Һошээ 4:16 - Библи

¹⁶ Израилиин улад үсэд үнеэндэл адли болоо. Уужам бэлшээри дээрэ номхон хурьгадые харюулһандал адляар Би тэдэниие харууһалжа, адуулжа байха аалби?!

Һошээ 4:16 Referencias Cruzadas

Псалманууд 78:8

Элинсэгэймнай нүгэлые маанадта бү ашыт, Өөрын энэрэл хайрые бидэндэ үзүүлыт, ушарынь угаа зобоод байналди.

Исай 22:18

бүмбэгэ мэтээр шанга эрьелдүүлэн, танай орон нютагһаа үшөө ехэ орон нютаг руу хаяха. Үзэсхэлэнтэ тэргэнүүдшни тэндэ үлэхэ, ши өөрөө тэндэ үхэхэш. Ши өөрынгөө эзэнэй гэрэй эшэхэ зүйлынь болоод лэ һалахаш.

Исай 30:23

Орооһо тариха бүхэндэтнай Эзэн бороо хура эльгэжэ, баян ургаса үршөөхэ. Малтнай һайн бэлшээритэй байха.

Исай 5:17

Зон хони малаа хаяад, баряанда туугдан ошохо, тиихэдэнь хонидынь эзэгүй өөһэдөө тараха, баяшуулай орхиһон гэрнүүдэй дундуур эшэгэд бэлшэхэ.

Ерэмияа 14:7

Арад зомни Намда хандан ори дуун болоно: «Гэм зэмымнай урдамнай байгаашье хадань, Эзэн, нэрээ хаража, найдуулһанайнгаа ёһоор бидэндэ туһалыт. Бидэ Танда оло дахин урбаабди, урдаһаатнай нүгэл үйлэдөөбди.

Ерэмияа 3:11

Тиигээд Эзэн намда үшөө хэлэхэдээ, Израиль Тэрээнһээ буруу хараашье хадаа этигэл найдабаригүй Иудаһаа дээрэ гээд айладхаба.

Ерэмияа 3:6

Ёшияа хаанай зонхилхо үе сагта Эзэн намда иигэжэ хэлэбэ: – Урбахадаа бэлэн, найдабаригүй Израилиин юу хэһые хараа гүш? Тэрэ үндэр толгой бүхэн дээрэ гаража, һаглагар модон бүхэн доро ошожо, тэндэ шүтөөнүүдтэ мүргэн, янхан эхэнэртэл ябадал гаргаа.

Ерэмияа 3:8

Намда урбаһан Израилиин бүхы һальхай забхай ябадалыень хараад, Би тэрэниие ябуулжа, һалаһанай гэршэлгэ үгөөб. Харин үнэн сэхэ бэшэ Иуда эгэшэнь энээнһээ айбагүй, тэрэ мүн лэ янхан эхэнэр мэтэ болоо.

Ерэмияа 31:18

Эпрааимай гашуудан иигэжэ хэлэхые би соносооб: «Эзэн, бидэ һургагдаагүй буха шэнги байгаабди. Та бидэниие хэһээжэ һургаал заагаат. Эзэн Бурхамнай, бидэниие бусаагыт, бидэ Тандаа бусаха һанаатайлди.

Ерэмияа 5:6

Тиимэ ушарһаа ойн арсалан тэдэниие алажа, сүл губиин шоно тэдэниие хюдаха, ирбэс хотонуудайнь хажууда амадан байха, хотонуудһаа гараһан хүн бүхэн таһа татуулха. Юуб гэбэл, тэдэнэй нүгэл ехэ, Бурханһаа буруу хараха ушарынь олошороо.

Ерэмияа 7:24

Гэбэшье тэдэ Минии үгэ дуулаагүй, анхаралаа хандуулаагүй, харин үсэд, муу сэдьхэлэйнгээ табисуураар ажаһуужа, өөһэдыгөө хойшо татаба.

Ерэмияа 8:5

Юундэ таанад, Иерусалимай улад зон, Намһаа буруу хараһан харгыгаараа саашаал дугташажа байнабта? Таанад шүтөөнүүдөө орхихо дурагүй, Намда бусахаяа арсанат.

Һошээ 10:11

Таряа сохихо ажалда һурамхи гунжан үнеэн мэтэ Израиль. Би Өөрөө һайхан хүзүүн дээрэнь хөөмэгшэ тохохоб, хүндэ ажалда хүдэлүүлхэб. Иудые газар хахалха, Яковые борнойлхо ажалда зарахаб.

Һошээ 11:6

Дайн дажар хотонуудынь дайража, хаалгануудынь унагааха, муу муухай һанаатай байһанайнгаа түлөө тэдэ хосорхо.

Һошээ 11:7

Тэдэ Намһаа буруу хараһан зандаа. Тэдэ шангабди гээд һанана, теэд энэнь туһагүй.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Захарияа 7:11

Гэбэшье тэдэ Эзэнэй үгэдэ анхарангүй, шэхээ бүтүүлээд байгаа бэлэй.

1 Хаан түрэнүүд 15:11

– Би Саулые хаан болгоһондоо халагланаб. Юуб гэхэдэ, тэрэ Намһаа эрьежэ, Минии захяа заабари дүүргэбэгүй, – гэжэ дуулдаба. Самуил уур сухал боложо, бүхэли һүниндөө Эзэндэ зальбаран мүргөө һэн.