Һошээ 8:7 - Библи

⁷ Орооһоной орондо хооһон һалхи тариһандаа таанад хуй һалхи хуряажа абахат! Таряан ургахагүй, ямаршье үрэжэлгүй, хооһон таряан байха. Теэд нэгэ тэды таряанай ургабал, хариин зон тэрэниие хуряан абахал!

Һошээ 8:7 Referencias Cruzadas

Эхин 41:23

Тэрэнэй һүүлээр үшөө долоон хоршогор, зүүн зүгэй халуун һалхинда хаташаһан хоолос ургаба.

4 Хаан түрэнүүд 15:19

Ассириин хаан Пүүл Мэнааһэмэй хан түрэеэ засаглажа байһан Израильда дайгаар добтолон оробо. Мэнааһэм өөрынгөө хаан түрые абаран үлөөхэ, өөһэдыгөө аршалуулан үмэгшүүлхэ гэжэ, Пүүлдэ мянган талаант мүнгэ барюулха болобо.

4 Хаан түрэнүүд 15:29

Израилиин хаан Пээкаагай амиды байхада, Ассириин хаан Тиглаат-Пилэсээр дайгаар добтолжо, Абээл-Бэт-Маһахаа, Ийон, Напталиигай Яноох, Кээдэш, Хацоор, Галаад, Галилей болон бусад бүхы газарнуудыень эзэмдэн абаба. Тэрэ тэдэ газарнуудай хүнүүдые олзолон абаад, Ассиридэ абаашаба.

Иоов 4:8

Харин би хараһан байнаб: нүгэлэй таряаланда зоболон таригшадта тэрэнь өөһэдынь толгой дээрэ буудаг.

Һургаал 22:8

Үнэн шударга бэшэ ябадал таригша өөртөө зоболон хуряаха. Тиигэжэ уур хилэнгэйнь һабаа үгы болохо.

Экклезиаст 5:16

Зөөриин түлөө бүхы наһан соогоо үргэһэ нойргүй, үлэн хооһон ябаһанай үрэ ашаг энэ юм аал?

Исай 17:11

Тэрэ үдэртөө урган сэсэглэхыень хүсэжэ һуулгаашье хадатнай юумэн ургахагүй. Харин гансал уй гашуудал тохёолдохо.

Исай 55:2

Юуншье бэшэ юумэндэ мүнгэеэ юундэ үрихэбта? Садхаахагүй юумэндэ салингаа юундэ гаргахабта? Намайе һайса шагнагты, үгыем дуулагты. Тиигэбэл, эгээл эрхим эдеэ хоол барихат.

Исай 66:15

Үзөөрэйгты, Эзэн гал дүлэн мэтэ бууха. Уурлаһан зоноо хэһээхэеэ Тэрэ шуурган һалхин мэтэ шуумайха.

Ерэмияа 12:13

Минии арад зон шэниисэ тариһан аад, үрмэдүүл хуряажа абаба. Тэдэ эсэн ядараа, гэбэшье ямаршье ашаг олзо олоогүй. Өөһэдынгөө ургасаһаа тэдэ эшэг лэ! Дүлэтэһэн уур сухални иимэл!

Гашуудал 5:2

Маанадай уг залгамжалха зөөри хариин зондо, гэрнүүднай гадаадын уласта үгтэбэ.

Һошээ 2:9

Тиимэһээ тэрэнэй эгээл хэрэглэжэ байгаа сагта эдеэ хоолоо, үзэмэй дараһан архияа тэрээнһээ Би һөөргэнь хуряан абахаб. Бэеэ халхалан хушажа байгааша нооһо, маалингыень Өөртөө бусаан абахаб.

Һошээ 7:9

Хариин арад зон хүсэ шадалынь һалгаажа байна. Теэд тэдэ ойлгоногүй. Тэдэнэй үһэн сайшоо, теэд тэдэ тэрэнээ мэдэнэгүй.

Һошээ 9:16

Үндэһөөрөө хатаһан ургамалдал адли Израиль болоо, бэшэ үри хүүгэдые түрэхэгүй. Угаа ехээр хүсэн түрөөшье һаань, Би тэрэ үнэтэ үхибүүень усадхахаб!»

Наум 1:3

Эзэн абаһаар уурлажа байдаггүй, тэсэбэритэй, гэбэшье Тэрэ гэмтэдые хэһээлтэгүй оройдоошье орхидоггүй. Тэрэ агууехэ хүсэ шадалтай. Һалхи шуурган, хуй соогуур харгы замынь, хүл дороһоонь үүлэн, тооһон бушаганадаг.

Хаггай 1:6

Таанар ехээр тарибашье, бага ургаса хуряанат. Эдеэлээшье һаа, саданагүйт. Уугаашье һаа, һогтоногүйт. Хубсалаашье һаа, дулаасанагүйт! Олоһон мүнгэнтнай хахархай хармаанда ороод лэ үгы болоно.

Галадуудта 6:7

Бурханиие мэхэлхэ аргагүй юм. Тиимэһээ бү эндүүрэгты. Хүн тариһанаал хададаг.

Галадуудта 6:8

Бэеынгээ хүсэлэнгүүдые хангажа байдаг хүн үхэл олохо, харин Арюун Һүлдын тулада оролдодог хүндэ Арюун Һүлдэ мүнхын амидарал олгохо.

Хуули дабталга 28:33

Хариин улад зон газарайшни хэшэг, ажалайшни бүхы үрэ дүн эдижэ хэрэглэжэ байха. Харин ши наһаараа хашагдажа, үйлөө үзэжэ байхаш.