Һошээ 8:6 - Библи

⁶ Онгониие Израилиин арад зон дархалаа, уран дархан тэрэниие шудхаа, тиимэһээ тэрэ бурхан бэшэ шуу. Самариин тугал онгон бута һүрэхэ!

Һошээ 8:6 Referencias Cruzadas

4 Хаан түрэнүүд 23:15

Хаан Набаадай хүбүүн Еробоһаамай Бэт-Ээлдэ барюулһан, тэрэнэй зэмээр бүхы Израиль нүгэл хэжэ байһан үргэлэй шэрээе мүргэдэг обоонуудай онгонуудтай хамта үгы хэбэ. Тиигээд тэрэ Ашэраагай модон сэргэнүүдые шатаажа үнэһэн тоборог болгобо.

4 Хаан түрэнүүд 23:19

Ёшияа Эзэнэй уур сухалые хүргэдэг байһан Израилиин хаашуулай Самариин хотонуудта ба мүргэлэй обоонуудта барюулһан бүхы дугануудые Бэт-Ээлэй обоонууд дээрэхи дуган мэтээр болюулба.

2 Угай бэшэг 13:8

Давидай уг удамда Эзэнэй үгэгшэ хаанта засагай урдаһаа мүнөө таанад дайлалдаха гэжэ байна гээшэ гүт?! Угаа олон сэрэгтэйт, бурхад болгон таанадта Еробоһаамай дархалуулжа үгэгшэ алтан хүрэгүүдтэйт.

2 Угай бэшэг 31:1

Эдэ бүгэдын удаа тэндэ байгааша Израилиин бүхы зон Иудын хотонууд руу ошожо, хариин бурхадай хүрэгүүдые бута сохибо, Ашэраагай модон сэргэнүүдые таһар сабшан унагааба, бүхы Иудын газараар болон Бэньямиинэй, Эпрааимай, Мэнашшээгэй обогуудай харьяата газарнуудаар үргэлэй обоонуудые болон үргэлэй шэрээнүүдые үгы болоторынь һандаргааба. Тиигээд хүн бүхэн гэртээ бусаа һэн.

Ерэмияа 10:14

Улад зон булта мунхаг, ойлгосо мэдэсэгүй байна. Шүтөөн бүтээгшэ өөрынгөө нэрэ гутаана, юуб гэбэл, тэрэнэй шудхамал хүрэгүүд худал хуурмаг, амигүй онгод бшуу.

Ерэмияа 48:13

Израилиин улад зоной этигэл найдал болоһон Бэт-Ээлһээ эшэжэ эхилһэндэл, Моһаабай зон Хэмоош бурханһаа эшэжэ эхилхэ.

Ерэмияа 50:2

Үндэһэ яһатанда һураг суу дуулгагты! Соносхогты! Дохёо тэмдэг үгэжэ, дуулгагты! Нюужа бү байгты! Вавилоон һалаа! Бээл нэрээ хухараа! Мэродаах бурханиинь бута һүрөө! Вавилооной хүрэгүүд эшхэбтэр зүйл болоо, шүтөөнүүдынь бута сохигдоо!

Һошээ 10:2

Урбадаг зүрхэ сэдьхэлтэйшүүл хэһээгдэхэ. Бурхан тэдэнэй үргэлэй шэрээнүүдые һандаргаха, мүргэдэг модонуудыень бута сохихо.

Һошээ 13:2

Мүнөө тэдэ нүгэлөө бүри олошоруулба: дархашуулай гараар өөһэдын тухайлһанай ёһоор мүнгэн онгонуудые урлуулба. Тиигээд тэдэ эдэ онгонуудта тахил үргэгты гэжэ хэлэнэ.

Һошээ 14:3

Эзэндээ эрьежэ, үгэнүүдээ зорюулан, иигэжэ хэлыт: «Нүгэлымнай арюудхыт, зальбаралыемнай дуулыт! Найдуулһанайнгаа ёһоор, бидэ Таниие магтан байхалди.

Михей 1:7

Бүхы шүтээнүүдынь тэһэ биса сохигдохо, янхан ябадалай ордоной түлбэри бэлэгүүд галда шатаагдаха. Бүхы хүрэгүүдынь Би хаясаанай болгохоб. Юу гэбэл, эдэ бүгэдые Самари янхан забхайралгын түлбэриһөө түлэн суглуулжа байгаа, дайсадынь янхан хэрэгтэ тэдэниие шэглүүлэг лэ».

Аввакуум 2:18

Шүтээниие хүнэй һиилэн бүтээһэн хойно тэрэнэй ашаг туһа юун байхаб даа. Энээниие бүтээгшэ хүн гар бүтээлдээ этигэн найдаал ааб даа, теэд худал хуурмагые заадаг, дуугаржа шадахагүй хэмэл хүрэгүүдһээ ямар туһа байхаб?

Хэрэгүүд 17:29

Хэрбээ бидэ Бурханай угсаатан һаа, Бурхан гээшэмнай хүнэй һанаашалгаар алтаар, али мүнгөөр, али шулуугаар дүрсэлһэн уран бүтээлэй урлалга гэжэ бодохо ёһогүйбди.

Хэрэгүүд 19:26

Павелай гансашье Эфестэ бэшэ, харин бүхы Асида номнолоороо олон зоной тархи эрьюулһыень таанад хаража дуулажа байгаа бэзэт. Гараар бүтээгдэһэн юумэн бурхан байжа шадахагүй гэжэ тэрэ хэлэнэ.