Һошээ 4:7 - Библи

⁷ Санаартад олошорхо бүри урдаһаам нүгэл шэбэлээ бүри олоор үйлэдэжэ байна. Би тэдэнэй алдар солые эшэмхэй муу байдалаар һэлгэхэб.

Һошээ 4:7 Referencias Cruzadas

Эзраа 9:7

Эсэгэнэрэйнгээ үеһөө мүнөө болотор гэмэ зэмэмнай таһарнагүй, хуули буса ябадалайнгаа түлөө бидэ, хаашуулнай, санаартаднай хари газарай хаашуулай гар доро, һэлмэ доронь орожо, туулгажа, тонуулжа, мүнөө болотор доромжолуулжа ябанабди.

Һошээ 10:1

Израиль хадаа угаа олон жэмэстэй һаглагар уһан үзэмэй модон мэтэ. Гэбэшье тэрэ хэды олон жэмэстэйб, тэды ехээр үргэлэй шэрээнүүдые олошоруулна. Газар дайдань хэды ехэ үрэжэлтэйб, тэды ехээр тэрэ мүргэдэг модонуудаа шэмэглэнэ.

Һошээ 10:6

Тэрэ онгон Ассири руу хаанда бэлэг болгон абаашагдаха. Израиль иигэжэ эшхэбтэр байдалда орохо юм.

Һошээ 13:14

Үхэлэй оронһоо таанадые Би абархагүйб, үхэлһөө мултаруулхагүйб. Ай, Үхэл, зоболонгуудшни хаанаб? Үхэл, хадхуураараа зониие хадхан алыш, бултыень усадхыш! Би энээн тушаа оройдоошье халаглахагүйб.

Һошээ 13:6

Үрэжэлтэй һайн газар олоходоо, таанад садхалан боложо, бардамлажа эхилээт, тиигээд Намайе мартаат.

Һошээ 4:10

Тэдэ эдеэлээшье һаа, садахагүй, ондоо бурхадта мүргэбэшье, хүбүүдтэй болохогүй. Ушар гэбэл, тэдэ Намһаа буруу хараа шуу.

Һошээ 5:1

Санаартад, энээниие шагныта! Израилиин улад зон, соносогты! Хаанай гэр бүлэ, шэхээ табигты! Таанадые шүүн, заргада оруулхань! Ушар юуб гэхэдэ, таанад Мицпаада болон Табоорто улад зондо занга табижа байгаат.

Һошээ 6:9

Хүниие агнан отожо аладаг дээрмэшэдтэл санаартадай бүлэг Шэхээм руу ошодог харгы зам дээрэ зониие алажа, муу муухай хэрэг үйлэдэдэг.

Һошээ 9:11

Израилиин алдар соло шубуундал адли ниидэн ошохо, үхи хүүгэдшье түрэхөө болихо, һамгадшье хээлитэй болохогүй.

Аввакуум 2:16

Алдар солын орондо ши эшэмхэй муу байдал амжахаш. Мүнөө ши уужа-һогтожо, өөрыгөө эшхэбтэр байдалда оруулхаш. Эзэн эшхэбтэр байдалай ундатай аяга шамда бариха!

Малаахи 2:9

– Тиигэжэ таанад Минии зам сахинагүйт, харин заабари элдэбээр тайлбарилан гуйбуулжа байнат. Тэрээнэйтнай түлөө Би таанадые арад түмэнэй урда хүндэгүй болгожо, баһамжалуулхаб.

Хуули дабталга 32:15

Ешүрүүн маряажажа, дээрэлхүү зантай болобо, таргалаа, бүдүүрээ, үсэд болоо, Бүтээгшэ Бурханаа, өөрын абаралта Хабсагайгаа тообогүй.

Филиппынхидтэ 3:19

Бэе махабадайнь хүсэлэнгүүд тэдэнэй бурханиинь юм. Тэдэ эшэжэ байха ёһотой юумээрээ бахархана, энэл дэлхэйн юумэнүүд тухай тэдэ бододог. Тиимэһээ тэдэ тамада орожо хосорхол!

1 Хаан түрэнүүд 2:30

Шинии гэр бүлэ болон үри һадаһаншни Минии урда хэтэ мүнхэдөө санаартад ябаха гэжэ Би, Израилиин Эзэн Бурхан, найдуулаа бэлэйб. Теэд мүнөө иимэ юумэн дүүрээ гэжэ айладханаб! Юуб гэхэдэ, Намайе хүндэлдэг зониие Би үргэхэб, Намайе баһадаг зондо хараал хүртөөхэб!