Һошээ 5:10 - Библи

¹⁰ Иудын ноёд Израилиин газар уһанай хилын тэмдэгүүдые хүдэлгэжэ, газар өөһэдтөө хулгайлан абана. Тэдээндэ уурлажа, уур хилэнгээ уһан мэтэ тэдээн дээрэ адхахаб.

Һошээ 5:10 Referencias Cruzadas

Псалманууд 32:6

Эзэнэй үгөөр тэнгэри, аманайнь амисхалаар нара, һара, одо мүшэд бултадаа бүтээгдэнхэй.

Псалманууд 88:17

Бүхэли үдэрөө тэдэ нэрэдэтнай баярлана, зүб шударгаартнай тэдэ үргэмжэлэгдэнэ.

Һургаал 17:14

Хёморол хэрэлдээнэй эхин хадаа уһатай хаалтада нүхэ гаргаһантай адли. Даамжархаһаань урда хэрүүлээ тогтоогты.

Һургаал 22:28

Эсэгэнэрэй табиһан мужаа бү хүдэлгэ.

Исай 1:23

Ударидагшадтнай гэмтэд, хулгайшадай нүхэд, бэлэг, эдилгэ абаашад. Тэдэ үншэдые хамгаалдаггүй, бэлбэһэн эхэнэрнүүдэй хэрэг шагнадаггүй.

Эзэкээл 22:22

Зууха соо мүнгэнэй хайладагтал, тэдэ хайлажа, Минии, Эзэнэй, уур хилэн дундаа өөһэдыень хэһээһые ойлгохо.

Эзэкээл 7:8

Удахагүй таанад Минии уур хилэнгэй бүхы хүсэ өөр дээрээ мэдэрхэт. Хэһэн үйлэ хэрэгүүдэйтнай хэмээр таанадые хэһээхэб, жэгшүүритэй муухай ябадалайтнай түлөө гэм зэмые өөһэдтэтнай амасуулхаб.

Матвей 7:27

Аадар бороо адхараад, уһа мүрэнүүд үерлэбэ, шанга һалхин буугаад, энэ гэрые дайраа. Тиихэдэнь тэрэ гэр бутаржа, аймшагтайгаар һандаран унаба.

Лука 6:49

Харин һургаалыем шагнаад, бэелүүлдэггүй хүн гэрээ шулуун һууригүйгөөр газар дээрэ бариһан хүнтэй адли юм. Уһанай эбхэрэн ерэхэдэ, тэрэ гэрынь дары бутаржа, аймшагтайгаар һандаран унаба.

Хуули дабталга 19:14

Хүршынгөө газарай хилэнүүдые бү эбдэ. Эзэн Бурханайтнай эдлэхыетнай үгэһэн газар дайдада анха түрүүн ерэхэдээ, үбгэ эсэгэнэртнай газар хубаарилаа. Шинии хуби гэжэ тэмдэглэн шулуу табяа. Тэрэ шулуу бү хүдэлгэ.

Хуули дабталга 27:17

«Хүршынгөө хилэнүүдэй тэмдэгүүдые ондоо тээшэнь болгоһон хүн хараалай ехэ хараал шэнгээхэ!» Бүхы арад зон харюусаха: «Болтогой!»