Һошээ 8:4 - Библи

⁴ Намһаа асуунгүй, тэдэ хаашуулые өөһэдтөө табяа; Намда мэдүүлэнгүй түшэмэлнүүдые табяа; алта мүнгөөрөө тэдэ өөһэдтөө онгонуудые дархалаа, – эдэ бүгэдэһөөл тэдэ хосорхо.

Һошээ 8:4 Referencias Cruzadas

3 Хаан түрэнүүд 12:28

Зүбшэһэнэй удаа хаан хоёр алтан тугал бүтээбэ. Тиигээд тэрэ улад зондо иигэжэ хэлэбэ: – Иерусалим руу бэшэ ябаһанай хэрэггүй. Израилиин улад зон, таанадые Египедһээ гаргаһан бурхадтнай гэбэл, эдэ мүн!

3 Хаан түрэнүүд 13:34

Иимэ нүгэлтэ хэрэгүүд тэрэнэй уг удамые һэе мүргүйгөөр усадхагдаха тээшэнь хүтэлэн байгаа бэлэй.

3 Хаан түрэнүүд 16:31

Набаадай хүбүүн Еробоһаамай нүгэлые даган байхань багадаад, тэрэ Сидооной хаан Этбаалай басаган Изээбэлые һамга абажа, Баалда мүргэдэг болобо.

Ерэмияа 16:20

Хүн өөртөө бурхадые хэжэ шадаха гү? Үгы! Тиигээ һаань, тэдэ – ёһотой Бурхан бэшэ байхал! – гэжэ хэлэнэ.

Эзэкээл 18:31

Муу муухай юумэ өөрһөө зайсуулагты, сэбэр, арюун бодолтой, Намда үнэн сэхэ бологты. Тиигэбэл, Израилиин арад түмэн, таанад хосорхогүйт!

Даниил 3:1

Навуходоносор хаан жаран тохой ута, зургаан тохой арай болохогүй үргэн алтан хүрэг бүтээжэ, Вавилооной Дураа гэдэг нюруу газарта табиха тухай захирал гаргаба.

Һошээ 13:1

Эпрааимай обогой зоной үгэ хэлэхэдэ, бусад обогуудай улад зон шэшэрэлдэн айжа байдаг бэлэй. Эпрааимайхид бусадта хүндэтэй һэн. Теэд тэдэ Баалда шүтэжэ, нүгэл үйлэдэжэ, хосоржо байна.

Һошээ 13:11

Уур сухал дундаа Би таанадта хааниие үгөө һэм, бушаганаһан сухалайнгаа үедэ тэрэниие танһаа таһалан абааб.

Һошээ 13:2

Мүнөө тэдэ нүгэлөө бүри олошоруулба: дархашуулай гараар өөһэдын тухайлһанай ёһоор мүнгэн онгонуудые урлуулба. Тиигээд тэдэ эдэ онгонуудта тахил үргэгты гэжэ хэлэнэ.

Һошээ 2:8

Минии тэрээндэ эдеэ хоол, үзэмэй дараһан архи, оливын тоһо үгэдэгые, алта мүнгыень олошоруулһыем тэрэ огто мэдэхэгүй байгаал! Үнгэрхэдөө, тэрэ алта мүнгөөр Баалай дүрсэ шудхаа бэлэйл!

Һошээ 8:3

Тэдэ һайн юумэ тоогоогүй шуу. Дайсан тэдэниие мүрдэн-гүрдэн байха.

Матвей 25:12

Теэд хүрьгэн хүбүүн: «Үгы даа, би таанарые танихагүйб», – гэжэ харюусаба.

Лука 13:25

Гэрэй эзэнэй бодожо үүдэеэ хаахадань, таанад газаа тээнь зогсон, үүдыень тоншожо: «Эзэн! Эзэн! Манда үүдээ нээгыт», – гэжэ хэлэхэт. «Хаанахи зомта, би таанадые танинагүйб», – гэжэ тэрэ танда харюусаха.

Лука 13:27

«Таанадые мэдэнэгүйб, хаанаһаа ерээ зомта. Намһаа холо бологты, таанад булта харата юумэ үйлэдэдэг уладта!» – гэжэ тэрэ таанадта харюусаха.

Иоанн 10:14

Би хадаа шударгуу һайн адуулагшаб. Би Өөрын хонидые мэдэдэгби, Минии хонидшье Намайгаа мэдэдэг.

Галадуудта 4:9

Мүнөө таанад Бурханиие мэдэһэн аад лэ, тодорхойлон хэлэбэл, Бурханай таанадые мэдэһэн хойно таанад яагаад һүр хүсэгүй, ахир тулюур хүсэнүүдтэ дахин бусабат, тиигээд тэдэндэ алба хэхэеэ һанабат?