Һошээ 4:2 - Библи

² Хараал, мэхэ гохо, алалта, хулгай ба забхай зальхай ябадал угаа дэлгэрээ. Шуһа урасхуулха ябадал хойно хойноһоо болоно.

Һошээ 4:2 Referencias Cruzadas

Эхин 4:8

Хаяан Аабэл дүүдээ хэлэбэ: – Хээрэ тала гарая. Тэдэнэр хээрэ тала гараба. Тэндэ Хаяан гэнтэ Аабэлдэ добтолоод, алажархиба.

Исай 24:5

Зон Бурханай хуули ёһонуудые эбдэжэ, тогтоолнуудыень хазагайруулжа, хэтэ мүнхын хэлсээ эбдэн, дэлхэйе бузарлаба.

Исай 48:1

Яковай үринэр, Израилиин нэрээр ябагшад, Иудын үриһээ гарагшад, энээниие соносыта! Эзэнэй нэрээр тангаригладагшье һаа, Израилиин Бурханай нэрэ дуудадагшье һаа, досоогоо Тэрээндэ үнэн сэхэ бэшэт, зүб шударга бэшэт.

Ерэмияа 51:5

Би, Түмэн Сэрэгтэ Эзэн Бурхан, Израиль болон Иудын хан түрын Минии, Израилиин Нангинай, урда оло дахин нүгэл хээшье хадань, орхёо бэшэб.

Ерэмияа 6:7

Хабсагайда сабшан бүтээгдэһэн амһарта соо уһанай хододоо шэнэлэгдэн байдагтал, хото соо шэнэ муу муухай ябадал хододоо болон байна. Хүсэрхэл болон һандарал тухай мэдээнүүд тэндэһээ дуулдана. Минии хараха юумэн гэхэдэ, гансал үбшэн болон шарханууд.

Гашуудал 4:13

Иерусалим дотор үнэн шударга зоной шуһа урасхуулһан нүгэлтэ лүндэншэдэйнь, гэмтэ санаартадайнь үйлэ хэрэгэй түлөө энэ болоо.

Эзэкээл 7:23

Газар дэлхэй алалсаан хюдалсаанаар дүүрэнхэй, хотонууд хүсэрхэлөөр халинхай, юрэдөө, бүхы юумэн эхи-эмхигүй болоо.

Һошээ 10:13

Таанад муу муухайе ургуулан байгаат, үнэн шударга бэшые хуряажа абанат. Худал хуурмагаар ургуулагша эдеэгээ эдин байнат. Юуб гэбэл, таанад дайшалхы тэргэнүүдтээ, олон сэрэгшэдтээ найдаһан байгаат.

Һошээ 10:4

Дэмы хооһон үгэнүүдые тэдэ хэлэнэ, хэлсээ баталхадаа хуурмаг тангариг үргэнэ. Таряалангай хажуугаар бии болодог хоротой зэрлиг ургамалдал адляар зарга шүүбэри энээнэйнь түлөө бии болохо.

Һошээ 11:12

Эзэн иигэжэ айладхана: «Израилиин улад Намайе тойруулан худал хуурмаг үгэ, мэхэ гохо дэлгэнэ. Иуда Минии, арюун Бурханай, урдаһаа һөөргэдөө.

Һошээ 12:14

Израилиин арад зон Эзэниие угаа уурлуулаа, аламаар хэрэгүүдые хээ. Тиимэһээ Эзэн доромжолһонойнь түлөө өөһэдыень усадхаха.

Һошээ 5:2

Тэдэ забхайрһанай гүнзэгы нүхэндэ унаа. Тиимэһээ Би бултыень хэһээхэб.

Һошээ 6:8

Галаад хадаа муу зоноор, алууршадаар дүүрэнхэй хото мүн.

Һошээ 6:9

Хүниие агнан отожо аладаг дээрмэшэдтэл санаартадай бүлэг Шэхээм руу ошодог харгы зам дээрэ зониие алажа, муу муухай хэрэг үйлэдэдэг.

Һошээ 7:1

Израилиин арад түмэниие аргалжа байхадаа, тэдэнэй гэмтэ ябадалнуудые хараа бэлэйб. Хулгайшан хулгайлхаяа орожо байна, дээрмэшэн үйлсэнүүдээр дээрмэшэлэн ябана.

Һошээ 7:3

Мэхэ гохо гаргажа, тэдэ хааниие болон түшэмэлнүүдые хүхеэнэ.

Һошээ 7:4

Хилээмэ баридаг хүнэй талха худхаад, тэрэнээ болгохын тула пеэшэ түлеэд, саашань түлихэеэ болиһондол, тэдэ Намда урбаха ябадалаар дүүрэшэнхэй.

Михей 3:2

Теэд таанар һайн юумэ үзэн ядадагта, муу муухайда дуратайт. Минии арад зоной арһа хуулажа, яһанһаань мяхыень һалгаанат.

Михей 3:9

Израилиин удамаршад, Яковай гэр бүлын толгойлогшод, энээниие шагныта! Таанад шударга ёһые үзэн ядадаг, сэхэ юумэ гажаадагта.

Михей 6:10

Хорон муу зоной гэрнүүдтэ буруу мүрөөр олоһон баялигынь байна. Минии үзэн ядадаг юумэ – худал хэмжүүрнүүдые тэдэ хэрэглэнэ.

Михей 7:2

Бурханда үнэн сэхэ зон энэ газар дээрэ үгы болоо. Зоной дунда зүб шударга хүн байхагүй. Шуһа урасхуулхаяа хүн бүхэн худал хэрэглэнэ, аха дүүнэртээ урьха занга табина.

Цэпаанияа 3:1

Тэршээ, бузар муухай хэрэгүүдтэй, дарладаг хотодо гай гасалан тудаха!

Захарияа 5:3

Эльгээмэл намда иигэжэ хэлэбэ: – Энэ хадаа бүхы газар дэлхэйдэ бууһан хараал гээшэ. Хулгай хэһэн хамаг амитан һүнэхэ гэжэ нэгэ таладань бэшээтэй, худалаар тангариг үгэһэн хүншье баһал һүнөөгдэхэ гэжэ нүгөө таладань бэшээтэй.

Захарияа 7:9

– Түмэн Сэрэгтэ Эзэн иигэжэ айладана: Үнэн шударга ёһо дэлгэрүүлэн, хүн бүхэн хажуудахи хүндээ аха дүү мэтэ энэрхы, хайрлаха сэдьхэлээр хандагты.

Матвей 23:35

Тиимэһээ газар дээрэ адхарһан зэмэгүй хүнүүдэй шуһан – зэмэгүй Аабэлэй шуһанһаа эхилээд, Һүмэ тахилай шэрээ хоёрой хоорондо таанарта алуулһан Барахиинай Захарияа хүбүүнэй шуһан хүрэтэрөө – таанарһаа нэхэгдэхэ.

Хэрэгүүд 7:52

Танай үбгэ эсэгэнэртнай лүндэншэдэй хэниие хашан мүрдөөгүйб? Үнэн сэдьхэлтэнэй ерэхэ тухай урда айладхаһан хүнүүдые тэдэ алаа, харин таанад мүнөө тэрэ Үнэн сэдьхэлтэндэ урбажа, тэрэниие алабат.

Хуули дабталга 5:11

Эзэн Бурханайнгаа нэрые дэмы бү дурда. Тэрэнэй нэрэ дэмы нэрлэдэг хэнииешье Эзэн хэһээлтэгүй орхихогүй.

Хуули дабталга 5:18

Ханидаа бү урба.

Хуули дабталга 5:19

Хулгай бү хэ.

Гэршэлгэ 17:6

Бурханай арад зоной шуһа, Иисүүсэй гэршэнэрэй шуһа уугаад, тэрэ эхэнэрэй һогтошоод байхые харахадаа, гайхахын ехээр гайхабаб.