Һошээ 9:4 - Библи

⁴ Хариин газарта тэдэ Эзэндэ архяар үргэл хэдэггүй, бусадшье тахил үргэдэггүй байха. Эдеэ хоолынь ямбада эдиһэн хоолдол, эдиһэн лэ хүниие хорлохо. Хилээмэнь гансал үл залгахын тула, Эзэнэй нангин үргөө руу хэзээдэшье оруулагдахагүй.

Һошээ 9:4 Referencias Cruzadas

Египедһээ гаралга 29:40

Дүрбэнэй нэгэ хуби гиинэ оливын тоһонтой эфаагай арбанай нэгэ хуби шэниисын гурил худхаһан эрхим шанартай талха нэгэ хурьгантайнь сугтаа үргөөрэй, мүн дүрбэнэй нэгэ хуби гиинэ үзэмэй дараһан архи үргэхэш.

Египедһээ гаралга 40:23

тэрээн дээрэ Эзэнэй үмэнэ байха хилээмэ табиба. Эзэнэй өөртэнь зааһаар лэ бүтээбэ.

Исай 57:6

Мэлигэр шулуунуудые тэндэһээ абажа, бурхадта мэтээр тэдээндээ мүргэдэгта. Үзэмэй дараһан архи үргэжэ, талханай үргэл тэдээндэ дурадханат. Энээниие үзэжэ байхадаа Би һанаа амар байха аалби?

Исай 66:3

Үргэл үргэжэ, үхэр алана гү, али хүниие алана гү; хурьга үргэл гэжэ үргэнэ гү, али нохойн хүзүү мушхана гү; орооһо таряа үргэнэ гү, али гахайн шуһа үргэнэ гү; уталга ууюулна гү, али шүтөөндэ мүргэнэ гү, – зондо хамаагүй болонхой. Бузар муухай юумэ хэхэдээ тэдэ баясадаг.

Ерэмияа 16:7

Эхэ, эсэгэеэ, дүтын хүнөө алдаад байгша хүнэй һанаа тэгшэлхын, һамааруулхын тула хэншье тэрээндэ эдеэ хоол дурадхажа, хундага барижа бахагүй.

Ерэмияа 6:20

Шэбааһаа асардаг гүгэл, алас холо нютагһаа санзай ууюулганууд Намда юуштэб? Тэдэнэй түгэс шатаалта үргэлнүүд Намда хэрэггүй, үргэлнүүдынь Намда зохисгүй.

Эзэкээл 24:17

Абяагүй гашууда. Толгойгоо тэрэл зандаа боолто-малгайгаар орёожо, хүлдөө гуталаа үмдэжэ бай. Гашуудан нюураа бүглэжэ, ямбын эдеэ эдижэ бү байгаарай.

Эзэкээл 24:22

Тиихэдэ таанад минии мүнөө хэжэ байгааша юумэ хэхэт: нюураа бүглэхэгүйт, хахасалгын хоол барихагүйт.

Даниил 1:8

Хаанай эдидэг эдеэ, уудаг унда уужа, бэеэ бузарлажа байхагүйн тула Даниил тэдэниие эдихэ-уухагүйб гэжэ өөртөө шэбшэн хэлээд, хаанай эдеэ хоол барихагүй тухайгаа түшэмэлнүүдэй ахалагша ноён Ашпэнаазые гуйба.

Һошээ 3:4

Ушар юуб гэхэдэ, Израилиин улад зон олон хоногой туршада хаангүй, ноёнгүй, тахилгүй, арюун баханагүй, эфодгүй, гэрэй онгонгүй үлэхэ болоно.

Һошээ 7:16

Тэдэ Намһаа бүри холодоо. Гажанхай һурша номдол ямаршье аша туһагүй тэдэ болоо. Дээрэлхүү үгэнүүдые хэлэһэндээ удамаршадынь һэлмээр сабшагдан хосорхо. Тиихэдэнь Египедэй зон тэдэниие наадалан энеэлдэхэ.

Һошээ 8:13

Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Ёһээл 1:13

Санаартан, гашуудалай хубсаһа нэмэрэн уйлагты. Үргэлэй шэрээдэ үйлэ бүтээгшэд орилогты. Гашуудалай таар хубсаһа үмдөөд, һүниие үнгэргэгты. Ушарынь хадаа Бурханай үргөөдэ эдеэн үргэл, үргэлэй үзэмэй дараһан архи үгы болоо.

Ёһээл 1:9

Эзэнэй үргөөһөө үргэлэй эдеэн болон үзэмэй дараһан архи таһалдажа, Эзэнэй үйлэ бүтээдэг санаартад гашуудаба.

Ёһээл 2:14

Эзэн бодолоо хубилган, хэһээлтэ зайлуулжа магад. Тэрэ зөөлэржэ, танда үршөөл хайра хүртөөхэл. Тиихэдэнь Эзэндэ зорюулһан талхан ба ундан үргэлөө хэжэ болохот.

Левит 17:11

Юундэб гэхэдэ, амитанай ами наһан шуһан соонь юм. Тэдэнэй шуһаар үргэл хэхыетнай Би танда захинаб, юундэб гэхэдэ, тэрэ шуһан танай нүгэл сагааруулгын үргэлэй түлбэри болоно гээшэ. Тэрэ шуһан танай нүгэл арюудхана.

Левит 21:17

– Аһароондо хэлэ: Шинии үри һадаһанай уг унги соо бэеын зэмдэг дутагдалтай хүн Бурханда эдеэнэй үргэл үргэхэ ёһогүй.

Левит 21:21

Аһароон санаартын үри һадаһадһаа бэеын зэмдэг дутагдалтай хүн Эзэндэ үргэл үргэхэ ёһогүй, өөрынгөө Бурханда хилээмэн үргэл үргэхэ эрхэгүй.

Левит 21:6

Тэдэ өөрынгөө Бурханай үмэнэ нангин арюун сэбэр байха ёһотой, Бурханайнгаа нэрэ гутааха ёһогүй, юундэб гэхэдэ, Эзэндэ үргэл үргэнэ, Бурхандаа хилээмэ үргэнэ, иимын тула арюун нангин байха ёһотой.

Левит 21:8

Тэрэниие арюудха, юуб гэхэдэ, шинии Бурханда хилээмэ үргэнэ: нангин арюун байг лэ, юуб гэхэдэ, Би таниие арюудхадаг арюун нангин Эзэн гээшэб.

Амоос 5:22

Түгэс шатаалта үргэлнүүдые Намда үргэнэт, теэд Би таанарай үргэл тоохогүйб. Эрхим малаа үүсэлнэт, теэд Би энээниие харахаашье һананагүйб.

Малаахи 2:13

Таанар Эзэнэй үргэлэй шэрээ нулимсаар, уйлаан ёологоор бүтээдэг, тиимэһээ Тэрэ саашадаа үргэлыетнай харанашьегүй, танай гарһаа талархалтайгаар абахашьегүй байна.

Тоололго 19:11

Хэн үхэһэн хүнэй бэедэ гар хүрэнэб, тэрэ хүн долоон хоногто бузартай байха.

Тоололго 28:2

– Израильшуудта иимэ захяа хэлэ: Намда һайшаагдаха талхан болон аятай һайхан хэншүү үнэртэ шатаалта үргэлнүүд Минии урда тодорхойлогдоһон сагтаа асарагдадаг байхын түлөө таанад харюусалгатайт.

Тоололго 4:7

Хилээмэн үргэл табидаг шэрээе сэнхир хүхэ нооһон нэмнээгээр нэмнээд, тэрээн дээрээ үргэл болон мүргэлэй ёһололдо хэрэглэгдэдэг томо жэжэ табагуудые, аягануудые табиг. Тиихэдээ тэдэнэй хажуудань хододоо байдаг хилээмэн үргэл байха ёһотой.

Иоанн 6:51

Би Тэнгэриһээ буужа ерэһэн амиды хилээмэн гээшэб. Энэ хилээмые эдиһэн хүн мүнхэ наһатай болохо. Тэрэ хүндэ Минии үгэхэ хилээмэн хадаа Минии бэемни гээшэ, тиин энэ бэеэ бүхы дэлхэйн ажамидаралай түлөө Би үгэнэб.

Хуули дабталга 26:14

Уйдхар гашуудалта үедөө тэрээнһээ эдеэ бэшэб, ургаса суглуулхадаа арюун сэбэр байгааб, нүгшэһэн хүнэй түлөө тэрээнһээ үргөөгүйб. Би Танда, Эзэн Бурхандаа, үнэн сэхэ байгааб, Танай захирһанай ёһоор бүхы юумэ дүүргээб.