Һошээ 4:15 - Библи

¹⁵ Израилиин улад зон, таанад ондоо бурхадай хойноһоо ябанат. Нүгэл хэжэ ябаа хадаа ябаад, Иудын зониие бү дахуулагты! Гилгаал болон Бэт-Аавэн руу ябажа мүргэхэеэ болигты! Амиды Эзэнэй нэрээр хуурмаг тангариг үргэхэеэ болигты!

Һошээ 4:15 Referencias Cruzadas

2 Угай бэшэг 17:4

Тэрэ эсэгынгээ Бурханда шүтэдэг, захяа заабаринуудыень дүүргэдэг, израильшуудай хэрэгүүдые һажаадаггүй бэлэй.

2 Угай бэшэг 21:11

Тэрэ Иудын хадалиг газарнуудаар мүргэлэй газарнуудые байгуулжа, Иудын болон Иерусалимай зониие Эзэнэй урдаһаа нүгэл хэхэ харгы руу түлхибэ.

Исай 48:1

Яковай үринэр, Израилиин нэрээр ябагшад, Иудын үриһээ гарагшад, энээниие соносыта! Эзэнэй нэрээр тангаригладагшье һаа, Израилиин Бурханай нэрэ дуудадагшье һаа, досоогоо Тэрээндэ үнэн сэхэ бэшэт, зүб шударга бэшэт.

Ерэмияа 44:26

Тиимэ хадатнай Би, Эзэн, Өөрынгөө агууехэ нэрээр тангаригланаб: Египедэй орон нютагта ажаһуугша иудейнүүдтэ Минии нэрээр тангариглахыень хориноб!

Ерэмияа 5:2

Эзэн амиды гэжэ таанад хэды дахин хэлээшье хадаа хуурмаг тангариг үргэнэт.

Эзэкээл 20:39

Израилиин арад түмэн, онгонуудтаа мүргөө хадаа мүргэжэл байгты! Тэдээндэ бэлэг-сэлэг үргэжэ, Минии нэрэ гутаажа байхыетнай тииһээр Би болюулхаб! Миниил захиралта дууладаг болохот.

Һошээ 10:5

Бэт-Аавэндэ шудхаһан алтан бухынгаа түлөө Самариин арад түмэн шэшэрэлдэн айха, бархиралдаха. Онгоноор омогорходог санаартад тэрээн тушаа гашуудажа эхилхэ. Юуб гэхэдэ, ялагар толон тэрэ онгонһоо бэшэ гарахаяа болихо.

Һошээ 10:8

Израилиин нүгэл – зоной хариин бурхадта мүргэдэг Авээнэй обоонууд үгы хэгдэхэ. Тэндэхи үргэлэй шэрээнүүд дээрэ адаалхай һөөгүүд ургажа эхилхэ, тэдэ шэрээнүүд «Маанадые хушыт» гэжэ хада улануудта, «маанад дээрэ уныт» гэжэ гүбээнүүдтэ хандаха.

Һошээ 11:12

Эзэн иигэжэ айладхана: «Израилиин улад Намайе тойруулан худал хуурмаг үгэ, мэхэ гохо дэлгэнэ. Иуда Минии, арюун Бурханай, урдаһаа һөөргэдөө.

Һошээ 12:1

Израилиин арад зон бүхэли үдэрөө хэндэшье хэрэггүй ажал хэнэ. Худал хуурмаг ябадал, хархис муухай хэрэгүүд үдэр бүри олошорно. Ассиритэй тэдэ хэлсээ батална, Египет руу оливын тоһо абаашана».

Һошээ 12:11

Галаад угаа нүгэлтэй болоо, энэ һандаралаар дүүрэхэ. Гилгаалда буруудые үргэл болгон үүсэлээ, теэд үргэлэй тэдэ шэрээнүүд таряалангай хажуугаар байгша шулуун мэтэ һандаргагдан хаа-хаанагүй хаягдаха».

Һошээ 12:12

Яков Араамай талмайнууд руу тэрьедэн ошожо, һамга абахын тула хони адуулан байгаа.

Һошээ 4:12

Минии арад түмэн модон онгонһоо зүбшэл заабари асуужа байна! Тэдэ Намһаа буруу хаража, ондоо бурхадта мүргэжэ, янхан эхэнэртэл адли, забхай зальхай хэрэгүүдые эрхилнэ.

Һошээ 5:8

Гибаада үхэр бүреэгээр үлеэжэ, һэргылһэн дохёо үгэгты! Рамаада бүреэ дуугаргагты! Бэньямиинэй зон, Бэт-Аавэндэ добтолгын тэмдэг үгэгты!

Һошээ 9:15

Эзэн иигэжэ айладхана: «Бүхы муу муухай хэрэгүүдынь Гилгаалда эхилээ бэлэй. Тэндэ Би тэдэниие үзэн ядажа эхилээ һэм. Минии үргөөһөө тэдэниие намнан гаргахаб, тэдээндэ бэшэ дуратай байхаяа болёоб, удамаршадынь Минии урдаһаа буһалгаалаашад болоно.

Амоос 4:4

Бэт-Ээл руу ерэжэ, гэм хэгты! Гилгаалда гэм зэмээ олошоруулагты! Үглөө бүри үргэлнүүдээ асаржа, гурбан үдэрэй нэгэ удаа арбанай нэгэ хубиие үргэн байгыт!

Амоос 5:5

Бэт-Ээл руу бү эрьегты! Гилгаал ошохо хэрэггүй. Бэһээр-Шээбэ руу бү ошогты! Гилгаалай улад зон баряанда туугдаха, Бэт-Ээлдэ гай тодхор тохёолдохо!

Амоос 6:10

Түрэлэй хэн нэгэн наһа барагшые хүдөөлүүлхэеэ, шарилынь занданшуулхаа ерэхэ. Нүгшэһэн бэе гэрһээ гаргажа байхадаа Тэрэ иигэжэ асууха: «Үшөө хэн байнаб?» Тэрэнь харюусаха: «Хэншьегүй». Тиихэдэнь тэрэ иигэжэ хэлэхэ: «Ааляар! Эзэниие дурдаагүй һаа, дээрэ».

Амоос 8:14

Самариин нүгэлөөр тангариглагша хүн, «Даан, бурханаартнай тангаригланаб», үгышье һаа, «Бэһээр-Шээбэ руу ошоһон харгы замаар тангаригланаб» гэгшэд бүдэрэн унаха, бэшэ бодохогүй.

Эфесэйхиндэ 5:11

Харанхы мунхагай үрэ дүнгэй хэрэгүүдтэ ямаршье хабаагүй байгты, тэрэ хэрэгүүдые гэрэл туяада гаргажа элирүүлжэ байгты.

Нүүнэй Иисүүс 5:9

«Тиигээд лэ Египедэй эшэгүүритэ ябадал таанарһаа Би арилгааб» гэжэ Эзэн Иисүүстэ хэлээ. Тиимэһээл тэрэ газар мүнөө хүрэтэр Гилгаал гэжэ нэрэтэй.

Нүүнэй Иисүүс 7:2

Ерихоонһоо Иисүүс Бэт-Ээлэй зүүн талада Бэт-Аавэн шадар байһан Һай руу хүнүүдые эльгээгээд, тэдээндэ: – Ошоод газар харагты, – гэжэ хэлээ. Тэдэнь ошоод, Һай хотые хараа.