Һошээ 7:7 - Библи

⁷ Уур хилэнгээр дүүрэнхэй тэдэ удамаршадаа алана. Хаашуулынь алуулаад, алдалан унана, теэд хэнииньшье Нам руу туһа эрин ханданагүй.

Һошээ 7:7 Referencias Cruzadas

3 Хаан түрэнүүд 15:28

Иудын хаан Асаа гэгшын гурбадахи жэлээ хааншалжа байхада Баһашаа тэрэниие алаһан болоно. Тиигээд тэрэ орондонь хаан шэрээ эзэлбэ.

3 Хаан түрэнүүд 16:18

Хотын эзэлэгдэһые Зимрии мэдэхэдээ, хаанай ордоной саада таһалга руу ороод, хаанай ордон галдан шатаажа, өөрөө тэрэ галда үхэбэ.

3 Хаан түрэнүүд 16:22

Омриин түлөө байһан хахадынь диилэбэ. Тибнии хосорбо, Омрии хаан болобо.

4 Хаан түрэнүүд 10:14

Еһүү сэрэгшэдтээ хандажа: – Эдэниие амидыгаар баригты! – гэжэ захирба. Тэдэниие амидыгаар барибад. Тэдэ дүшэн хоёр хүн байба. Тэдэниие Бэт-Ээкэдэй хажуудахи уһанай нүхэн соо нэгыньшье амиды үлөөнгүйгөөр алабад.

4 Хаан түрэнүүд 10:7

Тэдэнэр тэрэ бэшэг абаад, хаанай далан хүбүүдые барижа, толгойнуудыень таһар сабшажа түрсүүгүүд соо хээд, тэдэнээ Езрээлдэ байһан Еһүүдэ эльгээбэд.

4 Хаан түрэнүүд 15:10

Ябээшэй хүбүүн Шаллуум Захарияада эсэргүү нюуса хэлсээ хэжэ, тэрэниие Иблэһаамда алаад, өөрөө хаан болобо.

4 Хаан түрэнүүд 15:14

Гадиин хүбүүн Мэнааһэм Тирцааһаа гаража, Самарида ошоод, Ябээшэй хүбүүн Шаллуумые аламсаараа, өөрөө хаан болобо.

4 Хаан түрэнүүд 15:25

Харуулшадай дарга Рэмаалияагай хүбүүн Пээкаа Пэкайяада нюуса эсэргүү хэлсээ эмхидхэжэ, Самаридахи ордон соогоо амардаг таһалгадань тэрэниие алаба. Энэ хэрэг үйлэдэлгэндэ табин галаадууд тэрээндэ хамһалсаба. Пээкаа Пэкайяае алаад, өөрөө орондонь хаан болобо.

4 Хаан түрэнүүд 15:30

Элаагай хүбүүн Һошээ Рэмаалияагай хүбүүн Пээкаада нюуса эсэргүү хэлсээ эмхидхэжэ, тэрэниие алаба. Уззияагай хүбүүн Ётаамай хоридохи жэлээ хан түрэеэ засаглажа байхада, Һошээ Пээкаае алаад, тэрэнэй орондо хаан болобо.

4 Хаан түрэнүүд 9:24

Еһүү һурша номоо татажа харбахадаа, Ёраамай хоёр далын хоорондо тудаба. Тэрэнэй харбаһан годлиин үзүүр Ёраамай зүрхэндэ шаагдаба. Тэрэ өөрынгөө дайшалхы тэргэ дээрэ унаба.

4 Хаан түрэнүүд 9:33

Еһүү тэдээндэ хандажа: – Изээбэлые доошонь хаягты! – гэжэ захирба. Заһаагаа абхуулһан харуулшад Изээбэлые сонхоор доошонь хаябад. Тэрэнэй шуһан гэрэй ханада ба моридто сэсэрбэ. Еһүү тэрэнэй үхэһэн бэе дээгүүр дайшалхы тэргэ морёороо гараад,

Иоов 36:13

Бурханиие сэгнэдэггүй зон хоро һанажа ябадаг, түрмын оёорой гэмтэн болоһоншье һаа, Тэрээнһээ туһаламжа эридэггүй.

Псалманууд 14:4

Шоодбори хүн Тэрэнэй нюдэндэ жэгшүүритэй, гэбэшье Эзэнһээ айдаг зониие Тэрэ хүндэлдэг. Хэн нэгэндэ тангариг үргэбэл, тэрэнээ заабол бэелүүлдэг.

Исай 43:22

Эзэн иигэжэ айладхана: Харин ши, Яков, намайе дуудаагүйш, Израиль, Намда хандаагүйш, Намда мүргөөгүйш.

Исай 64:4

Этигэн найдаһан зоной аша туһа харан, иимэ үйлэ хэрэгүүдые хэдэг Тандал адли Бурхан тушаа бидэ хэззээшье дуулаагүй бэлэйбди.

Исай 64:6

Бидэ бултадаа бузартай зүйлнүүдтэ адли болообди, бидэнэй һайн хэрэгүүд муухай болоһон хубсаһандал адли. Набша мэтэ хатажа байнабди, гэмтэ хэрэгүүднай һалхин мэтэ маанадые тууна.

Исай 64:7

Хэншье Танһаа юумэ гуйнагүй, хэншье туһа эринэгүй. Та манай нүгэлнүүдһээ боложо, маанадһаа Өөрыгөө нюужа арсабат.

Исай 9:13

Израилиин арад түмэн һанаа ороногүй, Түмэн Сэрэгтэ Эзэнэй хэһээгээшье хадань тэдэ һөөргөө бусанагүй.

Эзэкээл 22:30

Намда усадхуулхагүйн тула хотые аршалжа, хана бодхоон, һүмэ сохюулһан нүхэндэнь зогсожо, халхалжа байха хүниие тэдэнэй дунда бэдэрээб, гэбэшье олобогүйб.

Даниил 9:13

Моисейн хуули ёһо соо бэшээтэй тэрэ гай тодхор бидэнтэй тохёолдоошье һаань, бидэ гуйжа Эзэн Бурхандаа хандабагүйбди, нүгэл хэхэеэ болибогүйбди, үнэн зүбыень мэдэрбэгүйбди.

Һошээ 13:10

Хааниие болон удамаршадые эреэ бэлэйш, теэд тэдэ яагаад улад зонииеш абаржа шадахаб?!

Һошээ 5:15

Тэдэнэй өөрынгөө гэм мэдэржэ, Намайе бэдэржэ эхилтэр Би тэдээн тушаа мартаад, огтолон орхёод байхаб.

Һошээ 7:10

Израилиин арад зониие доромжолжо байна, теэд тэдэ Намда, Эзэн Бурхандаа, ханданагүй, туһа эринэгүй.

Һошээ 7:14

Тэдэ Намда үнэнхэ зүрхэнһөө хандажа байгаа бэшэ, орон дэбисхэр дээрээ гансал хашхаралдан байгаа. Тэдэ гансал эдеэ хоолой, үзэмэй дараһан архиин түлөө сугларна, харин Намһаа холо болон байна.

Һошээ 8:4

Намһаа асуунгүй, тэдэ хаашуулые өөһэдтөө табяа; Намда мэдүүлэнгүй түшэмэлнүүдые табяа; алта мүнгөөрөө тэдэ өөһэдтөө онгонуудые дархалаа, – эдэ бүгэдэһөөл тэдэ хосорхо.

Михей 2:1

Орондоо хэбтээд, муу муухай юумэ түсэблэн байгаашад ямар жэгшүүритэйб! Үүрэй сайхада түсэблөөшэ юумэеэ тэдэ хэжэ эхилнэ, юуб гэбэл, энээниие хэхээр тэдэ хүсэтэй.