Һошээ 4:3 - Библи

³ Энээнэй түлөө тус газар хэнэйшье амидархын аргагүй хооһон сүл губи болохо. Дээрэнь ажаһуугааша бүхы амитад – хээрын ан гүрөөл, жэгүүртэн, үнгэрхэдөө, загаһадшье бултадаа хосорхо туйлдаа хүрэхэ.

Һошээ 4:3 Referencias Cruzadas

Исай 33:9

Газар гашуудан хатаба. Ливаанай ой модоной набша уршын хатана, Шароон гэдэг үрэжэлтэ һайн газар элһэн сүл губидал адли болоо, Башаан ба Кармээлдэшье мододой набша шарлан унана.

Ерэмияа 12:4

Газар нютагнай хэды болотор уйдхар гашуудалда абтажа, хүдөө талын ургаса ногоон хатажа-гандажа байха юм? «Бидэнтэй юун болохые Бурхан мэдэнэгүй» гэжэ зон хэлсэнэ. Муу муухай эдэ зонһоо боложо, амитад болон шубууд хосорно.

Ерэмияа 23:10

Эзэндэ үнэн сэхэ бэшэ зоноор энэ газар дүүрэшоо. Тэдэнэй зорилгонь – муу муухай үйлэ хэрэгүүд, худал хуурмагаар тэдэ засаг түлөөлгэнүүдые абана.

Ерэмияа 4:25

Обёорходом, тэндэ нэгэшье хүн үгы, тэнгэриин бүхы жэгүүртэн ниидэжэ ошолой.

Ерэмияа 9:10

Уула тухай уйлажа, ори дуун болохоб. Үргэн талын бэлшээринүүд тухай гашуудан бархирхаб. Тэдэ зэлүүд хооһон болоо, тэрээгүүр хэншье гарахагүй. Үхэр һүрэгэй мөөрэхэнь дуулданагүй, огторгойн шубууд, бүхы ан арьяатан зугадан тэрьедээ.

Ерэмияа 9:9

Иимэ зүйлэйнь түлөө Би тэдэниие хэһээхэгүй юм гүб?! Иимэ арад түмэнһөө үһөөгөө абахагүй юм гүб?! Энэ болбол Би, Эзэн, айладхаа мүн!

Эзэкээл 38:20

Дэлхэйн амитан бүхэн – загаһа жараахай, шубуу шонхор, ан арьяатан, мүлхидэг амитад, хүншье Намһаа айха. Хаданууд хамхаран унаха, хабсагайнууд нураха, хотонууд һандарха.

Ёһээл 1:18

Үргүүлхэ туйлдаа хүрэһэн адагуусанай шэмхэхэ ногоон үгы болобо. Хонин хоол олохо шадалгүй хосоржо байна.

Амоос 1:2

Амоос иигэжэ хэлээ: Сион хадаһаа Эзэн арсаландал архирха, Иерусалимһаа хоолойнь ханхинан нижаганаха. Хонидой бэлшээринүүд хуурай болон гашуудаха, Кармээл хадын орой шарлан-харлан хатаха.

Амоос 5:16

Тиимэһээ Түмэн Сэрэгтэ Эзэн Бурхан иигэжэ айладана: Бүхы талмайнуудаар хүдөөлүүлгын гашуудал, бүхы гудамжануудаар «гай тодхор тудалдаа!» гэһэн ёолоонууд дуулдаха. Гашуудалай ёһололдо ажалшадые, хүдөөлгэндэ уйлагша эхэнэрнүүдые дуудаха!

Амоос 8:8

Иихэдэнь газар яагаад доһолхогүйб даа?! Бүхы зониинь гашуудан байхал! Эрьеһээ халиһан Нил мүрэн мэтэ газар дээшээ хэлбэлзээд, Египедэй Нилдэл адли һөөргөө номгорхо.

Наум 1:4

Тэрэнэй зэмэлхэдэнь, далай хатадаг, бүхы голнууд шэргэдэг. Башаан болон Кармээл хатажа эхилдэг, Ливаанай набша намаа ганхадаг.

Цэпаанияа 1:3

Улад зониие, мал, огторгойн жэгүүртэниие, далайн загаһадые усадхахаб. Газарай хүрьһэн дээрэһээ зониие үгы хэхэдэм, муу муухай зон бүдэрдэг зүйлнүүдтэеэ хамта һалаха. Энэ болбол Би, Эзэн, айладхаа мүн!

Захарияа 5:4

Түмэн Сэрэгтэ Эзэн иигэжэ айладаа: Би тэрэниие хулгайшанай гэртэ ба Минии нэрээр хуурмаг тангариглагшын гэртэ ябуулааб. Тэндэ нэбтэрэн орожо өөрыень һүнөөхэ, модо шулууеньшье усадхаха.