Һошээ 6:3 - Библи

³ Зай, иигээд Эзэниие мэдэхэеэ эрмэлзэдэг болоё. Тэрэнэй залархань үүрэй толон мэтэ яг сагтаа, газар дайдые уһалдаг бороо мэтэ Тэрэ заларжа, маанадые һэргээхэл».

Һошээ 6:3 Referencias Cruzadas

2 Хаан түрэнүүд 23:4

наранай мандаха үглөөнэй гэрэл, үүлэгүй сэлмэг үглөө, бороогой удаа ногоо толотуулдаг наран мэтэ».

Иоов 29:23

Ангаһан газарай хура бороогой уһа хүлеэһэн мэтэ зон амаа нээхыем хүсэн һуудаг байгаа. Үгыем соносоһон хүн бүхэн үгэ дуугүй зүбшөөдэг һэн.

Псалманууд 19:4

Тэрэ шинии бүхы тахилнуудые һанахань болтогой! Түгэс шатаалта үргэлыеш тогтоон абаг лэ! [Хүгжэм]

Псалманууд 19:6

Бидэ шинии илалтада баясан дуулахабди, Бурханайнгаа нэрээр тугаа мандуулхабди! Эзэн шинии бүхы гуйлтые бэелүүлхэнь болтогой!

Псалманууд 63:8

Эзэн тэдээн руу годлиёо харбаха, тэдэ гэнтэ шархатаха.

Псалманууд 65:9

Маанад дотор Тэрэ амиды гол байлгана, буруу гэшхүүлнэгүй.

Псалманууд 72:6

Тиимэһээ бардамлахань тэдэнэй хүзүүнэй зүүлтэ болодог, хүсэрхэл хубсаһаниинь болодог.

Һургаал 4:18

Харин үнэн шударга хүнүүдэй зам хадаа үүрэй толон мэтэ үдэрэй ерэхэдэ улам һаруул болодог.

Исай 2:3

Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай нангин үргөө тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Хуули Сионһоо гараха, Эзэнэй үгэ – Иерусалимһаа.

Исай 32:15

Гэбэшье Бурхан бидэндэ дээрэһээ Һүлдөө дахин эльгээхэ. Тиихэдэнь зэлүүд хооһон газар үрэжэл шэмэтэй болохо, таряалангуудаар баян ургаса ургаха.

Исай 44:3

Ангаһан-хатаһан газарта Би уһа адхахаб, хуурай газар дээгүүр гол горхо урдахуулхаб. Би таанадай үри ашанар дээрэ Өөрын Һүлдэ адхажа, уг удамдатнай Өөрын юрөөл хүртөөхэб.

Исай 5:6

Тэрэниие эзэгүйрүүлэн хаяхаб, мүшэр заһагдан отологдохогүй, газарынь һэндэгдэхэгүй. Тиихэдэм тэрэ хадхууртай үрмэдүүлдэ баригдаха. Тэрээн дээрэ бороо бү оруула гэжэ Би үүлэдтэ захирхаб.

Исай 54:13

Улад зониишни һургажа, урагшатай бэрхэнүүд болгохоб.

Ерэмияа 24:7

Би тэдээндэ Намайе мэдэдэг болохо хүсэл үгэхэб. Тиихэдэм тэдэ Минии арад зон, Би тэдэнэй Бурхан болохоб. Тэдэ Нам руу бүхы зүрхэ сэдьхэлээрээ таталдан бусаха.

Эзэкээл 36:25

Сэбэр уһаар таанадые сүршэхэб, онгонуудые зайсуулхаб, иигэжэ муу муухай бузарһаа һалахат.

Һошээ 10:12

Шэнэ газар хахалжа, үнэн сэхын ургамал тарибал, энэрэл хайра хуряан абахат. Эзэндэ эрьежэ, Тэрэниие бэдэрээ һаатнай, залархадаа, Тэрэ бороо мэтээр үнэн сэхые таанад дээрэ адхахал.

Һошээ 14:5

Эзэн иигэжэ айладхана: Өөрын арадые һөөргэнь бусаахаб, үнэнхэ зүрхэнһөө тэдэндэ дурлахаб. Би тэдээндэ бэшэ уурлахагүйб.

Һошээ 14:6

Хатаһан газарые уһалһан бороодол адли Би Израильда болохоб. Тиихэдэм тэрэ сарнай сэсэгтэл һалбаржа, Ливаанай үнэтэ мододтол бүхэ үндэһэтэй болохо.

Һошээ 2:20

Би хэтэ мүнхэдөө шамда үнэн сэхэ байхаб. Тиигээд ши Намайе Эзэн гээд мэдэрхэш.

Михей 4:2

Тиигээд олон арадууд ошожо, иигэжэ хэлэхэ: «Эзэнэй хада руу, Яковай Бурханай Һүмэ тээшээ үгсэн ошоё. Юу хэхыемнай Бурхан һургаха, зааһан замаарнь ябахабди». Юуб гэбэл, Һургаал Сионһоо гараха, Эзэнэй үгэ – Иерусалимһаа.

Михей 5:2

«Эпраата гэдэг Бэтлэһээм, Иудын мянгаад һууринуудай эгээл бага һууринь ши гээшэш», – гэжэ Эзэн айладхана. Гэбэшье шинии улад зонһоо Эзэн нэгые шэлэжэ, бүхы Израилиин удамаршаар табиха. Тэрэ хүнэй угынь урдын урда сагһаа эшэ үндэһэтэй.

Михей 5:7

Амиды мэндэ үлөөшэ Яковай үри һадаһад олон арадуудай дунда Эзэнһээ үршөөгдэһэн шүүдэр мэтэ байха. Ургамал ногоон дээрэ орохо бороо мэтэ тэдэ байхал. Тэдэ хүнһөө дулдыдахагүй, Бурханһаал дулдыдаха юм.

Захарияа 10:1

Хабартаа Эзэнһээ бороо гуйгты. Эзэнэй хайраар аадарай үүлэн бии боложо, бороо орохо. Хүн бүхэнэй таряалан дээрэ таряан ургаха.

Малаахи 4:2

«Гэбэшье Минии нэрын урда һүгэдэдэг хүнүүдэй түлөө үнэн шударгын наран мандажа, эдэгээгшэ туяа гийгүүлхэл. Таанад хашаанһаа гүйжэ гараһан тугал шэнги сүлөөтэй хүхюу харайлдахат.

Матвей 13:11

Тиихэдэнь Иисүүс иигэжэ харюусаба: – Огторгойн хаан түрэ тухай гүн нюусанууд таанадтал тайлбарилагдана.

Лука 1:78

Бурхамнай гүн ехэ хайраараа огторгойһоо шараһан Гэгээн Наран мэтээр

Иоанн 17:3

Хэтэ мүнхын амидарал гээшэ ори ганса үнэн бодото Бурхан бологшо Таниие, мүн Танай эльгээһэн Иисүүс Христоосые мэдэхэ гэһэн удхатай.

Иоанн 7:17

Тэрэнэй дура хүсэл дүүргэхэ һанаатай хүн һаа, энэ Бурханай һургаал гээшэ гү, али Би Өөрэһөөн хэлэжэ байна гүб гэжэ мэдэдэг болохо.

Хэрэгүүд 17:11

Энэ хотын зон Фессалоникиинхидтэ орходоо Бурханай үгэ үлүү ехээр шагнаха дуратай байжа, номнол анхаралтайгаар хүлеэн абаад, Павел Сила хоёрой хэлэһэниинь үнэн гү гэжэ мэдэхын тула Нангин Бэшэгые үдэр бүхэн шудалжа байба.

Хуули дабталга 32:2

Багахан дуһалнуудай зүлгэ ногоон дээрэ унаһандал, зөөлэн ногоон дээрэ аадарай адхарһандал, һургаални бороо мэтэ адхарха, үгэнүүдни шүүдэр мэтэ унаха.

Еврейнүүдтэ 3:14

Хэрбээ бидэ эхилһэн амидаралаа һүүл болоторнь хатуугаар баримталжа байбал, Христоосто хабаатай болонобди.

Пётрой 2-дохи хандалга 1:19

Тиимэһээ таанад лүндэншэдэй айладхаһан юумэнүүдтэ бүришье ехээр этигэжэ байгты. Үдэр мандаад, үглөөнэй толон зүрхэ сэдьхэлдэтнай бадарха үе саг болотор харанхы газарта аһажа байһан зуладал адли лүндэншэдэй үгэнүүдтэ анхаралаа хандуулбал, таанад зүб юумэ хэхэт.

Гэршэлгэ 22:16

Иимэ гэршэлгые таанадта һүзэглэгшэдэй бүлгэмүүдэй дамжуулхынь тула Өөрынгөө Эльгээмэлые Би, Иисүүс, ябуулааб. Би Давидай Үндэһэ, Һалааниинь гээшэб. Би үүрэй ялагар одон гээшэб.