариие Эзэнэй нээгээшье һаа, шинии айладаһан үгэ бэелүүлэгдэхэгүй». «Ши хоёр нюдөөрөө харахаш, зүгөөр ши тэрээнһээ ама хүрэхэгүйш» гэжэ тиихэдэ Элишаа тэрээндэ хэлээ һэн.

4 Хаан түрэнүүд 7:2

Бэеынь хамгаалагшадай дарга хааниие гарһаань дүнгөөд, үдэшэжэ ябахадаа: – Тэнгэриин хаабариие Эзэнэй нээгээшье хада, шинии айладхал бэелүүлэгдэхэгүй! – гэжэ Бурханай хүндэ хэлэбэ. – Ши хоёр нюдөөрөө харахаш, зүгөөр ши тэрээнһээ ама хүрэхэгүйш! – гэжэ Элишаа тэрээндэ хэлэбэ.

Экклезиаст 9:12

Шубуунай урьхада, загаһанай губшуурта ороһонтой адли гэнтэ муу саг бууха, муу юумэнэй болохые хүн огто мэдэхэгүй байна.

Дуунай дуун 3:3

Һүниин харуултай уулзаад, би «Сэдьхэлэйм амарагые хараа гүт?» гээб.

Исай 62:6

Иерусалим, шинии хананууд дээрэ Би харуулшадые табибаб. Тэдэ үдэр, һүнигүй зальбарал уншажа, дуугаа хуряахагүй. Тэдэ Эзэндэ найдуулганууд тушаань һануулдаг байха, хэзээдэшье дуугаа таһалдуулхагүй.

Ерэмияа 11:19

Үүсэлүүлхээр хүтэлэгдэн ябажа байһан номхон хурьган мэтэ байгаа бэлэйб. Урдаһаамни муу юумэ дайсадай зохёожо байһые мэдээгүй һэм: «Жэмэстэйнь хамта модо отолжо унагаая, тэрэниие хюдан һалгаая, тиихэдэмнай хүрьһэтэ алтан дэлхэй дээрэ улад зон тэрээн тухай мартаха», – гэжэ тэдэ хэлсэжэ байгаал.

Ерэмияа 14:13

Тиихэдэнь би: – Хүсэн Түгэлдэр Эзэн! Мэдэнэ гүт, ямаршье дайн болохогүй, үлэсхэлэн хооһон байдал үзэхэгүйт гэжэ лүндэншэд улад зондо соносхожо байна. Энэ газар нютагта саг үргэлжын амар амгалан байдалые Танай үршөөһэн тухай тэдэ хэлэнэ, – гэбэб.

Ерэмияа 23:13

Энээнһээ гадна, Самариин худал хуурмаг лүндэншэдэй галзуутан, нүгэл хэхые хараа һэм. Тэдэ Баалай нэрэһээ абарал буулгажа байгаа. Тиигээд Минии арад түмэн болохо Израилиие зүб харгыһаань хадууруулаа.

Ерэмияа 31:6

Зүб даа, Эпрааимай гүбээнүүд дээрэ харуулшадай «Бодогты, Сион өөдэ Эзэн руу, өөһэдынгөө Бурхан руу, ошоё» гээд дуудаха саг дүтэлөө.

Ерэмияа 6:14

Арадаймни хүндэ шархануудай багахан шулгархай байһан мэтэ тэдэ хайша хэрэгээр тэрэнииень эмшэлнэ. «Бүхы юумэн һайн» гээд тэдэ хэлэнэ. Теэд һайн юумэн үгы!

Ерэмияа 6:17

Би Эзэн бүреэгэйнь дохёо шагнахынтнай тула лүндэншэдые харуулшадаар таанад дээрэ табяаб. Гэбэшье таанад «Бидэ шагнахагүйбди» гээ һэнта.

Гашуудал 2:14

Лүндэншэдшни шамда дэмы юумэ, худал хэлэжэ байгаа, шинии нүгэлнүүдые буруушаагаагүй, баряанда туугдан ошохыешни болюулаагүй. Тэдэ шамда худал хуурмаг үгэнүүдые хэлэжэ, туугдан ошохо туйлдаш хүргөө.

Гашуудал 4:13

Иерусалим дотор үнэн шударга зоной шуһа урасхуулһан нүгэлтэ лүндэншэдэйнь, гэмтэ санаартадайнь үйлэ хэрэгэй түлөө энэ болоо.

Эзэкээл 3:17

– Хүнэй үри Эзэкээл! Би шамайе Израилиин арад зониие харууһалха хүн болгон табибаб. Минии һэргылэлтэнүүдые ши тэдээндэ дамжуулжа байхаш.

Эзэкээл 33:7

Хүнэй үри Эзэкээл, Израилиин арад түмэнэй харуулшанаар Би шамайе томилноб! Минии айладхал шагнаад, ши тэдэниие һэргылэн бай.

Һошээ 5:1

Санаартад, энээниие шагныта! Израилиин улад зон, соносогты! Хаанай гэр бүлэ, шэхээ табигты! Таанадые шүүн, заргада оруулхань! Ушар юуб гэхэдэ, таанад Мицпаада болон Табоорто улад зондо занга табижа байгаат.

Һошээ 9:7

Израиль, саг ерэбэ! Хэһэн хэрэгүүдэйнгээ хэмээр харюусаха сагшни ерэбэл! Ши энээнээ мэдэрхэш. «Энэ лүндэншэ тэнэг, галзуурһан энэ ухаа муутай» гэжэ ши хэлэнэш. Шинии нүгэл шэбэл угаа ехэ байһан дээрэһээ улад зоншни намайе ехэ үзэн ядана.

Һошээ 9:9

Гибаада үйлэдэһэн хэрэгтээл адляар, тэдэ забхай зальхай ябадалда сүм ороол! Бурхан тэдэнэй нүгэл тушаа һанажа, хэһээлтэ амасуулха даа.

Михей 7:4

Тэдэнэй эгээл эрхимынь болон зүб шударгань адаалхай һөөг мэтэ хэндэшье хэрэггүй. Лүндэншэдөөр дамжуулан һэргылһэн тэрэ үдэр – Эзэнэй заларан, арад зониие хэһээхэ үдэр болохонь. Тиимэһээ мүнөө тэдэ зон хүл алдан үймэжэ байна.

Иоанн 15:24

Хэрбээ ондоо хүнэй урда хээгүй гайхамшаг хэрэгүүдые тэдэндэ харуулаагүй һаамни, тэдэ зэмэгүй байха һэн. Теэд мүнөө тэдэнэр гайхамшаг хэрэгүүдыемни өөһэдөө хараһан, үзэһэн аад, Намдашье, Минии Эсэгэдэшье зэбүүрхэн дурагүйтэдэг болоо.

Римэйхиндэ 3:7

«Хэрбээ манай буруу ябадал Бурханай үнэн сэхэ байһые харуулан, Тэрээндэ агууехэ алдар соло олгожо байбалнь, юундэ Бурхан мүнөө болотор маанадые нүгэлтэн гэжэ нэрлэнэб»,

Еврейнүүдтэ 13:17

Өөһэдынгөө хүтэлэгшэдэй мэдэлдэ байгты, захиралтануудыень дүүргэжэ байгты. Тэдэнэр һүүлдэнь алба хэһэн тухайгаа Бурханай урда тоосоо хэхэ ёһотой ушарһаа танай һүнэһэ һүлдэдэ үргэлжэ һанаагаа табидаг. Хэрбээ таанадай хүтэлэгшэдэйнгөө үгөөр байбалтнай, тэдэнэр баяртайгаар ажалаа хэхэ, үгы болбол, тэдэнэр гунигтайгаар үүргэеэ дүүргэжэ байха, тиимэ ажалынь таанадта ашаг туһагүйл.