Һошээ 9:6 - Библи

⁶ Аюул боложо, арад зоной тэрьедэн гүйхэдэ, Египедэй зон тэдэниие суглуулаад, Мээмпис хүдөөлүүлхэ! Үнэтэ мүнгэн хэрэгсэлнүүдынь болон гэрнүүдынь адаалхай һөөгүүдээр дүүрэн ургашанхай, хаясаанай болоод байха.

Һошээ 9:6 Referencias Cruzadas

4 Хаан түрэнүүд 13:7

Ёахаазай сэрэгүүд үгы хэгдэбэ: оройдоол табин морито сэрэгшэд, арбан дайшалхы тэргэ, арба мянган ябаган сэрэгшэд үлэбэ. Араамай хаан израильшуудые үй бута сохижо, харгын тооһон мэтээр тэдэниие дэбһэжэ байба.

Һургаал 24:31

Бүхы талмайнь бог үбһэндэ дарагданхай, хаа хаанагүй үүргэнэ ургашанхай, шулуун хашаань унанхай байба.

Исай 11:11

Тэрэ үдэр Эзэн хоёрдохёо гараа һунгажа, Өөрын арад түмэнэй үлдөөсые бусааха, Ассириһээ, Египедһээ, Патроосһоо, Күүшһээ, Элаамһаа, Шинаарһаа, Хамаадһаа болон далайн аралнуудһаа асарха.

Исай 19:13

Цооһанай ударидагшад ухаагүй болоо, Ноодой ударидагшад өөһэдыгөө мэхэлнэ! Обогуудайнь түшэг зон Египедые буруу замда оруулба.

Исай 27:12

Тэрэ үдэр Эзэн таряа сохин орооһо илгаһандал, Евфрадһаа Египедэй хилэнүүд хүрэтэр таанадые, Израилиин арад түмэниие, нэгэ нэгээр суглуулха.

Исай 32:13

Минии арад түмэнэй газар нютагта үүргэнэ ба халаахай ургаха. Зугаа наадаар дүүрэн хото, баяр жаргалтай зонтой эдэ гэрнүүд һалан һандархал, тэдээн тушаа гашуудан уйлыта!

Исай 34:13

Ордонгуудаарнь, бүхэлэгдэһэн хотонуудаарнь үүргэнэ, халаахай ургажа, сүүбэн шонын, шара шубуудай байра тэрэ болохо.

Исай 5:6

Тэрэниие эзэгүйрүүлэн хаяхаб, мүшэр заһагдан отологдохогүй, газарынь һэндэгдэхэгүй. Тиихэдэм тэрэ хадхууртай үрмэдүүлдэ баригдаха. Тэрээн дээрэ бороо бү оруула гэжэ Би үүлэдтэ захирхаб.

Исай 7:23

Нэгэ эшэнь мянган мүнгэн шээкэл үнэ сэнтэй, дүн хамта мянган эшэ үзэмэй жэмэс ургадаг байһан энэ талмай тэрэ сагта халаахайгаар, үүргэнын эшээр урган дүүрэшэхэ.

Ерэмияа 2:16

Мүн Ноот болон Тахпанхээсэй зон нэрыень хухалжа дэбһээ.

Ерэмияа 42:22

Тиимэл хадаа мэдэжэ байгты: ошохоёо һанаһан газартаа дайн дажарһаа, туража, үбшэлжэ таанад үхэхэт.

Ерэмияа 44:1

Египедэй орон нютагта, Мигдоол, Тахпанхээс, Ноот болон Патроос хотонуудта ажаһуудаг иудей зон тушаа Эзэн намтай хөөрэлдөө бэлэй.

Ерэмияа 44:12

Египедэй орон нютаг руу ошожо ажаһуухаяа һанааша Иудын хан түрын үлэһэн зон Египедэй газар дайдада хосорхо: бага, ехэшье зон дайн дажарта туража үхэхэ. Үзэмжэгүй муухай тэдэ болохо, зон тэдэниие баһаха, нэрыень хараал мэтээр дурдадаг болохо.

Ерэмияа 44:13

Египедтэ ажаһуугшадые Иерусалимые хэһээһэндэл, дайн дажараар, үлэсхэлэн хооһон байдалаар, үбшэ хабшанаар дайрахаб.

Ерэмияа 46:14

Египедэй хотонууд соо энээн тухай соносхогты – Мигдоол, Ноот, Тахпанхээстэ, бэеэ аршалхаяа зэһэгты, бүхы юумэншни һалгаагдахал.

Ерэмияа 46:19

Баряанда туугдан ошохоёо бэлдэгты, Египедэй улад зон. Ноот зэлүүд хооһон болохо, хэншье тэндэ амидархагүй.

Эзэкээл 30:13

Эзэн Бурхан Египедэй зондо иигэжэ айладхана: – Ноодто байгша онгонуудые болон хүрэгүүдые үгы хэхэб. Египедые хүтэлбэрилэн зонхилхо хүн танай дунда бэшэ олдохогүй. Ииигэжэ таанад бултадаа угаа ехээр һүрдэн айхат.

Эзэкээл 30:16

Египедые галдахаб, Сиин амяа табин шэшэрэн байха, Тэбээс хото һандарха, Ноодой зон дайсадһаа хододоо айжа байха.

Һошээ 10:8

Израилиин нүгэл – зоной хариин бурхадта мүргэдэг Авээнэй обоонууд үгы хэгдэхэ. Тэндэхи үргэлэй шэрээнүүд дээрэ адаалхай һөөгүүд ургажа эхилхэ, тэдэ шэрээнүүд «Маанадые хушыт» гэжэ хада улануудта, «маанад дээрэ уныт» гэжэ гүбээнүүдтэ хандаха.

Һошээ 11:11

Тэдэ шубуудтал адли хөөрсэгэнэн-шэшэрэн, Египедһээ, тагтаануудтал Ассириин газарһаа бусаха. Тиихэдэнь Би тэдэниие гэр руунь оруулан һуурижуулхаб. Энэ болбол Би, Эзэн, айладхана мүн!

Һошээ 2:6

Тиимэһээнь Би харгыдань адаалхай һөөгүүдые байгуулжа, түбэд ушаруулхаб, зүргэ замаа олохогүйн, гарахагүйн тула хорёо хашаа бодхоохоб.

Һошээ 7:11

Израиль тэнэг гулабхаадал иишэ-тиишээ ниидэжэ, Египет болон Ассириин хоорондуур һэнжэлзэжэ байна.

Һошээ 7:13

Намһаа холодоһондоо тэдэ гай зоболон амасаха, Намһаа буруу хараһандаа тэдэ хосорхо! Минии тэдэниие абаржа байхада тэдэ Нам тушаа худал хэлэжэ байгаа.

Һошээ 7:16

Тэдэ Намһаа бүри холодоо. Гажанхай һурша номдол ямаршье аша туһагүй тэдэ болоо. Дээрэлхүү үгэнүүдые хэлэһэндээ удамаршадынь һэлмээр сабшагдан хосорхо. Тиихэдэнь Египедэй зон тэдэниие наадалан энеэлдэхэ.

Һошээ 8:13

Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Һошээ 9:3

Эзэнэй үршөөһэн газарһаа тэдэ гаран ошохо баатай болохо, Эпрааим һөөргөө Египет руу бусаха, Ассиридэ сээртэй хоол эдин байха.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Цэпаанияа 1:11

Хотын доодо шатада ажаһуугааша зон, шангаар бархирыта! Юуб гэбэл, аралжаа наймаа эрхилэгшэд, мүнгэ хэмжээшэд бултадаа хюдагдаха!

1 Хаан түрэнүүд 13:6

Израилиин улад зон хашуулһанаа мэдэжэ, аюулай ушарһые хараад, агы нүхэнүүдтэ, хадын хабшалаар, хабсагайн дундуур, газар дорохи нүхэн, худагуудаар хоргодобо.