Һошээ 7:14 - Библи

¹⁴ Тэдэ Намда үнэнхэ зүрхэнһөө хандажа байгаа бэшэ, орон дэбисхэр дээрээ гансал хашхаралдан байгаа. Тэдэ гансал эдеэ хоолой, үзэмэй дараһан архиин түлөө сугларна, харин Намһаа холо болон байна.

Һошээ 7:14 Referencias Cruzadas

Египедһээ гаралга 32:6

Хойто үглөөгүүрнь тэдэ түгэс шатаалта үргэл ба амгалан байдалай түлөө үргэл үргэбэ. Һүүлээрнь эдихэ, уухаяа һууба, найрлажа хүхижэ оробо.

Исай 29:13

Эзэн иигэжэ айладхаа: «Энэ улад зон Намда зальбарна, теэд үгэнүүдынь удхагүй хооһон, тэдэ хэлэ амаараа Намайе хүндэлнэ, харин зүрхэ сэдьхэлдээ Нам тухай огто бодоногүй. Тэдэнэй шүтэхэ зүйлынь гэбэл, гансал зоной ёһонууд, заншалнууд.

Исай 52:5

Мүнөө Би юу хэхэбиб? Арадни миинтээр баригдажа, ударидагшадынь сурхирса уйлана, Минии нэрэ саг үргэлжэ, үдэр бүри хараалда хүртэжэ байна.

Исай 65:14

Тэдэ баясан хүхилдэн байха, харин таанад сүхэрэн-орилон байхат.

Ерэмияа 12:2

Һуулган тарихадатнай, тэдэ үндэһэлөө. Ургажа, үрэ жэмэсшье үгэдэг болоо. Танай нэрэ тэдэ аманһаа унагаадаггүй, гэбэшье зүрхэ сэдьхэлдээ сахидаггүй.

Ерэмияа 3:10

Эдэ бүгэдын удаа Иуда, Израилиин этигэл найдабаригүй эгэшэ, бүхы зүрхэ сэдьхэлээрээ Намда эрьен ерээ бэшэ, харин худал хуурмаг шэг шарай үзүүлнэ. Энэ болбол Би, Эзэн, айладхал буулгана мүн!

Гашуудал 2:18

Эзэниие бүхы зүрхэ сэдьхэлһээ гуй! Сионой басаганай хана! Үдэр, һүнигүй нюдэнһөө нёлбоһо гол горхон мэтэ урдахуула! Агшамшье зуура амгалан бү бай, нёлбоһод бү хатаг лэ!

Һошээ 13:6

Үрэжэлтэй һайн газар олоходоо, таанад садхалан боложо, бардамлажа эхилээт, тиигээд Намайе мартаат.

Һошээ 13:9

Израиль, ши өөрыгөө һалгаалши даа! Намайе түшэг тулгуубарим гэжэ ойлгоогүйш.

Һошээ 3:1

Эзэн намда иигэжэ айладхаба: – Израилиин улад зоной ондоо бурхад руу эрьежэ, үзэмтэй боободо дуратай болодогшье һаань, Эзэн тэдээндэ дуратай байдаг. Энээндэл адли ши дахин ябаад, һальхай ябадалтай болобошье, өөрын нүхэртөө хайрлуулһан эхэнэртэ дурла.

Һошээ 8:2

Гэбэшье тэдэ Нам руу хандан: «Бурхамнай, бидэ Таниие хүндэлнэбди, бидэ, Израиль, – Танай арад түмэн», – гэлдэхэ.

Амоос 2:8

Үри шэриинь түлөө бариса боложо абтаһан хубсаһан дээрэ үргэлэй шэрээгэй дэргэдэ хэбтэжэ, бурхадайнгаа гэртэ тэдэ торгуулагдаһан нэгэнэй үзэмэй дараһан архи уужа байнал!

Амоос 8:3

Тиигэбэл, ордоной хүхюу дуунууд сурхирса уйлаха абяан боложо хубилха. Хэды олон үхэһэн бэе хаа-хаанагүй хаяатайб! Ааляарыт!

Михей 2:11

Һалхин мэтэ хүн, таанадай һанаае худалаар тэгшэлжэ, «үзэмэй дараһан архи тухай болон үшөө дахин үзэмэй дараһан архи тухай!» гэжэ хэлэжэ байгааша хүн һанаандатнай таараха байгаа.

Захарияа 7:5

– Энэ орон нютагай бүхы арад түмэндэ ба санаартанда хэлэ: «Таанар иигэжэ далан жэлэй туршада табадахи, долоодохи һарануудта масаг барин гашуудахадаа, үнэхөөрөө Минии түлөө масаглана гээшэ гүт?

Римэйхиндэ 16:18

Тэдэ зон тиимэ юумэ хэхэдээ, манай Эзэн Христоосто бэшэ, харин өөрынгөө гэдэһэ ходоодо алба хэнэ. Тэдэнэр уран гоё үгэ хүүрээрээ гэнэн гэдэргэ зонииел зангадаа оруулдаг.

Филиппынхидтэ 3:19

Бэе махабадайнь хүсэлэнгүүд тэдэнэй бурханиинь юм. Тэдэ эшэжэ байха ёһотой юумээрээ бахархана, энэл дэлхэйн юумэнүүд тухай тэдэ бододог. Тиимэһээ тэдэ тамада орожо хосорхол!

Яковай хандалга 4:3

Тиихэдэ гуйхадаашье, тэдэ юумэнүүдээ абанагүйт, юундэб гэхэдэ, таанад һайн һайханай тула бэшэ, харин өөрынгөө хүсэлэнгүүдые хангахын тула гуйнат.

Яковай хандалга 5:1

Баяшуул, мүнөө таанад намайе шагнагты! Таанад орилон бархирагты, гэгэн уйлагты, тархи дээрэтнай гай гасалан буухаяа байна.

Ударидагшад 9:27

Нэгэтэ шэхээмэйхид хээрэ гаража, уһан үзэм хуряагаад, тэрэнээ шахан даража, үзэмэй дараһан архи хэбэ. Тиигээд тэдэнэр һайндэрлэн сэнгэһэнэй һүүлдэ өөһэдынгөө бурханай һүмэ соо эдеэлбэд, ундалбад, муу муухайгаар Абимээлэхые хараажа эхилбэд.