Һошээ 5:1 - Библи

¹ Санаартад, энээниие шагныта! Израилиин улад зон, соносогты! Хаанай гэр бүлэ, шэхээ табигты! Таанадые шүүн, заргада оруулхань! Ушар юуб гэхэдэ, таанад Мицпаада болон Табоорто улад зондо занга табижа байгаат.

Һошээ 5:1 Referencias Cruzadas

Ерэмияа 11:7

Египедэй орон нютагһаа гаргаһан тэрэ үдэрһөө хойшо мүнөө хүрэтэр Би таанадай үбгэ эсэгэнэрые Минии үгэ дуулаха тухайнь захиржа, һэргылжэ, оло дахин һануулаа һэм.

Ерэмияа 13:18

Эзэн намда: – Хаанда болон хатан эхэдэнь хаан шэрээһээ бууха тухай хэлэ. Юуб гэхэдэ, тэдэнэй гоё һайхан титим толгойһоонь унаа.

Ерэмияа 46:18

Би, Түмэн Сэрэгтэ Эзэн, хаан гээшэб. Би амиды Бурхан гээшэб. Табоорой уулануудай дунда эгээл үндэр байһандал, Кармээл уулын далайһаа дээгүүр ербыһэндэл, тон тиимэ агууехэ хүсэтэй нэгэн таанадта добтолон орохо.

Һошээ 10:15

Бэт-Ээлэй арад зон, иимэл юумэн таанадтай тохёолдохол даа, юуб гэхэдэ, таанад жэгшүүритэй муу муухай хэрэгүүдые хэнэт. Үүр сайжа байхада Израилиин хаан алуулха.

Һошээ 13:8

Гүлгэдөө алдаһан эмэ баабгайдал тэдээн руу добтолхоб, яһа ууһыетнай хухалан удара татахаб, эмэ арсаландал залгихаб, хээрын амитад тэдэниие таһа татахал.

Һошээ 4:1

Израилиин арад зон, Эзэнэй үгэ соносогты! Энэ газарта этигэмжэтэ байдал, энэрхы сэдьхэл, Намайе, Бурханиие, мэдэхэеэ һанаһан эрмэлзэл үгы гээд, Эзэн энэ газарай улад зониие гэмнэн, урдаһаань зарга болоод байна.

Һошээ 6:9

Хүниие агнан отожо аладаг дээрмэшэдтэл санаартадай бүлэг Шэхээм руу ошодог харгы зам дээрэ зониие алажа, муу муухай хэрэг үйлэдэдэг.

Һошээ 9:8

Бурханай лүндэншэн Эпрааимые харууһалхаяа оролдоо, теэд Эпрааимай бүхы замда урьха табигданхай, тиин Эпрааимай Бурханай нангин үргөө соо зэбүүрхэл эсэргүүсэл оршоно.

Ёһээл 1:2

Аха захатан, энээниие соносогты. Энэ газарта оршон һуугшад, бултадаа Намайе шагнагты. Таанарай гү, али үбгэ эсэгэнэрэйтнай үедэ иимэрхүү ябадал болоо гү?

Амоос 3:1

Израилиин улад зон, таанар тухай, Египедһээ гаргаһан бүхы обогууд тухай, Эзэнэй айладхал дуулагты!

Амоос 7:9

Исаагай нангин зүйлнүүд үгырэн-хооһорон байха, Израилиин нангин юумэнүүд һандарал болохо. Еробоһаамай бүлын урдаһаа һэлмэеэ һугалан далайхаб! – гэбэ.

Михей 3:1

Би иигэжэ хэлэбэб: Яковай гэр бүлын толгойлогшод, Израилиин удамаршад, шагныта! Зүб, бурууе таанар мэдэнэбди гэжэ һананат.

Михей 3:9

Израилиин удамаршад, Яковай гэр бүлын толгойлогшод, энээниие шагныта! Таанад шударга ёһые үзэн ядадаг, сэхэ юумэ гажаадагта.

Михей 7:2

Бурханда үнэн сэхэ зон энэ газар дээрэ үгы болоо. Зоной дунда зүб шударга хүн байхагүй. Шуһа урасхуулхаяа хүн бүхэн худал хэрэглэнэ, аха дүүнэртээ урьха занга табина.

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Малаахи 2:1

Таанад санаартад, энэ хадаа захяа заабари гээшэ, анхаран шагнагты.

Ударидагшад 4:12

Абиноһаамай хүбүүн Бараак Табоор хада дээрэ гараа гэжэ Сисэраада дуулдаба.

Ударидагшад 4:6

Дэбоораа Напталиигай уг удамай ажаһуудаг Кээдэш хотоһоо Абиноһаамай хүбүүн Бараакые дуудажа ерүүлээд, тэрээндэ иигэжэ хэлэбэ: – Эзэн, Израилиин Бурхан шамда иигэжэ зарлиглана: Напталиигай болон Зэбүлүүнэй уг удамуудта ошожо, арба мянган сэрэгшэдыень суглуулаад, тэдэниие дахуулжа, Табоор хада дээрэ гара.

1 Хаан түрэнүүд 7:16

Тэрэ жэлһээ жэлдэ Бэт-Ээл, Гилгаал, Мицпаагаар тойрон, Израилиин удамарша тула тэндэхи бүхы газарнуудые зонхилоо.

1 Хаан түрэнүүд 7:5

Самуил зондо соносхобо: – Бүхы Израилиин зон Мицпаада суглараг! Би таанадай түлөө тэндэ Эзэндэ мүргэн зальбархаб.

1 Хаан түрэнүүд 7:6

Тэдэ Мицпаада сугларжа, уһа удхан, Эзэнэй урда сасан, тэрэ үдэр масаглан: – Бидэ Эзэнэй урда нүгэл хээбди, – гэбэ. Самуил Мицпаада Израилиин зониие ударидан байгаа.