Һошээ 5:5 - Библи

⁵ Израилиин зоной дээрэлхүү зан өөһэдтэнь мууе хэнэ. Хэһэн нүгэлһөө боложо Израиль бүдэрэн унаха, Иудашье тэрээнтэй хамта унаха.

Һошээ 5:5 Referencias Cruzadas

Һургаал 11:21

Хара һанаатан зайлашагүй хэһээлтэдэ орохо. Харин үнэн шударга хүнэй үрэ удамынь сүлөөлэгдэхэ.

Һургаал 11:5

Сэхэ сэбэр хүниие зүб байдалынь тэгшэрүүлдэг, харин хара һанаатан өөрын муу һанаанһаа һандардаг.

Һургаал 14:32

Нүгэлтэн муу үйлынгөө түлөө хойшо хаягдадаг. Үнэн шударга хүн үхөөшье һаа, найдаха найдалтай.

Һургаал 24:16

Юундэб гэхэдэ, үнэн шударга хүн долоо бүдэрөөшье һаа, бодохо, харин нүгэлтэд нэгэ бүдэрбэл, өөдэлхэгүй.

Һургаал 30:13

Баһамжалһан нюдэтэй ба дээгүүр харасатайшье нэгэн байха.

Исай 3:8

Иерусалим бүдэрэн унахаяа байна, Иудын хан түрэ доройтон һандарна, юуб гэхэдэ, тэдэ Эзэнэй урдаһаа һөөргэдэн дуугарна, хэрэг ябуулна, Алдарта Бурханай хараа нюдэндэ энэ доромжолол мүн.

Исай 3:9

Нюур шарайень харахада, нүгэлтэйень ойлгохоор. Тэдэ Содомой зондол адли нүгэлөө нюунагүй, һайрхан һагад хөөрэнэ. Өөһэдөөл өөһэдтөө гай тодхор татаа гээшэл.

Исай 44:9

Һиилэмэл хүрэгүүдые хэгшэд бултадаа юуншье бэшэ. Тэдэнэй зальбардаг шүтөөнүүд ямаршье ашаггүй. Иимэ юумэндэ мүргэдэг зон һохор, мунхаг, тиимэһээ тэдэ доромжолгодо орохо.

Исай 59:12

Эзэн Бурхамнай, Танай урдаһаа маанадай хэһэн гэм зэмэ олон, манай нүгэлнүүд өөһэдыемнай муу болгон гэршэлнэ. Бидэ тэдэниие һайн мэдэнэбди.

Ерэмияа 14:7

Арад зомни Намда хандан ори дуун болоно: «Гэм зэмымнай урдамнай байгаашье хадань, Эзэн, нэрээ хаража, найдуулһанайнгаа ёһоор бидэндэ туһалыт. Бидэ Танда оло дахин урбаабди, урдаһаатнай нүгэл үйлэдөөбди.

Ерэмияа 2:19

Таанадай бузар булай ябадал өөһэдыетнай хэһээхэ, Намһаа буруу хараһантнай өөһэдыетнай дайраха. Намайе, Эзэн Бурханаа, орхихо гээшэ, Намһаа түбэгшөөхэгүй, Намайе хүндэлхэгүй гээшэ таанадта гашуун һургаал болохол! Энээн тушаа мэдэжэ, ойлгожо байгты. Энэ болбол Би, Хүсэн Түгэлдэр Эзэн, Түмэн Сэрэгтэ Бурхан, айладхана мүн!

Һошээ 14:1

Минии урдаһаа буһалгаалһанайнгаа түлөө Самари усадхагдаха. Улад зониинь һэлмээр сабшагдаха, нарай нялхануудынь тэһэ хаюулагдаха, хээлитэй эхэнэрнүүдынь хаха зүһэгдэхэ.

Һошээ 14:2

Израилиин улад зон, Эзэн Бурхандаа эрьеыт! Нүгэл шэбэлтнай таанадые бүдэрүүлэн унагаажа байна.

Һошээ 4:5

Ши болон лүндэншэд үдэр, һүнигүй бүдэржэ, унан алдахат. Абяа аниргүй болгон эхыеш усадхахаб!

Һошээ 5:14

Арсаландал адляар Би Израилиин арадта, Иудын уладта добтолон орохоб. Тэдэниие таһа татан, шэрэн абаашажа байхадам, хэншье тэдэниие Намһаа абаржа шадахагүй!

Һошээ 7:10

Израилиин арад зониие доромжолжо байна, теэд тэдэ Намда, Эзэн Бурхандаа, ханданагүй, туһа эринэгүй.

Һошээ 8:14

Израилиин арад түмэн, Би таанадые байгуулааб, харин таанад Намайе мартаат. Иудын улад зон, таанар олон ордон байшангуудые, бүхэлэгдэһэн олон хотонуудые баряат. Теэд Би хотонууд руутнай гал түймэр эльгээхэб, тиихэдэм байшангуудтнай дууһан шатаха.

Амоос 5:2

Израилиин охин унагаагдаа, өөдөө бодожо бэшэ шадахагүй. Газар дэбисхэр дээрээ тэрэ шэдүүлээ, хэншье тэрэниие бодхоохогүй!

Матвей 23:31

Тиихэдээ таанар лүндэншэдые алагшадай үри хүүгэдынь байһанаа баталан гэршэлнэт.

Лука 19:22

Эзэниинь тэрээндэ хэлэбэ: «Хара мэхэтэй барлаг, хэлэһэн үгыншни ёһоор шамайе хэһээхэб! Өөрын бэшэ юумэ абадаг, өөрөө таряагүй ургаса хададаг шэрүүн хүн гэжэ намайе мэдэжэ байгааш.