3 Тэдэ һайн юумэ тоогоогүй шуу. Дайсан тэдэниие мүрдэн-гүрдэн байха.
Эзэндэ этигэжэ, һайе үйлэдэ, газар дээр оршин һуужа, үнэн зүбые сахин байгаарай.
Эзэн, уур сухалаар бушаганан, тэдэниие мүрдыт, огторгой дороһоо үгы хыт!
Маанадые мүрдэн намнаашад тэнгэриин бүргэдһээ хурдан байгаа, хойноһоомнай хада уулаар намнаа, сүл губидашье отоо.
Гэбэшье тэдэ Нам руу хандан: «Бурхамнай, бидэ Таниие хүндэлнэбди, бидэ, Израиль, – Танай арад түмэн», – гэлдэхэ.
Намһаа асуунгүй, тэдэ хаашуулые өөһэдтөө табяа; Намда мэдүүлэнгүй түшэмэлнүүдые табяа; алта мүнгөөрөө тэдэ өөһэдтөө онгонуудые дархалаа, – эдэ бүгэдэһөөл тэдэ хосорхо.
Таанадһаа үлэһэн зоной дайсадай газарта байхадань, зүрхэ сэдьхэлдэнь аймхай зан оруулхаб. Набшаһанай һаршаганаан тэдэниие айлган намнаха. Хүнэй намнаагүй байхада, һэлмэһээ тэрьелһэн мэтээр гүйлдэн унаха.
Эзэн иигэжэ айладхаа: Эдоомой улад зон гэмээ нэмээһээр. Шиидхэһэнээ Би болюулхагүйб. Һэлмэ гартаа далайнхай, аха дүүгээ намнаһанайнь, түрэл гэжэ хайрлаагүйнь, хододоо уур сухалтай хэрзэгы ааша гаргажа, хилэнсэглэн байһанайнь түлөө
Эзэн дайсадтатнай туһалжа, таанадые диилүүлхэ. Нэгэ харгыгаар тэдэнэй урдаһаа добтолһон аад, долоон аян замаар тэдэнһээ тэрьедэн ошохот. Тиигээд дэлхэйн гүрэн түрэнүүдээр зон таанадай гай тодхор хаража, шэшэрэн һалганан байхал.
