Һошээ 8:13 - Библи

¹³ Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Һошээ 8:13 Referencias Cruzadas

Египедһээ гаралга 20:3

Намһаа ондоо бурхан шамда байха ёһогүй.

Египедһээ гаралга 32:34

Минии зааһан газарта зоноо ошожо асара. Минии Эльгээмэл урдашни ябаха. Хэһээлтын үдэрэй ерэхэдэ, нүгэлынь амсуулхаб.

Һургаал 21:27

Нүгэлтэнэй үргэһэн үргэлыншье бузартай, илангаяа хорон муу һанаагаар үргэһэн үргэл бүришье муухай.

Исай 1:11

Тэрэ иигэжэ айладхана: «Танай эды олон үргэл Намда хэрэгтэй бэшэл. Хусын түгэс шатаалта үргэлдэ, тарган тобир малай өөхэндэ үни хада саданхайб. Бухын, хурьга, ямаанай шуһаншье Намда хэрэггүй.

Ерэмияа 14:10

Эзэн эдэ арад зон тухай иигэжэ айладхана: «Тэдэ Намһаа холодон зайха дуратай, бэеэ барижа шададаггүй арад. Тиимэһээ Би тэдээндэ талархалгүй болооб. Одоо мүнөө тэдэнэй гэм зэмые хадуун абажа, нүгэлэйнь түлөө хэһээхэб».

Ерэмияа 6:20

Шэбааһаа асардаг гүгэл, алас холо нютагһаа санзай ууюулганууд Намда юуштэб? Тэдэнэй түгэс шатаалта үргэлнүүд Намда хэрэггүй, үргэлнүүдынь Намда зохисгүй.

Эзэкээл 29:16

Израиль тэдэнэй туһаламжаһаа бэшэ хэзээдэшье дулдыдажа байхагүй. Тиихэдэ Египедтэ найдаһамнай буруу байгаа гэжэ Израилиин зон ойлгохо. Тиигээд тэдэ Минии, Эзэн Бурханай, эдэ бүгэдые үйлэдэһые мэдэхэ.

Һошээ 11:5

Намда бусахын орондо тэдэ Египедтэ этигэнэ, тиимэһээ мүнөө Ассири тэдэниие хааншалан байха.

Һошээ 12:11

Галаад угаа нүгэлтэй болоо, энэ һандаралаар дүүрэхэ. Гилгаалда буруудые үргэл болгон үүсэлээ, теэд үргэлэй тэдэ шэрээнүүд таряалангай хажуугаар байгша шулуун мэтэ һандаргагдан хаа-хаанагүй хаягдаха».

Һошээ 4:9

Арад зониие яажа хэһээнэбиб, тон тиимээр санаартадые хэһээхэб. Хэһэн үйлэ хэрэгэйнь хэмээр тэдээндэ хэһээлтэ амасуулхаб.

Һошээ 5:6

Эзэндэ хони, үхэр тахил болгон үргэхэеэ тэдэ ошохо, Эзэниие бэдэрхэ, теэд олохогүй. Эзэн тэдээнһээ холодоо.

Һошээ 6:6

Намда тахил тахихын орондо бусад зондо үршөөл хайратай байхатнай Намда хэрэгтэй. Намда түгэс шатаалта үргэл асархын орондо Намайе мэдэдэг зон байхатнай хэрэгтэй.

Һошээ 7:11

Израиль тэнэг гулабхаадал иишэ-тиишээ ниидэжэ, Египет болон Ассириин хоорондуур һэнжэлзэжэ байна.

Һошээ 7:16

Тэдэ Намһаа бүри холодоо. Гажанхай һурша номдол ямаршье аша туһагүй тэдэ болоо. Дээрэлхүү үгэнүүдые хэлэһэндээ удамаршадынь һэлмээр сабшагдан хосорхо. Тиихэдэнь Египедэй зон тэдэниие наадалан энеэлдэхэ.

Һошээ 7:2

Муу муухай хэрэгүүдыень Минии бултыень һанажа байһые тэдэ мэдэнэгүй. Теэд нүгэл шэбэлынь тэдэниие тойроод байнал, Би мүнөө эли хаража-үзэжэ байнаб.

Һошээ 9:6

Аюул боложо, арад зоной тэрьедэн гүйхэдэ, Египедэй зон тэдэниие суглуулаад, Мээмпис хүдөөлүүлхэ! Үнэтэ мүнгэн хэрэгсэлнүүдынь болон гэрнүүдынь адаалхай һөөгүүдээр дүүрэн ургашанхай, хаясаанай болоод байха.

Һошээ 9:7

Израиль, саг ерэбэ! Хэһэн хэрэгүүдэйнгээ хэмээр харюусаха сагшни ерэбэл! Ши энээнээ мэдэрхэш. «Энэ лүндэншэ тэнэг, галзуурһан энэ ухаа муутай» гэжэ ши хэлэнэш. Шинии нүгэл шэбэл угаа ехэ байһан дээрэһээ улад зоншни намайе ехэ үзэн ядана.

Һошээ 9:9

Гибаада үйлэдэһэн хэрэгтээл адляар, тэдэ забхай зальхай ябадалда сүм ороол! Бурхан тэдэнэй нүгэл тушаа һанажа, хэһээлтэ амасуулха даа.

Амоос 3:2

Дэлхэйн обогуудһаа гансал таанадые мэдэржэ байгааб. Тиимэһээ бүхы гэмэйтнай түлөө таанадыел шиидхэн асуухаб.

Амоос 5:22

Түгэс шатаалта үргэлнүүдые Намда үргэнэт, теэд Би таанарай үргэл тоохогүйб. Эрхим малаа үүсэлнэт, теэд Би энээниие харахаашье һананагүйб.

Амоос 8:7

Яковай омогорхолоор Эзэн тангариглаа: хэрэгүүдынь хэтэ мүнхэдөө мартахагүйб!

Лука 12:2

Эли болохогүй ямаршье далда юумэн байдаггүй, мэдээжэ болохогүй нюуса юумэн байдаггүй.

Коринфынхидтэ 1-дэхи 11:20

Тиигэжэ бүлгэмөөрөө суглархадаа, таанад Эзэнэй Үдэшын хоол тэмдэглэнэгүйт.

Коринфынхидтэ 1-дэхи 11:29

Хилээмэнһээ эдихэдээ, аягаһаа уухадаа, Эзэнэй бэеын удха мэдэрээгүй һаа, таанад эдиһэн, ууһанаараа өөһэдыгөө гэмнэнэт.

Коринфынхидтэ 1-дэхи 4:5

Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Хуули дабталга 28:68

«Энэ харгы замые дахин харахагүйт» гэжэ минии дамжуулан хэлэһэншье һаа, Эзэн таанадые далайн онгосонуудаар Египет руу бусааха. Тэндэ дайсадтаа богоол болохоёо бэеэ худалдажа эхилхэт, теэд таанадые худалдан абаха хүн олдохогүй.

Гэршэлгэ 16:19

Аргагүй томо хото гурбан хуби боложо бутаран һандаршаба, бусад арадуудай хотонууд хяа бута һүрэн унашаба. Агуу ниислэл Вавилоон тухай Бурхан һанажа, аргагүй ехэ уур сухалайнгаа аягатай үзэмэй дараһан архиие тэрэ ниислэлдэ уулгаба.

1 Хаан түрэнүүд 15:22

Самуил: – Эзэнэй үгэ дуулахань Эзэндэ түгэс шатаалта үргэл, мүн үргэлнүүдые хэжэ баярлуулхаһаа дээрэ бэшэ гү? Ойлго, үгэ дуулаха гээшэ үргэл үргэхэһөө дээрэ. Айладхаһаарнь байха гээшэ хусын өөхэнһөө үлүү.